ఓట్స్ మంచివే.. కానీ వీళ్లు ఎట్టి పరిస్థితుల్లో తినకూడదు..! ఎవరు దూరంగా ఉండాలో తెలుసా?

హెల్తీ బ్రేక్‌ఫాస్ట్‌ విషయానికి వస్తే మొదట గుర్తుకు వచ్చే పేరు ఓట్స్. జిమ్ కి వెళ్ళేవారి నుండి డైటింగ్‌ చేస్తున్న వారి వరకు అందరూ దీనిని నిస్సంకోచంగా తింటారు. అందుకే ఓట్స్‌ని ఆరోగ్య నిధి అంటారు. ఇది బరువు తగ్గడానికి, గుండెను బలంగా ఉంచడానికి సహాయపడుతుంది. అందుకే ఇటీవలి కాలంలో చాలా మంది బ్రేక్‌ఫాస్ట్‌లో ఓట్స్ తినడానికి ఇష్టపడుతున్నారు.. ఓట్స్ ను పాలతో కలిపి తినడం చాలా ఆరోగ్యకరమైన అల్పాహారంగా చెబుతారు.. ఇందులో ఫైబర్ పుష్కలంగా ఉంటుంది. ఓట్స్ గుండె ఆరోగ్యానికి కూడా మేలు చేస్తాయి. కానీ, ఆరోగ్య కరమైన ఓట్స్‌ కూడా కొంతమందికి హానికరం అని మీరు ఎప్పుడైనా అనుకున్నారా..? అవును ఓట్స్‌ అందరికీ ప్రయోజనకరంగా ఉండవు. ఎందుకంటే ఓట్స్ తినడం కొన్ని శారీరక సమస్యలు ఉన్నవారికి అనారోగ్యకరమైనదిగా నిపుణులు చెబుతున్నారు. ఓట్స్ ఎవరికి హానికరమో ఇక్కడ తెలుసుకుందాం.

ఓట్స్ తినడం వల్ల కలిగే నష్టాలు:

ఓట్స్‌లో గ్లూటెన్ ఉండదు. అయితే, వాటిని తయారు చేయడానికి వాటిని ప్రాసెస్ చేస్తారు. అనేక ఇతర ధాన్యాలను కూడా ప్రాసెస్ చేస్తారు. ఇది క్రాస్-కాలుష్యం ప్రమాదాన్ని కలిగిస్తుంది. సెలియాక్ వ్యాధి ఉన్నవారికి రోగనిరోధక ప్రతిచర్య ఉండవచ్చు. గ్లూటెన్ చాలా తక్కువ పరిమాణంలో కూడా వారికి హాని కలిగిస్తుంది. పోషకాలు సరిగ్గా గ్రహించబడవు. అటువంటి పరిస్థితిలో కడుపు నొప్పితో పాటు అనేక ఇతర ఆరోగ్య సమస్యలు సంభవించే అవకాశం ఉంటుంది. ఇది దీర్ఘకాలిక ఆరోగ్య సమస్యలను కలిగిస్తుంది.

ఇవి కూడా చదవండి

ఈ చింతకాయను గుర్తుపట్టారా..? ఎక్కడ కనిపించినా వదలకండి..

పాకిస్తాన్ లో అట్టహాసంగా గణేష్ నిమజ్జన వేడుకలు.. అద్భుతమైన వీడియో

గణనాథులపై విమానంతో పూలవర్షం.. కిక్కిరిసిపోయిన భక్తజనం..వీడియో

చంద్రగ్రహణం.. సూతక కాలం తర్వాత వీటిని దానం చేస్తే శుభ ఫలితాలు..!

జీర్ణ సమస్యలు ఎక్కువగా ఉన్నవారు ఓట్స్ ను తినకపోవడమే మంచిదని నిపుణులు చెబుతున్నారు. కడుపు ఉబ్బరం, గ్యాస్, ఎసిడిటీ, అపానవాయువు వంటి జీర్ణ సమస్యలు ఉన్నవారు ఉంటే గనుక ఓట్స్ ను తినకండి. ఎందుకంటే ఈ ఓట్స్ జీర్ణం కావడానికి జీర్ణ వ్యవస్థ బాగా కష్టపడాల్సి వస్తుంది. అందుకే బలహీనమైన జీర్ణవ్యవస్థ ఉన్నవారు ఫైబర్ కంటెంట్ ఎక్కువగా ఉండే ఓట్స్ ను తినకూడదని వైద్య నిపుణులు చెబుతున్నారు.

అలెర్జీ సమస్యలు ఉన్నవారు కూడా ఓట్స్ తినకుండా ఉండాలి. ఓట్స్ తినడం వల్ల అలెర్జీ ఉండటం చాలా అరుదు. కానీ, అది ఉన్నవారికి తీవ్రంగా మారుతుంది. ఓట్స్‌లో ఉండే ప్రోటీన్ అవెనిన్‌కు రోగనిరోధక వ్యవస్థ ప్రతిస్పందించడం వల్ల ఈ అలెర్జీ వస్తుంది. దీంతో శరీరంపై ఎర్రటి దద్దుర్లు, శ్వాస తీసుకోవడంలో సమస్యలు, కడుపు సమస్యలు మొదలైనవి సంభవించవచ్చు.

మీకు డయాబెటిస్ ఉన్నప్పటికీ మీరు ఓట్స్‌ను తక్కువ పరిమాణంలో తీసుకోవాలి. ఎక్కువగా తినటం వల్ల డయాబెటిస్ ఉంటే రక్తంలో చక్కెర స్థాయి వేగంగా పెరుగుతుంది. పరిమిత పరిమాణంలో అప్పుడప్పుడు తినడం సరైనదిగా నిపుణులు చెబుతున్నార. ఓట్స్‌లో ఫైటిక్ యాసిడ్ ఉంటుంది. ఇది యాంటీ న్యూట్రియంట్. ఇది కాల్షియం, ఐరన్, జింక్ వంటి ముఖ్యమైన ఖనిజాలతో బంధించి, శరీరంలో వాటి శోషణను తగ్గిస్తుంది. ఇది ఆరోగ్యకరమైన వ్యక్తులకు హానికరం కాదు, కానీ ఖనిజాల లోపం ఉన్నవారు, ఓట్స్ ఎక్కువగా తీసుకునేవారు తక్కువ పరిమాణంలో తినమని నిపుణులు సూచిస్తున్నారు.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)

మరిన్ని లైఫ్ స్టైల్ న్యూస్ కోసం క్లిక్ చేయండి..