Ravi Shankar Prasad: తమిళనాడు గవర్నర్‌గా మాజీ కేంద్రమంత్రి రవిశంకర్‌ ప్రసాద్‌.?

Ravi Shankar Prasad: తమిళనాడు గవర్నర్‌గా రవిశంకర్‌ ప్రసాద్‌ నియమకం దాదాపు ఖాయమైనట్టు తెలుస్తోంది. మోదీ కేబినెట్ లో కేంద్ర న్యాయశాఖ మంత్రిగా పనిచేసిన రవిశంకర్ ప్రసాద్.. ఇటీవల మంత్రివర్గ విస్తరణ క్రమంలో పదవికి రాజీనామా చేసిన సంగతి తెలిసిందే. అయితే, తాజాగా రవిశంకర్ ప్రసాద్‌ను తమిళనాడు గవర్నర్‌గా నియమిస్తూ మోదీ ప్రభుత్వం నిర్ణయం తీసుకున్నట్టు హస్తిన నుంచి విశ్వసనీయ వర్గాల సమాచారం అందుతోంది. అయితే, ఈ నియామకం మీద అధికారిక ప్రకటన వెలువడాల్సి ఉంది.

కాగా, ప్రస్తుతం బన్వారిలాల్ పురోహిత్ తమిళనాడు గవర్నర్‌గా ఉన్నారు. తమిళనాడు గవర్నర్‌గా 30 సెప్టెంబర్ 2017 న నియమితులైన పురోహిత్, అక్టోబర్ 6, 2017 న పదవీ బాధ్యతలు స్వీకరించారు. రవిశంకర్ నియామకం అధికారికంగా వెలువడితే తమిళనాడు కొత్త గవర్నర్ గా రవిశంకర్ బాధ్యతలు స్వీకరిస్తారు.

Read also: వకీల్ సాబ్ అడిగిన లాజిక్: ఇవాళ జంటనగరాల పోలీసుల సాయంతో వర్కౌటైంది..! నిండు ప్రాణం నిలబడింది