భారత సంతతి ఆర్థికవేత్త అభిజిత్‌ బెనర్జీకి నోబెల్

ఆర్థిక‌శాస్త్రంలో విశేష కృషి చేసినందుకు గానూ 2019 నోబెల్ ప్రైజ్‌ ముగ్గురికి లభించింది. అభిజిత్ బెన‌ర్జీ, ఈస్త‌ర్ డుఫ్లో, మైఖేల్ క్రీమ‌ర్‌ ఈ అవార్డును సంయుక్తంగా గెలుచుకున్నారు. ప్ర‌పంచ‌వ్యాప్తంగా పేద‌రికాన్ని నిర్మూలించేందుకు ఈ ముగ్గురూ కలిసి అనేక పరిశోధనలు చేప‌ట్టార‌ని నోబెల్ క‌మిటీ త‌న ప్ర‌క‌ట‌న‌లో స్ప‌ష్టం చేసింది. వీరిలో అభిజిత్ బెనర్జీ భారత సంతతికి చెందిన వారు కావడం విశేషం. గడిచిన రెండు దశాబ్ధాల్లోనే ఈ ముగ్గురు ప్రతిపాదించిన ప‌రిశోధ‌నా సిద్ధాంతాలు ఆర్థిక‌వ్య‌వ‌స్థ‌ను మార్చేశాయ‌ని అభిప్రాయపడ్డారు. […]

భారత సంతతి ఆర్థికవేత్త అభిజిత్‌ బెనర్జీకి నోబెల్
TV9 Telugu Digital Desk

| Edited By: Srinu Perla

Oct 14, 2019 | 5:05 PM

ఆర్థిక‌శాస్త్రంలో విశేష కృషి చేసినందుకు గానూ 2019 నోబెల్ ప్రైజ్‌ ముగ్గురికి లభించింది. అభిజిత్ బెన‌ర్జీ, ఈస్త‌ర్ డుఫ్లో, మైఖేల్ క్రీమ‌ర్‌ ఈ అవార్డును సంయుక్తంగా గెలుచుకున్నారు. ప్ర‌పంచ‌వ్యాప్తంగా పేద‌రికాన్ని నిర్మూలించేందుకు ఈ ముగ్గురూ కలిసి అనేక పరిశోధనలు చేప‌ట్టార‌ని నోబెల్ క‌మిటీ త‌న ప్ర‌క‌ట‌న‌లో స్ప‌ష్టం చేసింది. వీరిలో అభిజిత్ బెనర్జీ భారత సంతతికి చెందిన వారు కావడం విశేషం. గడిచిన రెండు దశాబ్ధాల్లోనే ఈ ముగ్గురు ప్రతిపాదించిన ప‌రిశోధ‌నా సిద్ధాంతాలు ఆర్థిక‌వ్య‌వ‌స్థ‌ను మార్చేశాయ‌ని అభిప్రాయపడ్డారు. ముగ్గురు ప్ర‌తిపాదించిన సిద్దాంతం.. చిన్న చిన్న ప్ర‌శ్న‌ల‌తో కీల‌క స‌మాచారాన్ని సేక‌రించే విధంగా చేసింద‌న్నారు.

పిల్ల‌ల ఆరోగ్య ప‌రిస్థితి మెరుగ‌య్యేందుకు కావాల్సిన అనేక అంశాల‌ను వారి సిద్ధాంతంలో ప్ర‌తిపాదించిన‌ట్లు నోబెల్ క‌మిటీ చెప్పింది. వీరి కృషితో కెన్యా లాంటి ప్రాంతంలో పాఠ‌శాల ఫ‌లితాల అభివృద్ధిని మెరుగుప‌రిచింద‌న్నారు. భార‌త్ లాంటి దేశంలోనూ వీరు ప్రతిపాదించిన ఆర్థిక సూత్రాలు ఎంతో ఉప‌యోగకరంగా ఉన్నట్లు నిర్ధార‌ణ అయ్యిందని నోబెల్ క‌మిటీ తెలిపింది. అభివృద్ధి చెందుతున్న ఆర్థిక వ్య‌వ‌స్థ‌లు ఈ ముగ్గురు చేసిన ప్ర‌తిపాదనలను విశేషంగా వినియోగిస్తున్న‌ట్లు క‌మిటీ స్పష్టం చేసింది. ఈ ముగ్గురు ఆర్థిక‌వేత్త‌ల ప్ర‌తిపాద‌న వ‌ల్ల సుమారు 50 ల‌క్ష‌ల మంది భార‌తీయ చిన్నారులు ల‌బ్ధి పొందిన‌ట్లు కూడా నోబెల్ క‌మిటీ స్పష్టం చేసింది.

లేటెస్ట్ న్యూస్ హైలెట్స్ చూడండి

Follow us on

Most Read Stories

Click on your DTH Provider to Add TV9 Telugu