చైనా కంపెనీకి ఇండియ‌న్ రైల్వే షాక్‌ !

డ్రాగ‌న్ కంట్రీపై యావ‌త్ భార‌తావ‌ని భ‌గ్గుమంటోంది. లడఖ్​ వ్యాలీలో ఇండియన్ ఆర్మీ జవాన్లు 20 మంది ప్రాణాల్ని బలిగొన్న చైనాకు బుద్ధి చెప్పాలని, ఆ దేశానికి సంబంధించిన వస్తువులను బ్యాన్ చేయాలని సర్వత్రా ఆగ్రహావేశాలు వ్యక్తమవుతున్నాయి. ఈ నేపథ్యంలో ఇండియ‌న్ రైల్వే కూడా చైనాకు బుద్ధి చెప్పాల‌ని నిర్ణ‌యించుకుంది.

 ఓ చైనా కంపెనీకి ఇచ్చిన కాంట్రాక్టును ర‌ద్దు చేయాల‌ని రైల్వేశాఖ నిర్ణ‌యించింది. బీజింగ్‌కు చెందిన ఓ కంపెనీతో 2016లో రూ. 471 కోట్ల‌కు రైల్వేశాఖ ఓ ఒప్పందం కుదుర్చుకుంది. దీని ప్ర‌కారం కాన్పూర్‌-మొగ‌ల్ స‌రాయి రైల్వే లైన్‌లో 417 కిలోమీట‌ర్ల టెలిక‌మ్యూనికేష‌న్‌, సిగ్న‌లింగ్ పూర్తిచేయాలి. అయితే, 2019 లోపు ప‌నులు పూర్తికావాల్సి ఉన్నా ఇప్ప‌టికీ 20శాతం కూడా కాలేద‌ని అందుకే కాంట్రాక్ట్‌ ర‌ద్దు చేస్తున్న‌ట్లు రైల్వేశాఖ వెల్ల‌డించింది.