రీల్ సింగం కాదు.. రియల్ సింగం… సోషల్ మీడియాలో వైరల్ అవుతున్న పోలీస్ వీడియో…
పోలీస్ అంటే ధైర్యం.. పోలీస్ అంటే ధీమా.. పోలీస్ అంటే రక్ష.. శాంతి భద్రతల పరిరక్షణకై పోలీసులు తమ ప్రాణాలను సైతం లెక్క చేయకుండా..
పోలీస్ అంటే ధైర్యం.. పోలీస్ అంటే ధీమా.. పోలీస్ అంటే రక్ష.. శాంతి భద్రతల పరిరక్షణకై పోలీసులు తమ ప్రాణాలను సైతం లెక్క చేయకుండా విధులు నిర్వహిస్తుంటారు. అరాచక శక్తుల నుండి సామాన్యులను రక్షిస్తుంటారు. అదే సమయంలో తేడా గాళ్ల తాట తీస్తారు. ఇలాంటి కోవకే చెందిన వీడియో ఒకటి ఇప్పుడు సోషల్ మీడియాలో తెగ వైరల్ అవుతోంది. ఆ వీడియో చూసిన వారికి ఆయన రీల్ సింగం కాదు.. రియల్ సింగం అనిపించక మానదు. ఇంతకీ ఏం జరిగిందంటే..
ఇద్దరు దుండగులు మొబైల్ ఫోన్‌ను, బైక్‌ను దొంగిలించి ఆ దొంగిలించిన బైక్‌పైనే పారిపోతున్నారు. ఇది గమనించిన ఎస్ఐ అంట్లిన్ రమేష్ ఒక్కడే మరో బైక్‌పై వారిని వెంటాడి వేటాడి పట్టుకున్నారు. వారిని అదుపులోకి తీసుకుని కటకటాల్లోకి నెట్టారు. వారితో పాటు మరో ముగ్గురు నిందితులను కూడా అరెస్ట్ చేశారు. వారి నుండి 11 దొంగిలించబడిన మొబైల్ ఫోన్లను స్వాధీనం చేసుకున్నారు. అయితే ఎస్ఐ అంట్లిన్ రమేష్ ఆ దుండగులను పట్టుకున్న తాలూకు సిసి కెమెరా ఫుటేజీని ఎస్పీ మహేష్ అగర్వాల్ ట్విట్టర్‌లో షేర్ చేశారు. ‘ఇది ఏ సినిమాలోని సీన్ కాదు. రియల్ లైఫ్ హీరో అంట్లిన్ రమేష్ ఒంటి చేత్తో దోపిడీ దొంగలను వెంటాడి పట్టుకున్న ఘటనకు సంబంధించినది’ అని ఎస్పీ మహేష్ అగర్వాల్ పేర్కొన్నారు. స్నాచర్లను ధైర్యంగా పట్టుకున్న ఎస్ఐ అంట్లిన్‌ను తన కార్యాలయానికి పిలిపించుకుని ఎస్పీ మహేష్ అగర్వాల్ అభినందించారు.
It’s not a scene from any movie. But the real life hero SI Antiln Ramesh single handed chasing and catching a mobile snatcher riding a stolen bike. Follow up led to arrest of three more accused and recovery of 11 snatched/stolen mobiles. pic.twitter.com/FJYdoma7I4
— Mahesh Aggarwal, IPS (@copmahesh1994) November 27, 2020
