ASSASSINATION: రాజీనామా చేయకుంటే చంపేస్తామంటూ ఆ ముఖ్యమంత్రికి బెదిరింపు.. 3 నెలలు డెడ్ లైన్..
ASSASSINATION: మూడు నెలల్లో ముఖ్యమంత్రి పదవికి రాజీనామా చేయకపోతే చంపేస్తానంటూ ఆ రాష్ట్ర ముఖ్యమంత్రికి బెదిరింపులు వచ్చాయి. ఇందుకోసం ప్రత్యేకంగా షూటర్ ను నియమించినట్లు నిందితుడు తెలిపాడు.
ASSASSINATION: మూడు నెలల్లో ముఖ్యమంత్రి పదవికి రాజీనామా చేయకపోతే చంపేస్తానంటూ ఆ రాష్ట్ర ముఖ్యమంత్రికి బెదిరింపులు వచ్చాయి. ఇంతకీ విషయం ఏమిటంటే.. మిజోరం సీఎం జొరాంథంగాపై(Mizoram CM Zoramthanga) ఓ దుండగుడు బెదింపులకు పాల్పడ్డాడు. ఇందుకోసం తాను ప్రత్యేకంగా ఒక షూటర్ను కూడా ఏర్పాటు చేసినట్లు అతడు వెల్లడించాడు. సోషల్ మీడియా ద్వారా నిందితుడు ఈ వ్యాఖ్యలు చేశాడు.
మిజోరం సీఎంపై బెదిరింపులకు పాల్పడిన వ్యక్తి ఖాజ్వల్ ప్రాంతానికి చెందిన రోడిన్లియానా అలియాస్ అపుయా టోచ్ఛాంగ్గా పోలీసులు గుర్తించారు. ప్రస్తుతం ఐజ్వాల్లోని ఛాన్మరీ ప్రాంతంలో నివాసం ఉంటున్న నిందితుడు.. ‘తింగ్ట్లాంగ్ పా’ అనే నకిలీ అకౌంట్ను వినియోగించి బెదిరింపులకు పాల్పడినట్లు అధికారులు గుర్తించారు. దీనికి తోడు ఈ బెదిరింపులను ఇతర ఫేస్బుక్ గ్రూపుల్లో షేర్ చేసినట్లు పోలీసులు తెలిపారు. రాష్ట్ర బడ్జెట్ను ముఖ్యమంత్రి తన సొంత ప్రయోజనాల కోసం వాడుకుంటున్నారంటూ నిందితుడు దుష్ప్రచారం చేస్తున్నాడని తెలిపారు. ఈ వ్యవహారంలో కేసు నమోదు చేసిన పోలీసులు నిందితుడిని అరెస్ట్ చేశారు.
సీఎంను చంపేస్తానంటూ బెదిరింపులకు దిగటం ఇది తొలిసారి కాదని తెలుస్తోంది. 2018లో కూడా అప్పటి సీఎం లాల్ తన్హావాలాకు సైతం అప్పట్లో నిందితుడు బెదిరింపు లేఖ రాశాడని తెలుస్తోంది. అప్పట్లో కూడా ఇలాగే ముఖ్యమంత్రిని చంపేస్తానంటూ బెదిరింపులు చేయటంతో పోలీసులు నిందితుడిని అరెస్ట్ చేశారు.
ఇదీ చదవండి..
Ukraine Russia War: ఉక్రెయిన్ శరణార్థులకు బ్రిటన్ చేయూత.. అలా చేసిన వారికి నెలకు 450 డాలర్లు..
Earthquake: ఆ రెండు దేశాల్లో భారీ భూకంపం.. భయాందోళనలో అక్కడి ప్రజలు..
