కరోనా ఎఫెక్ట్.. ప్రధాని మోదీ బ్రసెల్స్ పర్యటన వాయిదా

ప్రపంచ వ్యాప్తంగా కరోనా వైరస్ హడలెత్తిస్తున్న నేపథ్యంలో ప్రధాని మోదీ తన బ్రసెల్స్ పర్యటనను వాయిదా వేసుకున్నారు. బ్రసెల్స్ రాజధాని బెల్జియంలో.. ఇండియా-యూరోపియన్ సమ్మిట్ జరగవలసి ఉంది. సభ్య దేశాల మధ్య వ్యూహాత్మక భాగస్వామ్యాన్ని విస్తృతం చేసేందుకు ఉద్దేశించి ఈ శిఖరాగ్ర సమావేశాన్ని నిర్వహించాలని ప్రతిపాదించారు. పైగా మోదీ టూర్ కి అనుగుణంగా విదేశాంగ మంత్రి ఎస్.జైశంకర్ గత నెలలో బ్రస్సెల్స్ సందర్శించి వచ్చారు కూడా.. కాగా మోదీ ఈ సమయంలో ఆ దేశానికి వెళ్లడం సబబు కాదని ఇరు దేశాల ఆరోగ్య శాఖ అధికారులు సూచించారని విదేశాంగ శాఖ అధికార ప్రతినిధి రవీష్ కుమార్ తెలిపారు. అందువల్ల ఉభయ దేశాలకూ అనువైన తేదీల్లో ఈ సమ్మిట్ ను రీషెడ్యూల్ చేయనున్నట్టు ఆయన వివరించారు. బెల్జియంలో నిన్నటి వరకు 23 కరోనా కేసులు నమోదైనట్టు సమాచారం అందింది.