వీరికి సెల్యూట్ చేయాల్సిందే.. కోవిడ్‌ డ్యూటీలో నాలుగు నెలల గర్భిణి.. రోజూ 120 మందికి మీల్స్ ఫ్రీ మీల్స్ పంపుతున్న హోట‌ల్ య‌జ‌మాని

కోవిడ్ డ్యూటీలో 4 నెలల గర్భంతో నర్సు ఉపవాస దీక్ష పాటిస్తూనే రోగులకు సేవలు 120 మందికి మీల్స్ అందిస్తున్న రెస్టారెంట్‌ యజమాని

గుజరాత్ లోని సూరత్ లో నాలుగు నెలల గర్భిణిగా ఉన్న నర్సు కోవిడ్ విబాగంలో రోగుల సేవకు అంకితమై ఆదర్శంగా నిలుస్తోంది. నాన్సీ ఆయేషా మిస్త్రీ తనకు వైరస్ నుంచి ముప్పు ఉన్నప్పటికీ లెక్క చేయకుండా పూర్తిగా విధి నిర్వాణలో నిమగ్నమైంది. రోజూ 8 నుంచి 10 గంటలు పని చేస్తోంది. తన సేవలకు గుర్తింపుగా పేషంట్ల నుంచి ఆశీస్సులు అందుకుంటోంది. తన కడుపులో బిడ్డ పెరుగుతున్నాడని, కానీ తన డ్యూటీ తనకు ముఖ్యమని ఆమె అంటోంది. పవిత్ర రంజాన్ మాసంలో రోగులకు సేవలు చేయడం తనకు దక్కిన మంచి అదృష్టమని ఆమె చెప్పింది. సూరత్ లోని అటల్ కోవిడ్ హాస్పిటల్ లో పని చేస్తున్న నాన్సీ ని అభినందించనివాళ్ళు లేరు. గత ఏడాది కూడా కరోనా వైరస్ కాలంలో ఈమె ఇదే ఆసుపత్రిలో పని చేసిందట.

ఇక ఆగ్రాలో రెస్టారెంట్ యజమాని శివమ్ భగత్ తన మానవతా దృక్పథాన్ని చాటుకుంటున్నాడు. రెస్టారెంట్ దరిదాపుల్లో ఉన్న ప్రాంతాల్లోని కోవిడ్ రోగులకు, ఐసోలేషన్ లో ఉన్న వారి కుటుంబ సభ్యులకు ఈయన రోజూ రెండు పూటలా ఆరోగ్యకరమైన భోజనాన్ని అందిస్తున్నాడు. అది కూడా పూర్తిగా ఉచితంగా… ఈ సెకండ్ వేవ్ కరోనా సమయంలో ఒకరికొకరు సాయం చేసుకోవాల్సిందే అంటున్నాడీయన. తాము ప్రతి రోజూ 120 మందికి మీల్స్  పంపుతున్నామని, తమ వాలంటీర్లు హోమ్ డెలివరీ చేస్తున్నారని చెప్పాడు.

Also Read: ఏపీలో క‌రోనా క‌ల్లోలం.. కొత్తగా 11,698 పాజిటివ్ కేసులు, భారీగా మ‌ర‌ణాలు

: విడాకులు తీసుకున్న త‌ల్లి.. 750 కోట్ల భ‌ర‌ణం చెల్లించ‌నున్న కొడుకు.. ఇంట్రస్టింగ్ స్టోరీ