Hemant Soren: మైనింగ్ లీజు కేసులో ముఖ్యమంత్రికి సుప్రీంకోర్టులో ఊరట.. హైకోర్టు విచారణకు స్వీకరించడంపై సుప్రీంకోర్టు స్టే..
జార్ఖండ్ ముఖ్యమంత్రి హేమంత్ సోరెన్కు సుప్రీంకోర్టు నుంచి ఊరట లభించింది. అక్రమాలకు పాల్పడ్డారని దాఖలు చేసిన పిటిషన్ను జార్ఖండ్ హైకోర్టు విచారణకు స్వీకరించడంపై సుప్రీంకోర్టు స్టే విధించింది. ఈ వ్యవహారంపై..
Updated on: Nov 07, 2022 | 1:20 PM
మైనింగ్ లీజు కేసులో జార్ఖండ్ ముఖ్యమంత్రి హేమంత్ సోరెన్కు సుప్రీంకోర్టులో ఊరట లభించింది. సీఎం హోదాలో సోరెన్ అక్రమాలకు పాల్పడ్డారని దాఖలు చేసిన పిటిషన్ను జార్ఖండ్ హైకోర్టు విచారణకు స్వీకరించడంపై సుప్రీంకోర్టు స్టే విధించింది. ఈ వ్యవహారంపై హేమంత్ సోరెన్ దాఖలు చేసిన పిటిషన్ను విచారించేందుకు సుప్రీంకోర్టు అంగీకరించింది. వ్యక్తిగతంగా తనపై కక్షతో ఆ వ్యక్తి హైకోర్టులో పిటిషన్ దాఖలు చేశారని అన్నారు హేమంత్ సోరెన్. ఇదే కేసులో అనర్హత వేటును ఎదుర్కొంటున్నారు హేమంత్ సోరెన్. ఆయనపై అనర్హత వేటు వేయాలని గవర్నర్కు ఈసీ సిఫారసు చేసింది. షెల్ కంపెనీల్లో పెట్టుబడులు పెట్టడం, ముఖ్యమంత్రి, హేమంత్ సోరెన్ సన్నిహితుల తరఫున మైనింగ్ లీజులను తప్పుగా తీసుకున్నారనే ఆరోపణలకు సంబంధించిన పిఐఎల్ను సుప్రీంకోర్టు నిర్వహించలేనిదిగా పరిగణించింది.
అయితే.. ఇది సత్య విజయం అని హేమంత్ సోరెన్ పేర్కొన్నారు.ఈ పిల్ ను శివశంకర్ శర్మ అనే వ్యక్తి జార్ఖండ్ హైకోర్టులో దాఖలు చేశారు. దాని నిర్వహణను ప్రశ్నిస్తూ.. ముఖ్యమంత్రి సోరెన్, జార్ఖండ్ ప్రభుత్వం సుప్రీంకోర్టులో SLP (స్పెషల్ లీవ్ పిటిషన్) దాఖలు చేశాయి. జార్ఖండ్ హైకోర్టులో ఈ అంశానికి సంబంధించిన పిల్ విచారణపై స్టే విధించాలని సోరెన్ కోరారు. ఆగస్టులో ఆయన పిటిషన్ను విచారించిన సుప్రీంకోర్టు తన నిర్ణయాన్ని రిజర్వ్ చేసింది.
సుప్రీంకోర్టు ఏం చెప్పింది
శివశంకర్ శర్మ అనే వ్యక్తి హైకోర్టులో దాఖలు చేసిన ప్రజాహిత వ్యాజ్యం (పిఐఎల్) నిర్వహించదగినది కాదని సుప్రీంకోర్టు న్యాయమూర్తి జస్టిస్ దినేష్ మహేశ్వరి, జస్టిస్ సుధాన్షు ధులియాతో కూడిన ధర్మాసనం సోమవారం తీర్పునిచ్చింది. గతంలో, జార్ఖండ్ హైకోర్టు ఈ పిటిషన్ను నిర్వహించదగినదిగా పరిగణించింది.
सत्यमेव जयते! pic.twitter.com/38JLdRLmsq
— Hemant Soren (@HemantSorenJMM) November 7, 2022
రాష్ట్ర ప్రభుత్వం, హేమంత్ సోరెన్ల అప్పీల్పై సుప్రీంకోర్టులో విచారణ సందర్భంగా, రాష్ట్ర ప్రభుత్వం తరపున సీనియర్ న్యాయవాది కపిల్ సిబల్ హాజరయ్యారు. విచారణ సందర్భంగా హైకోర్టులో దాఖలైన ప్రజాహిత వ్యాజ్యం (పిఐఎల్) నిర్వహణ సామర్థ్యాన్ని ఆయన ప్రశ్నించారు. సిఎం హేమంత్ సోరెన్, అతని సన్నిహితులను ఆరోపిస్తూ శివశంకర్ శర్మ దాఖలు చేసిన రెండు పిల్ల ఉద్దేశ్యం భయపెట్టడమేనని ఆయన అన్నారు. పిటిషనర్ తండ్రికి సోరెన్ కుటుంబంతో పాత శత్రుత్వం ఉంది. పిటిషనర్ తరపు న్యాయవాది రాజీవ్ కుమార్ను కోల్కతా పోలీసులు రూ. 50 లక్షల దోపిడీతో అరెస్టు చేసినట్లు సుప్రీంకోర్టుకు తెలిపారు న్యాయవాది.
మరిన్ని జాతీయ వార్తల కోసం
