అయ్యో.. ఎంత పని చేశావ్‌ తల్లి! పక్కంటి కుర్రాడు సైకిల్‌ ఇవ్వలేదని 11 ఏళ్ల బాలిక ఏం చేసిందంటే..?

ఇరుగుపొరుగు ఇళ్లలో ఉంటే పిల్లలు కలిసి ఆడుకుంటూ ఉంటారు. అలానే ఓ బాలిక వాళ్ల పక్కింట్లో ఉండే పిల్లాడితో కలిసి సరదాగా సైకిల్‌ తొక్కుతూ ఆడుకునేది. అయితే ఆ అబ్బాయి ఎందుకనో.. ఒక రోజు సైకిల్‌ ఇవ్వలేదు. దాంతో ఆ బాలిక ఊహించని నిర్ణయం తీసుకుంది. ఇంట్లోకి వెళ్లి ఊరేసుకొని ఆత్మహత్య చేసుకుంది. సైకిల్ ఇవ్వలేదని మనస్తాపం చెందిన బాలిక ఆత్మహత్య చేసుకున్న సంఘటన కర్ణాటకలోని హిరియూర్ పోలీస్ స్టేషన్ పరిధిలో జరిగింది.

గోపాల్, రుద్రమ్మ దంపతుల కుమార్తె స్పందన (11) ఈ కఠిన నిర్ణయం తీసుకుంది. స్పందన తన ఇంట్లోని గదిలో ఉరి వేసుకుని ఆత్మహత్య చేసుకుంది. ఈ ఘటనపై హిరియూర్ సిటీ పోలీసులు కేసు నమోదు చేసుకున్నారు. కాగా అల్లారుముద్దుగా పెంచుకున్న కూతురు ఇలా తమను శోకసంద్రంలో ముంచి వెళ్లడంతో పాపం ఆ బాలిక తల్లిదండ్రులు కన్నీరుమూన్నీరుగా విలపించారు.

మరిన్ని జాతీయ వార్తల కోసం ఇక్కడ క్లిక్ చేయండి..