IndiGo: చిన్నారిపై ఇండిగో కాఠిన్యం.. దివ్యాంగ బాలుడిని విమానం ఎక్కనివ్వని సిబ్బంది

ఓ చిన్నారి పట్ల ఇండిగో(IndiGo) సంస్థ అమానవీయంగా ప్రవర్తించింది. దివ్యాంగుడన్న కారణంతో బాలుడిని విమానంలోకి ఎక్కనివ్వకుండా దురుసుగా ప్రవర్తించింది. ఊహించని ఈ ఘటనతో ఆ కుటుంబసభ్యులు షాక్ అయ్యారు...

Ganesh Mudavath |
Updated on: May 09, 2022 | 5:34 PM

ఓ చిన్నారి పట్ల ఇండిగో(IndiGo) సంస్థ అమానవీయంగా ప్రవర్తించింది. దివ్యాంగుడన్న కారణంతో బాలుడిని విమానంలోకి ఎక్కనివ్వకుండా దురుసుగా ప్రవర్తించింది. ఊహించని ఈ ఘటనతో ఆ కుటుంబసభ్యులు షాక్ అయ్యారు. తాము వెళ్లాలని, తమ ప్రయాణానికి అడ్డు రావద్దని ఆ కుటుంబం ఎంత వేడుకున్నా విమాన సిబ్బంది కనికరించలేదు. దీంతో చివరికి ఆ చిన్నారి కుటుంబం ప్రయాణాన్నే విరమించుకోవాల్సి వచ్చింది. హైదరాబాద్‌(Hyderabad) వెళ్లేందుకు ఓ కుటుంబం దివ్యాంగ చిన్నారితో కలిసి రాంచీ విమానాశ్రయానికి వచ్చింది. అయితే ఆ బాలుడు విమానం ఎక్కేందుకు ఇండిగో సిబ్బంది నిరాకరించారు. విమానం ఎక్కేందుకు చిన్నారి భయపడుతున్నాడని, దీంతో ఇతర ప్రయాణికులకు ఇబ్బంది కలుగుతుందని చెప్పింది. అంతేకాకుండా వారిని విమానం ఎక్కనివ్వలేదు. ఈ ఘటన గురించి మనీషా గుప్తా అనే తోటి ప్రయాణికురాలు తన ఫేస్‌బుక్‌ ఖాతాలో పోస్ట్‌ చేశారు. ఇది చాలా అమానవీయ ఘటన అని ఆవేదన చెందారు. ఈ ఘటన సోషల్‌ మీడియాలో వైరల్‌గా మారింది.

There is zero tolerance towards such behaviour. No human being should have to go through this! Investigating the matter by myself, post which appropriate action will be taken. https://t.co/GJkeQcQ9iW

— Jyotiraditya M. Scindia (@JM_Scindia) May 9, 2022

భయంతో ఉన్న ఆ చిన్నారి తన భయాన్ని వీడితే.. విమానం ఎక్కించడానికి సిబ్బంది వేచి చూశారని, కానీ ఫలితం లేకుండా పోయిందని విమానయాన సంస్థ చెప్పింది. ఆ కుటుంబానికి ఎలాంటి ఇబ్బంది కలగకుండా ఓ హోటల్‌లో వసతి సౌకర్యం కల్పించినట్లు తెలిపింది. వారు మరో విమానంలో గమ్యస్థానానికి చేరినట్లు వెల్లడించింది. కాగా.. ఈ ఘటనపై కేంద్రమంత్రి జ్యోతిరాదిత్య సింధియా తీవ్ర ఆగ్రహం వ్యక్తం చేశారు. ఇలాంటి ప్రవర్తనను ఎన్నటికీ సహించేది లేదని.. ఏ వ్యక్తీకి ఇలాంటి అనుభవం జరగకూడదని ఆగ్రహం వ్యక్తం చేశారు. బాధ్యులపై తప్పకుండా చర్యలు తీసుకుంటామని హెచ్చరించారు.

మరిన్ని జాతీయం వార్తల కోసం ఈ లింక్ క్లిక్ చేయండి

ఇదీచదవండి