Akasa Air Flight : ముంబై-వారణాసి విమానానికి బాంబు బెదిరింపు.. వారణాసిలో అత్యవసర ల్యాండింగ్.. ఆ తర్వాత..
విమానం ఎగిరిన‌కాసేటి తర్వాత విమానంలో బాంబు ఉన్నట్టు అకాసా ఎయిర్ ఫ్లైట్ ఎయిర్ ట్రాఫిక్ కంట్రోల్ నుంచి అత్యవసర హెచ్చరిక కాల్‌ వచ్చింది. దాంతో విమానం అత్యవసర విధానాలను అనుసరించి ప్రత్యేక రన్‌వేపై ల్యాండ్ చేయబడింది. విమానం ల్యాండ్ అయిన వెంటనే.. సీఐఎస్ఎఫ్ సిబ్బంది సుమారు గంటపాటు సోదాలు నిర్వహించారు. ఈ తనిఖీల్లో ..
Updated on: Sep 30, 2023 | 10:12 PM
సెప్టెంబర్ 29న ముంబై నుంచి వారణాసి వెళ్తున్న విమానం అత్యవసరంగా ల్యాండింగ్ అయింది. ముంబై-వారణాసి విమానంలో బాంబు ఉన్నట్టు ఫోన్‌కాల్ గుర్తు తెలియని వ్యక్తి నుండి ఫోన్‌ కాల్‌ రావ‌డంతో విమానాన్ని అత్యవసరంగా వారణాసిలో ల్యాండ్‌చేశారు. ఎయిర్‌లైన్స్‌ భద్రతా సిబ్బంది విమానాన్ని క్షుణంగా త‌నిఖీ చేశారు. విమానంలో ఎలాంటి బాంబు పేలుడు వ‌స్తువు లేదని నిర్ధారించటంతో సిబ్బంది, ప్రయాణికులు అంతా ఊపిరిపీల్చుకున్నారు. విమానయాన సంస్థ తెలిపిన వివ‌రాల ప్ర‌కారం.. ముంబై నుంచి వారణాసికి అకాసా ఎయిర్‌లైన్ విమానం 159 మంది ప్రయాణికులు, ఒక చిన్నారి, ఆరుగురు సిబ్బంది సహా 166 మందితో శుక్ర‌వారం సాయంత్రం బ‌య‌లుదేరింది.
విమానం ఎగిరిన‌కాసేటి తర్వాత విమానంలో బాంబు ఉన్నట్టు అకాసా ఎయిర్ ఫ్లైట్ QP 1498కి ఎయిర్ ట్రాఫిక్ కంట్రోల్ నుంచి అత్యవసర హెచ్చరిక కాల్‌ వచ్చింది. దాంతో విమానం అత్యవసర విధానాలను అనుసరించి ప్రత్యేక రన్‌వేపై ల్యాండ్ చేయబడింది. విమానం ల్యాండ్ అయిన వెంటనే.. సీఐఎస్ఎఫ్ సిబ్బంది సుమారు గంటపాటు సోదాలు నిర్వహించారు. ఈ తనిఖీల్లో విమానంలో ఏమీ దొరకలేదు.
అనంతరం వారణాసి ఎయిర్పోర్ట్ డైరెక్టర్ పునీత్ గుప్తా మాట్లాడుతూ.. ‘అంతా మామూలే.. బాంబు సమాచారం అందగానే ఎయిర్‌పోర్టు అధికారులు పూర్తి జాగ్రత్తలు తీసుకుని విచారణ జరిపి అంతా బాగానే ఉందని తేల్చారు.. భద్రతా తనిఖీల్లో ఎలాంటి అభ్యంతరకరమైన వస్తువులు గానీ, ఎలాంటి పేలుడు పదార్థాలు గానీ కనిపించలేదని వారణాసి ఎయిర్పోర్ట్ డైరెక్టర్ పునీత్ గుప్తా తెలిపారు. విమానం సురక్షితంగా ఉన్నట్టు వెల్ల‌డించారు. ఫేక్ ఫోన్‌కాల్‌పై ఎయిర్‌పోర్టు అధికారులు పోలీసుల‌కు ఫిర్యాదు చేశారు. పోలీసులు కేసు న‌మోదు చేసుకొని ద‌ర్యాప్తు జ‌రుపుతున్నారు.
మరిన్ని జాతీయ వార్తల కోసం క్లిక్ చేయండి..
