మరో ఘనత సాధించిన ఇస్రో.. పేటెంట్ హక్కు సొంతం

ఇస్రో మరో ఘనత సాధించింది. చంద్రుడిపై ఉండే మాదిరి మట్టిని తయారు చేసి అబ్బురపరిచింది. ఈ ఆవిష్కరణకు గాను పేటెంట్ హక్కులను సొంతం చేసుకుంది ఇస్రో. చంద్రమృత్తికను కృత్రిమంగా తయారు చేసే విధానాన్ని కనుగొన్నందుకు ఇండియన్ పేటెంట్ ఆఫీస్ ఇస్రోకు పెటెంట్‌ను మంజూరు చేసింది. ఈ పేటెంట్ హక్కులు ఇస్రో దరఖాస్తు చేసిన నాటి నుంచి మరో ఇరవై సంవత్సరాల పాటు ఉంటుంది. ఈ ఆవిష్కరణలో ఇస్రోకు చెందిన ఐ వేణుగోపాల్, ఎస్‌ఏ కన్నన్, వి చంద్రబాబులతో పాటు పెరియార్ యూనివర్శిటీకి చెందిన ఎస్ అంబజగన్, ఎస్ అరివళగన్, సీఆర్ పరమశివం, ఎం చిన్నముత్తు ఉన్నారు. వారితో పాటు నేషనల్ ఇన్‌స్టిట్యూట్ ఆఫ్ టెక్నాలజీ, తిరుచిరాపల్లికి చెందిన కే ముత్తుకుమరన్ తదితరులు భాగస్వాములయ్యారు.

ఈ మట్టి ఎందుకంటే.. భారత్ గతంలో తలపెట్టిన చంద్రయాన్‌లో విక్రమ్ మూన్ లాండర్.. చంద్రుడిపై దిగే సమయంలో విఫలమైంది. అయినా చంద్రుడిపై కాలు మోపేందుకు భారత్ మరో ప్రయత్నం చేస్తోంది. అదే చంద్రయాన్-2. ఈ ప్రయోగాల్లో భాగంగా విక్రమ్ లాండర్, ప్రజ్ఞాన్ రోవర్ మొదలైన వాటిని పరీక్షించేందుకు ఇస్రోకు చంద్రుని మీది ఉంటే వాతావరణాన్ని కృత్రిమంగా తయారు చేయాల్సి వచ్చింది. కాగా భవిష్యత్తులో కూడా తలపెట్టనున్న అనేక అంతరిక్ష ప్రయోగాలకు ఇది చాలా అవసరమౌతుంది.

అయితే మొదట ఈ చంద్రమృత్తికను అమెరికా నుంచి దిగుమతి చేసుకుందామనుకున్నారట. కానీ అది చాలా ఖరీదైన వ్యవహారం కావడంతో.. దేశీయంగానే చంద్రుడి మీద ఉండే మట్టిని తయారు చేశారు భారత శాస్త్రవేత్తలు.

ఇది కూడా చదవండి: 

వృద్ధులకు మరో బంపర్ ఆఫర్ ప్రకటించిన కేంద్ర ప్రభుత్వం..

‘కరోనా కాలర్ ట్యూన్‌’తో విసుగుచెందారా.. ఈ సింపుల్ ట్రిక్‌తో దాన్ని కట్ చేయండి