Viral: శోభనం రోజున వయాగ్రా తీసుకుని విపరీత శృంగారం.. ప్రాణాలు కోల్పోయిన వధువు

ఎన్నో కలలతో మెట్టింట అడుగుపెట్టిన ఆమెకు తొలి రాత్రే కాళ రాత్రిగా మారింది. భర్త ఆటవిక చర్యకు బలైపోయింది. తొలిరాత్రి భర్త వయాగ్రా మాత్ర వేసుకుని శృంగారంలో పాల్గొన్నాడు. దీంతో తీవ్రంగా గాయపడిన సదరు యువతి ఆస్పత్రిలో చికిత్స పొందుతూ మృతి చెందింది. విచక్షణ లేకుండా, అత్యంత బాధ్యతారాహిత్యంతో వ్యవహరించి.. ఆమె ప్రాణాలు తీసేశాడు సదరు యువకుడు. తీవ్ర రక్తస్రావం, ఇన్‌ఫెక్షన్‌తో 3 రోజుల పాటు నరకం చూసిన బాధితురాలు చివరకు కన్నుమూసింది. ఈ ఘటన ఉత్తరప్రదేశ్‌లోని హమీర్‌పూర్‌లో చోటుచేసుకుంది. 

హమీర్‌పూర్‌కు చెందిన ఇంజినీర్‌కు ఫిబ్రవరి 3న వివాహం జరిగింది. ఫస్ట్ నైట్ సందర్భంగా వయాగ్రా మాత్ర వేసుకున్నాడు వరుడు. దీంతో ఆమె ప్రయివేట్ భాగాల్లో తీవ్ర గాయాలై.. రక్తస్రావం, తీవ్ర ఇన్ఫెక్షన్‌‌‌తో అస్వస్థతకు గురైంది. ఆపై ఆరోగ్యం చాలా క్షీణించింది.  దీంతో కాన్పూర్ జిల్లాలోని ఓ ప్రైవేట్ నర్సింగ్ హోమ్‌లో చేరింది. ఎంత చికిత్స చేసినా డాక్టర్లు ఆమెను కాపాడలేకపోయారు. నవ వధువు ఫిబ్రవరి 7న ఆసుపత్రిలో చేరగా, చికిత్స విఫలం కావడంతో ఫిబ్రవరి 10వ తేదీ శనివారం మృతి చెందినట్లు డాక్టర్ తెలిపారు. సామూహిక అత్యాచారం చేసినంత దారుణంగా బాధితురాలి పరిస్థితి ఉందని ఆమెకు చికిత్స అందించిన డాక్టర్‌ తెలిపారు. స్థానిక మీడియా కథనాల ప్రకారం, మృతురాలి బంధువులు ఇప్పటికే పోలీసు సూపరింటెండెంట్ (ఎస్పీ)కి ఫిర్యాదు చేశారు. భర్త, అతని కుటుంబసభ్యులపై కఠిన చర్యలు తీసుకోవాలని డిమాండ్ చేశారు. ఈ విషయం తెలుసుకున్న వరుడు.. తన తల్లిదండ్రులతో కలిసి పరారయ్యాడు.

అయితే కొత్వాలి నగర్ పోలీస్ స్టేషన్‌లో ఎలాంటి సమాచారం/ఫిర్యాదు రాలేదని, ఫిర్యాదు అందిన తర్వాత విచారణ జరిపి చట్టపరమైన చర్యలు తీసుకుంటామని హమీర్‌పూర్ పోలీసులు తెలిపారు. 

మరిన్ని జాతీయ వార్తల కోసం క్లిక్ చేయండి..