బెంగుళూరులో గ్యాంగ్ రేప్ కేసు..12 మంది అరెస్టు..!! నిందితుల్లో ఇద్దరు మహిళలు..!!
బంగ్లాదేశ్ కు చెందిన ఓ యువతిపై బెంగుళూరులో గ్యాంగ్ రేప్ చేసి ఆమెను టార్చర్ పెట్టిన కేసుకు సంబంధించి పోలీసులు 12 మందిని అరెస్టు చేశారు.
బంగ్లాదేశ్ కు చెందిన ఓ యువతిపై బెంగుళూరులో గ్యాంగ్ రేప్ చేసి ఆమెను టార్చర్ పెట్టిన కేసుకు సంబంధించి పోలీసులు 12 మందిని అరెస్టు చేశారు. నిందితుల్లో ఇద్దరు మహిళలు కూడా ఉన్నారు. మిగిలినవారు బంగ్లాదేశీయులు. 5 వారాల్లో ఈ కేసు ఇన్వెస్టిగేషన్ పూర్తి చేసి నిందితులను అరెస్టు చేసిన పోలీసు సిబ్బందిని బెంగుళూరు పోలీస్ కమిషనర్ కమల్ పంత్ అభినందించారు. ఈ టీమ్ కి లక్ష రూపాయల రివార్డును మంజూరు చేశారు. ఈ ఏడాది మే నెలలో ఈ గ్యాంగ్ రేప్ జరిగిందని, నిందితులు ఈ వీడియోను సర్క్యులేట్ చేశారని పోలీసులు తెలిపారు. 22 ఏళ్ళ బాధితురాలి పట్ల వీరు అత్యంత అమానుషంగా ప్రవర్తించారని. వారు చెప్పారు. బంగ్లాదేశ్ లో మనుషుల అక్రమ రవాణాకు పాల్పడే ముఠా ఉందని.ఈ ముఠా సభ్యులు మూడేళ్ళ క్రితం ఈ బాధితురాలిని అస్సాం, బెంగాల్, తెలంగాణ, కర్నాటక రాష్ట్రాలకు తిప్పారని ఖాకీలు వెల్లడించారు.
అనంతరం ఆమెను వ్యభిచారంలోకి దింపారన్నారు. ఏదో ఆర్ధిక పరమైన వివాదం వల్లే ఈ నిందితులు ఆమె పట్ల కక్ష పెంచుకున్నట్టు కనిపిస్తోందన్నారు. ఇద్దరు మహిళలు కూడా ఈ గ్యాంగ్ రేప్ ముఠాకు సహకరించడం ఆశ్ఛర్యంగా ఉందని వారు పేర్కొన్నారు. సుమారు రెండు నెలల క్రితమే కేసు దర్యాప్తు జరుగుతుండగా ముగ్గురు నిందితులు పారిపోవడానికి యత్నించినప్పుడు పోలీసులు వారిపై కాల్పులు జరిపి గాయపరిచారు. మరో ఇద్దరు పరారీలో ఉన్నారు. అటు ఈ కేసు దర్యాప్తు ముగిసిందని తెలిపిన పోలీసు కమిషనర్..చార్జిషీటును కోర్టుకు సమర్పిస్తామని వెల్లడించారు.
మరిన్ని ఇక్కడ చూడండి: Suspicious death డ్యూటీకంటూ వెళ్లాడు.. లారీలో విగతజీవిగా కనిపించాడు.. గుంటూరు జిల్లాలో అనుమానాస్పద మృతి
