Bangaluru: మహిళతో ఆ పని చేస్తుండగా గుండెపోటు.. రీల్ సీన్ కాదండోయ్.. పక్కా రియల్ సీనే..
మారుతున్న కాలంలో నేరాలు కూడా యథేచ్ఛగా పెరిగిపోతున్నాయి. హత్యలు, దొంగతనాలు, అత్యాచారాలు, దోపిడీలకు కొదవే లేకుండా పోతోంది. ముఖ్యంగా వివాహేతర సంబంధాలు తీవ్ర పరిణామాలకు దారి తీస్తున్నాయి....
Updated on: Nov 26, 2022 | 7:06 AM
మారుతున్న కాలంలో నేరాలు కూడా యథేచ్ఛగా పెరిగిపోతున్నాయి. హత్యలు, దొంగతనాలు, అత్యాచారాలు, దోపిడీలకు కొదవే లేకుండా పోతోంది. ముఖ్యంగా వివాహేతర సంబంధాలు తీవ్ర పరిణామాలకు దారి తీస్తున్నాయి. కొన్ని సార్లు ప్రాణాలు కూడా తీసేస్తున్నాయి. కానీ ఇక్కడ మాత్రం కాస్త వెరైటీగా జరిగింది. తన ఇంట్లో పని చేస్తున్న మహిళతో శృంగారం చేస్తున్న సమయంలో అతనికి గుండెపోటు వచ్చింది. దీంతో అతడు అక్కడికక్కడే మృతి చెందాడు. ఈ ఘటనపై పోలీసులు కేసు నమోదు చేసుకుని దర్యాప్తు చేపట్టారు. కర్నాటక రాజధాని బెంగళూరుకు చెందిన బాలసుబ్రమణియన్ బిజినెస్ మెన్.. ఆయనకు తన ఇంట్లో పని చేసే మహిళతో పరిచయం ఏర్పడింది. ఆ పరిచయం కాస్తా సాన్నిహిత్యంగా మారింది. శారీరక సంబంధానికీ దారి తీసింది. ఇంట్లో ఎవరూ లేని సమయంలో పని చేసే మహిళతో ఏకాంతంగా గడుపుతున్న సమయంలో బాలసుబ్రమణియన్ కు ఒక్కసారిగా గుండెపోటు వచ్చింది. దీంతో అతను అక్కడికక్కడే మృతి చెందాడు. ఊహించని ఈ ఘటనతో ఆ మహిళ తీవ్ర భయాందోళనకు గురైంది. నేరం తనపై పడుతుందేమోనని భావించి, వెంటనే భర్త, సోదరుడిని పిలిచింది. ముగ్గురు కలిసి మృతదేహాన్ని ప్లాస్టిక్ కవర్లో చుట్టారు. అనంతరం నిర్మానుష్య ప్రాంతంలో పాడేసి వెళ్లిపోయారు.
గుర్తు తెలియని మృదతదేహం ఉందన్న స్థానికుల సమాచారంతో పోలీసులు ఘటనాస్థలానికి చేరుకున్నారు. కేసు నమోదు చేసుకుని దర్యాప్తు చేపట్టగా అసలు విషయాలు తెలిశాయి. బాలసుబ్రమణియన్ ఇటీవలే యాంజియోగ్రామ్ చేయించుకున్నట్లు అతని కుటుంబసభ్యులు చెప్పారు. గతంలోనూ ఆమె ఇంటికి వెళ్లినట్లు ఆధారాలు దొరికాయని పోలీసులు చెప్పారు. ముగ్గురిపై కేసు నమోదు చేసి దర్యాప్తు చేస్తున్నామన్నారు. పూర్తి వివరాలు త్వరలోనే వెల్లడిస్తామని చెప్పారు.
మరిన్ని జాతీయ వార్తల కోసం
