Papaya: పరగడుపున బొప్పాయి తింటే శరీరంలో జరిగేది ఇదే!
పండ్లలో ఆహారంగా తీసుకునే వాటిల్లో బొప్పాయి కూడా ఒకటి. అన్ని రకాల సీజన్లలో కూడా బొప్పాయి లభిస్తుంది. బొప్పాయి తీసుకోవడం వల్ల కేవలం శరీరానికే కాకుండా అందానికి కూడా ఎంతో మేలు చేస్తుంది. బొప్పాయి తీసుకోవడం వల్ల అనేక ఆరోగ్య ప్రయోజనాలు ఉన్నాయి. ఏ సీజన్‌లో తీసుకున్నా బాడీ డీహైడ్రేట్ కాకుండా.. హైడ్రేషన్‌గా ఉంచుతుంది. బొప్పాయితో ఒక్కటేంటి చాలా రకాల ప్రయోజనాలే ఉన్నాయి. అందాన్ని పెంచడంలో బొప్పాయి..
పండ్లలో ఆహారంగా తీసుకునే వాటిల్లో బొప్పాయి కూడా ఒకటి. అన్ని రకాల సీజన్లలో కూడా బొప్పాయి లభిస్తుంది. బొప్పాయి తీసుకోవడం వల్ల కేవలం శరీరానికే కాకుండా అందానికి కూడా ఎంతో మేలు చేస్తుంది. బొప్పాయి తీసుకోవడం వల్ల అనేక ఆరోగ్య ప్రయోజనాలు ఉన్నాయి. ఏ సీజన్‌లో తీసుకున్నా బాడీ డీహైడ్రేట్ కాకుండా.. హైడ్రేషన్‌గా ఉంచుతుంది. బొప్పాయితో ఒక్కటేంటి చాలా రకాల ప్రయోజనాలే ఉన్నాయి. అందాన్ని పెంచడంలో బొప్పాయి ముఖ్య పాత్ర పోషిస్తుంది. గుండె సమస్యలను, బరువును తగ్గించడంలో బొప్పాయి చాలా హెల్ప్ చేస్తుంది. ఇన్ని ప్రయోజనాలు ఉన్న పపాయను ఉదయం ఖాళీ కడుపుతో తింటే ఏం జరుగుతుందో ఇప్పుడు తెలుసుకుందాం.
యాక్టివ్‌గా ఉంటారు:
ఉదయం ఖాళీ కడుపుతో బొప్పాయి తినడం వల్ల ఎంతో ఉత్సాహంగా, ఉల్లాసంగా ఉంటారు. అలసట అనేది దరి చేరదు. బొప్పాయిలో ఉండే పోషకాలు రోజంతా ఎనర్జిటిక్‌గా ఉంచేందుకు హెల్ప్ చేస్తుంది. ఎక్కువగా అలసట, నీరసానికి గురి అవుతున్నవారు బొప్పాయి తింటే మంచి ఫలితాలు ఉంటాయి.
చర్మం ఆరోగ్యం:
బొప్పాయి తినడం వల్ల కేవలం శరీర ఆరోగ్యాలే కాదు చర్మ ఆరోగ్యం కూడా పెరుగుతుంది. బొప్పాయితో ఇప్పటికే మనం చాలా రకాల ఫేస్ ప్యాక్‌ల గురించి తెలుసుకున్నాం. బొప్పాయిని చర్మంపై రాసుకోవడం వల్ల.. స్కిన్ సాఫ్ట్‌గా, కాంతివంతంగా తయారవుతుంది. బొప్పాయి తిన్నా కూడా చర్మ ఆరోగ్యం అనేది మెరుగు పడుతుంది. కేవలం చర్మం మాత్రమే కాకుండా.. జుట్టు కూడా షైనీగా తయారవుతుంది. ఈ పండును మీ డైట్‌లో చేర్చుకోవడం వల్ల ముఖ్యంగా వృద్ధాప్య ఛాయలు అనేవి దరి చేరకుండా ఉంటాయి.
రోగ నిరోధక శక్తి:
బొప్పాయిలో విటమిన్ సి, యాంటీ ఆక్సిడెంట్లు, కెరోటనాయిడ్లు ఉంటాయి. ఇవి చర్మంపై ఉండే ఇన్ ఫ్లమేషన్‌ను తగ్గించడంలో హెల్ప్ చేస్తాయి. శరీరంలో ఇమ్యూనిటీ వ్యవస్థను బల పరుస్తుంది. దీంతో వైరస్, ఇన్ ఫెక్షన్ల నుంచి రక్షిస్తుంది. ఎలాంటి అనారోగ్య సమస్యలు రాకుండా కాపాడుతుంది.
గుండె ఆరోగ్యం:
బొప్పాయి తినడం వల్ల గుండె పని తీరు మెరుగు పడుతుంది. బొప్పాయిలో ఉండే పోషకాలు గుండె ఆరోగ్యాన్ని పెంచేందుకు సహాయ పడుతుంది. రక్త పోటు అదుపులో ఉంటుంది. ఎముకలు కూడా బలంగా, దృఢంగా తయారవుతాయి. జీర్ణ సమస్యలు తగ్గుతాయి.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ వార్తల కోసం క్లిక్‌ చేయండి..
