మీకు థైరాయిడ్ ఉందా.. వీటికి దూరంగా చాలు ఈజీగా తగ్గించుకోవచ్చు..

మారుతున్న జీవనశైలి, విపరీతమైన ఒత్తిడి కారణంగా ఈ మధ్య కాలంలో థైరాయిడ్ సమస్యలు సైలెంట్ కిల్లర్‌లా విస్తరిస్తున్నాయి. మెడ భాగంలో ఉండే ఈ చిన్న గ్రంథి.. శరీర జీవక్రియను నియంత్రించడంలో కీలక పాత్ర పోషిస్తుంది. ఇది అదుపు తప్పితే బరువు పెరగడం, జుట్టు రాలడం, విపరీతమైన అలసట వంటి సమస్యలు చుట్టుముడతాయి. అయితే సరైన ఆహార నియమాలు పాటిస్తే ఈ సమస్యను సమర్థవంతంగా ఎదుర్కోవచ్చని ఆరోగ్య నిపుణులు సూచిస్తున్నారు.

థైరాయిడ్ ఉన్నవారు వీటికి దూరంగా ఉండాలి

థైరాయిడ్ హార్మోన్ల అసమతుల్యత ఉన్నప్పుడు కొన్ని రకాల ఆహార పదార్థాలు సమస్యను మరింత తీవ్రం చేస్తాయి.

సోయా ఉత్పత్తులు: సోయా బీన్స్, సోయా పాలు థైరాయిడ్ మందుల పనితీరుకు ఆటంకం కలిగించవచ్చు.

పచ్చి కూరగాయలు: క్యాబేజీ, బ్రోకలీ, క్యాలిఫ్లవర్ వంటి వాటిని పచ్చిగా తినకూడదు. వీటిని ఉడికించి తీసుకోవడం వల్ల అందులోని గోయిట్రోజెన్స్ ప్రభావం తగ్గుతుంది.

జంక్ ఫుడ్ – షుగర్: ప్రాసెస్ చేసిన ఆహారాలు, అధిక చక్కెర, ఉప్పు ఉండే పదార్థాలు శరీరంలో ఇన్ఫ్లమేషన్ పెంచుతాయి.

కెఫీన్ – ఆల్కహాల్: కాఫీ, టీలు, మద్యం హార్మోన్ల సమతుల్యతను దెబ్బతీస్తాయి.

ఆహారంలో చేర్చుకోవాల్సిన సూపర్ ఫుడ్స్

థైరాయిడ్ గ్రంథి చురుగ్గా పనిచేయడానికి ఈ పోషకాలు అవసరం..

అయోడిన్: పాల ఉత్పత్తులు, చేపలు మరియు అయోడైజ్డ్ ఉప్పు పరిమితంగా తీసుకోవాలి.

సెలీనియం – జింక్: బాదం, వాల్‌నట్స్, గుమ్మడి గింజలు, తృణధాన్యాలు హార్మోన్ల ఉత్పత్తికి సహాయపడతాయి.

ప్రోటీన్: గుడ్లు, పనీర్, శనగలు వంటి ప్రోటీన్ అధికంగా ఉండే ఆహారం జీవక్రియను మెరుగుపరుస్తుంది.

ఆకుకూరలు: తాజా పండ్లు, ఆకుకూరలు శరీరానికి అవసరమైన విటమిన్లను అందిస్తాయి.

జీవనశైలిలో ఈ 5 మార్పులు చేసుకోండి

కేవలం ఆహారం మాత్రమే కాదు, అలవాట్లు కూడా మారాలి..

వ్యాయామం: రోజుకు కనీసం 30 నిమిషాల నడక లేదా యోగా థైరాయిడ్ ఆరోగ్యానికి మేలు చేస్తాయి.

ఒత్తిడి నిర్వహణ: మెడిటేషన్ ద్వారా ఒత్తిడిని తగ్గించుకోవడం వల్ల హార్మోన్లు అదుపులో ఉంటాయి.

నిద్ర: రోజుకు 7-8 గంటల గాఢ నిద్ర హార్మోన్ల రీసెట్‌కు అవసరం.

క్రమం తప్పని పరీక్షలు: ప్రతి 3 లేదా 6 నెలలకు ఒకసారి థైరాయిడ్ ప్రొఫైల్ టెస్ట్ చేయించుకోవాలి.