Watch: దుబాయ్‌ ఫ్లైట్ ఎక్కబోతుండగా జారిపడ్డ బ్యాగ్.. అనుమానంతో చెక్ చేస్తే షాక్..!

దేశరాజధాని ఢిల్లీలోని ఇందిరాగాంధీ అంతర్జాతీయ విమానాశ్రయంలో భారీగా విదేశీ కరెన్సీ పట్టుబడింది. డీఆర్ఐ నుంచి అందిన సమాచారం మేరకు.. దుబాయ్‌ వెళ్లేందుకు సిద్ధమైన ఓ ప్రయాణికుడిని కస్టమ్స్‌ అధికారులు అడ్డుకున్నారు. సోమవారం, ఆగస్టు 17, 2026న AI-4309 విమానంలో ప్రయాణించాల్సిన అతడి చెక్‌-ఇన్‌ బ్యాగేజీని క్షుణ్ణంగా తనిఖీ చేశారు.

ఈ తనిఖీల్లో అధికారులు షాకింగ్ విషయాన్ని గుర్తించారు. బ్యాగ్‌లో ప్రత్యేకంగా ఏర్పాటు చేసిన నకిలీ అడుగు భాగంలో, అలాగే ఓ క్యాసరోల్ మూత లోపల దాచిన 15,500 అమెరికన్ డాలర్లను స్వాధీనం చేసుకున్నారు. అక్రమంగా విదేశీ కరెన్సీ తరలించేందుకు ప్రయత్నించినట్లు కస్టమ్స్ అధికారులు తెలిపారు.

డీఆర్ఐ అందించిన సమాచారంతో కస్టమ్స్‌ అధికారులు సమన్వయంతో తనిఖీలు నిర్వహించి కరెన్సీని గుర్తించినట్లు తెలిపారు. ఈ ఘటనపై కేసు నమోదు చేసిన అధికారులు.. ప్రయాణికుడిని విచారిస్తూ కరెన్సీ ఎక్కడి నుంచి వచ్చింది, ఎక్కడికి తరలించాలనుకున్నారు, ఈ వ్యవహారం వెనుక మరెవరైనా ఉన్నారా అనే కోణాల్లో దర్యాప్తు చేస్తున్నారు. విమానాశ్రయాల్లో అక్రమ కరెన్సీ రవాణాను అడ్డుకునేందుకు తనిఖీలను మరింత కట్టుదిట్టం చేస్తున్నట్లు అధికారులు తెలిపారు.

వైరల్ వీడియోను ఇక్కడ చూడండి..

Customs, IGI Airport, New Delhi Date: 17.08.2026 Acting on specific information from DRI, officers intercepted a Dubai-bound passenger (Flight AI-4309) on 17.08.2026. Thorough examination of his checked-in baggage led to recovery of USD 15,500, concealed in a fake bottom of the… pic.twitter.com/y5IOm4IpgL

— Delhi Customs (Airport & General) (@AirportGenCus) August 19, 2026

మరిన్ని ట్రెండింగ్ వార్తల కోసం ఇక్కడ క్లిక్ చేయండి..