Watch Video: ఎట్టకేలకు చిక్కిన అరికొంబన్ ఏనుగు.. ఎలా పట్టుకున్నారంటే
Elephant Arikomban: తమిళనాడులోని ఇటీవల తేని జిల్లాలో అరికొంబన్ అనే ఏనుగు బీభత్సం సృష్టించించిన విషయం తెలిసిందే. పలు గ్రామాల్లో అయితే 144 సెక్షన్‌ను కూడా విధించారు. ఇప్పటికే ఈ ఏనుగు దాడిలో ఇద్దరు మృతి చెందగా పలువురికి తీవ్ర గాయాలయ్యాయి. దీన్ని పట్టుకునేందుకు అధికారులు విశ్వప్రయత్నాలు చేశారు.
Updated on: Jun 05, 2023 | 12:54 PM
తమిళనాడులోని ఇటీవల తేని జిల్లాలో అరికొంబన్ అనే ఏనుగు బీభత్సం సృష్టించించిన విషయం తెలిసిందే. పలు గ్రామాల్లో అయితే 144 సెక్షన్‌ను కూడా విధించారు. ఇప్పటికే ఈ ఏనుగు దాడిలో ఇద్దరు మృతి చెందగా పలువురికి తీవ్ర గాయాలయ్యాయి. దీన్ని పట్టుకునేందుకు అధికారులు విశ్వప్రయత్నాలు చేశారు. దాదాపు 20 రోజుల నుంచి ప్రజలకు కంటిమీద కునుకు లేకుండా భయాందోళనకు గురిచేస్తోన్న ఈ ఏనుగు ఎట్టకేలకు అధికారులకు పట్టుబడింది. సోమవారం తెల్లవారుజామున కంబమ్ ఈస్ట్ రేంజ్‌లో ఫారెస్ట్ వెటర్నరీ సర్జన్లు, అటవీ శాఖ అధికారుల బృందం దానికి 2 మత్తు ఇంజెక్షన్ షాట్లు వేసి చాకచక్యంగా పట్టుకున్నారు.
అయితే ఈ పట్టుబడిన అరి కొంబన్ ఏనుగును తేని జిల్లాకు ఆనుకుని ఉన్న వెల్లిమలై ప్రాంతంలో విడిచిపెట్టాలని అధికారులు భావిస్తున్నట్లు తెలుస్తోంది. అయితే ఆ ఏనుగుకు చాలా గాయాలు కావడంతో.. చికిత్స కోసం తొలుత ముడుమలై అటవీ ప్రాంతానికి వెళ్లనున్నారు. అనంతరం దాన్ని అడవిలో విడిచిపెట్టాలని భావిస్తున్నారు. కానీ ఇప్పటి వరకు ఏనుగును ఏ ప్రాంతంలో విడుదల చేయబోతున్నారనే దానిపై అధికారికంగా సమాచారం ఇవ్వలేదు.
మరిన్ని జాతీయ వార్తల కోసం
