AIIMS Recruitment: నాగ్‌పూర్‌ ఎయిమ్స్‌లో ఉద్యోగాలు.. జీతం రూ. లక్ష మొదలు రెండు లక్షల వరకు.. దరఖాస్తు చేసుకోండిలా..

AIIMS Recruitment: నాగ్‌పూర్‌లోని ఆల్ ఇండియా ఇనిస్టిట్యూట్ ఆఫ్ మెడికల్ సైన్సెస్ (ఎయిమ్స్) ప్రత్యక్ష నియామక ప్రాతిపదికన వివిధ ఫ్యాకల్టీ (గ్రూప్ ఎ) పోస్టుల నియామకానికి దరఖాస్తులను ఆహ్వానించింది. అర్హత గల అభ్యర్థులు ఏప్రిల్ 7 లోగా తమ దరఖాస్తులను ఇ-మెయిల్ ద్వార, ఏప్రిల్ 22వ తేదీలోగా పోస్టల్ ద్వారా పంపించాలని పేర్కొంది. అసిస్టెంట్ ప్రొఫెసర్, అసోసియేట్ ప్రొఫెసర్‌ పోస్టులకు భర్తీ చేయడానికి నాగ్‌పూర్ ఎయిమ్స్ ఈ నోటిఫికేషన్ విడుదలు చేసింది. కాగా, ఈ పోస్టులకు ఎంపికైన అభ్యర్థులకు 7 వ పేకమిషన్ పే లెవల్ 12, పే లెవల్ 13 ప్రకారం జీతం ఇవ్వబడుతుంది. ఒకవేళ అసోసియేట్ ప్రొఫెసర్ పోస్టులకు దరఖాస్తులు రానట్లయితే ఆ పోస్టులను ఆయా కేటగిరిలోని కింది స్థాయి కేడర్ ద్వారా భర్తీ చేయడం జరుగుతుందని ఎయిమ్స్ అధికారులు తమ ప్రకటనలో స్పష్టం చేశారు. ఈ నిర్ణయం వల్ల పై పోస్టులకు అర్హత కలిగిన కిందిస్థాయి ఉద్యోగులు కూడా దరఖాస్తు చేసుకునే వెసులుబాటు కలిగింది.

జీతభత్యాలు.. అసోసియేట్ ప్రొఫెసర్: లెవెల్13-ఎ1+ వారికి రూ. 1,38,300-2,09,200 వరకు ఉంటుంది. అసిస్టెంట్ ప్రొఫెసర్: లెవెట్12 రూ. 1,01,500-1,67,400 వరకు ఉంటుంది.

అసోసియేట్ ప్రొఫెసర్ అర్హతలు: 1. 1956 నాటి భారతీయ వైద్య మండలి చట్టం షెడ్యూల్ 1, 2, 3 ప్రకారం వైద్య అర్హతలు ఉండాలి. 2. పోస్ట్ గ్రాడ్యుయేట్ కలిగి ఉండాలి. సంబంధిత సబ్జెక్ట్‌లో ఎండీ/ఎంఎస్ చేసి ఉండాలి.

అనుభవం: కనీసం ఆరేళ్ల బోధన అనుభవం, పరిశోధన అనుభవం, ఎండీ/ఎంఎస్ లేదా సమానమైన విద్యార్హత కలిగి ఉండాలి.

ఎయిమ్స్ నాగ్‌పూర్ రిక్రూట్‌మెంట్ 2021 సూపర్‌స్పెషాలిటీ విభాగాలకు అవసరమైన అర్హతలు.. M.Ch. శస్త్రచికిత్సా సూపర్ స్పెషాలిటీల కోసం సంబంధిత సబ్జెక్టు‌లో అర్హత కలిగి ఉండాలి. అనుభవం: M.Ch డిగ్రీ పొందిన తరువాత గుర్తింపు పొందిన సంస్థలో కనీసం నాలుగు సంవత్సరాల బోధన, పరిశోధన అనుభవం ఉండాలి.

అసిస్టెంట్ ప్రొఫెసర్ ఉద్యోగాలకు అర్హత: ట్రామా, ఎమర్జెన్సీ కోసం ఎమర్జెన్సీ మెడిసిన్‌లో ఎండి లేదా జనరల్ మెడిసిన్‌లో ఎండి లేదా జనరల్ సర్జరీలో ఎంఎస్ లేదా దానికి సమానమైన అర్హత కలిగి ఉండాలి. అనుభవం: MD / MS విద్యార్హత కలిగి.. గుర్తింపు పొందిన సంస్థలో మూడేళ్ల బోధన లేదా పరిశోధన అనుభవం ఉండాలి.

పూర్తివివరాల కోసం నాగ్‌పూర్ ఎయిమ్స్‌ అధికారిక వెబ్‌సైట్‌లో చొడొచ్చు.