Covid nasal vaccine: ప్రాథమిక పరీక్షలో ఆస్ట్రాజెనెకా నాసల్ స్ప్రే వ్యాక్సిన్ విఫలం.. క్షీణించిన కంపెనీ స్టాక్
కోవిడ్ మహమ్మారిని నివారించడానికి ఆస్ట్రాజెనెకా కొత్త రకం వ్యాక్సిన్‌పై పని చేస్తోంది. ఈ నాసల్ స్ప్రే కోవిడ్ వ్యాక్సిన్‌ను తయారు చేయడానికి కంపెనీ చాలా డబ్బు, సమయాన్ని వెచ్చించింది. కానీ,
కోవిడ్ వ్యాక్సిన్ నాసల్ స్ప్రే: ప్రస్తుత కాలంలో కరోనా ప్రభావం తగ్గింది. కానీ ఇప్పటికీ చాలా మంది ప్రజలు వైరస్‌ మహమ్మారితో పోరాడుతూనే ఉన్నారు. కరోనా నివారణ కోసం ఇప్పటి వరకు అనేక వ్యాక్సిన్‌లు మార్కెట్‌లోకి వచ్చాయి. కోవిడ్ మహమ్మారిని నివారించడానికి ఆస్ట్రాజెనెకా కొత్త రకం వ్యాక్సిన్‌పై పని చేస్తోంది. ఈ నాసల్ స్ప్రే కోవిడ్ వ్యాక్సిన్‌ను తయారు చేయడానికి కంపెనీ చాలా డబ్బు, సమయాన్ని వెచ్చించింది. కానీ ప్రాథమిక పరీక్షకు వచ్చినప్పుడు, టీకా దాని పరీక్షలో విఫలమైంది. యూనివర్శిటీ ఆఫ్ ఆక్స్‌ఫర్డ్ శాస్త్రవేత్తల ప్రకారం,… ఈ టీకా శరీరంలో ఎటువంటి బలమైన రోగనిరోధక శక్తిని ఉత్పత్తి చేయదు. ఆస్ట్రాజెనెకా వైఫల్యం ప్రభావం దాని షేర్లపై కూడా కనిపించింది. ఆస్ట్రాజెనెకా స్టాక్ ఈ సమయంలో 1 శాతం క్షీణించిందని సమాచారం. ఈ విషయాన్ని ఆస్ట్రా అధికారి తెలిపారు.
నాసల్ స్ప్రే వ్యాక్సిన్ వైఫల్యం దానిని తయారు చేయడంలో మన ముందు చాలా సవాళ్లు ఉన్నాయని చెబుతోందని ఆస్ట్రా పరీక్ష ప్రిన్సిపల్ ఇన్వెస్టిగేటర్ శాండీ డగ్లస్ వివరించారు. వ్యాక్సిన్ల తయారీకి మరింత సమయం పడుతుందని ఆయన వెల్లడించారు. కార్డిఫ్ యూనివర్శిటీలో ఇన్ఫెక్షియస్ డిసీజెస్‌పై అధ్యయనం చేసిన ఆండ్రూ ఫ్రైడ్‌మాన్, నాసల్ స్ప్రే కోవిడ్ వ్యాక్సిన్ ద్వారా ప్రారంభ ట్రయల్‌లో ఇచ్చిన ఫలితాలు చాలా నిరాశపరిచాయని, అయితే నాసల్ స్ప్రేని అభివృద్ధి చేయడానికి పరిశోధన కొనసాగుతోంది. దీంతో పరిశోధనల్లో ఎక్కువ సమయం కేటాయించాలి. ఈ వ్యాక్సిన్ తయారీ కోసం 2021 సంవత్సరంలో ప్రారంభించబడిందని, ఇది 2022 సంవత్సరంలో పరీక్షించబడింది. విశేషమేమిటంటే వ్యాక్సిన్‌కి సంబంధించిన పరిశోధనలు ది లాన్సెట్ ఈబయోమెడిసిన్ ఓపెన్ యాక్సెస్ జర్నల్‌లో ప్రచురించబడ్డాయి.
గత నెలలో భారత్‌కు చెందిన ఆరోగ్య మంత్రిత్వ శాఖ భారత్ బయోటెక్ COVID-19 నాసల్ స్ప్రే వ్యాక్సిన్‌ను ఆమోదించింది. అయితే చైనా CanSino బయోలాజిక్స్ Inc గత నెలలో దాని COVID-19 వ్యాక్సిన్ ఇన్హేల్డ్ వెర్షన్ కోసం దేశ డ్రగ్ రెగ్యులేటర్ ద్వారా అత్యవసర ఆమోదం పొందింది. బ్రిటిష్ పరిశోధకులు నిర్వహించిన ట్రయల్‌లో గతంలో కోవిడ్‌కు వ్యతిరేకంగా టీకాలు వేయని 30 మంది, నాసల్ స్ప్రేని బూస్టర్‌గా స్వీకరించిన 12 మంది పాల్గొన్నారు. సాధారణ పరికరం ద్వారా రోగుల ముక్కు ద్వారా వ్యాక్సిన్‌ను అందించారు. కానీ, ఈ అధ్యయనంలో ఆశించిన విధంగా నాసికా స్ప్రే బాగా పని చేయలేదని ఆక్స్‌ఫర్డ్ యూనివర్శిటీ జెన్నర్ ఇన్‌స్టిట్యూట్‌లోని ట్రయల్ చీఫ్ ఇన్వెస్టిగేటర్ శాండీ డగ్లస్ రాయిటర్స్ ఉటంకిస్తూ చెప్పారు.
నాసికా వ్యాక్సిన్‌లు సులభంగా నిర్వహించబడతాయి కాబట్టి, ప్రపంచం ఈ దిశగా పరీక్షించడానికి ఎదురుచూస్తోంది. అలాగే, నాసికా స్ప్రేలు శ్వాసకోశం ద్వారా శరీరంలోకి ప్రవేశించే సమయంలో సంక్రమణకు కారణమయ్యే వైరస్‌ను చంపే సామర్థ్యాన్ని కలిగి ఉంటాయి. నివేదికల ప్రకారం, వ్యాక్సిన్ సరిగ్గా పనిచేయకపోవడానికి ఒక కారణం అది పొట్టలో నాశనం కావడం లేదా ఊపిరితిత్తులకు ఎక్కువసేపు అంటుకోకపోవడంగా భావిస్తున్నారు.
మరిన్ని బిజినెస్ న్యూస్ కోసం ఇక్కడ క్లిక్ చేయండి