Pressure Cooker: ప్రెషర్ కుక్కర్ నుంచి వాటర్ లీకైనా.. విజిల్ రాకపోయినా ఇలా చేస్తే 100 శాతం పక్కా రిజల్ట్
ప్రెషర్ కుక్కర్ లీకేజీ, విజిల్ రాకపోవడం వంటి సమస్యలను పరిష్కరించేందుకు ఈ చిట్కాలను ప్రయత్నించండి. ఆకుకూర శుభ్రం చేయడం, పప్పు నానబెట్టడం, చింతపండు వాడకం, అలాగే వాషర్ నిర్వహణ వంటి అనేక కిచెన్ హ్యాక్లను ఇక్కడ తెలుసుకోవచ్చు. ఆ వివరాలు ఇలా..
Updated on: Apr 11, 2026 | 6:16 PM
వంటగదిలో మహిళలు నిత్యం ఎదుర్కొనే ప్రెషర్ కుక్కర్ సమస్యలకు, ఇతర చిన్న చిన్న ఇబ్బందులకు చక్కని పరిష్కారాలు ఇక్కడ తెలుసుకోండి. సమయం ఆదా చేస్తూ వంటను సులభతరం చేసే ఆ చిట్కాలు ఇలా ఉన్నాయి. కుక్కర్ విజిల్ సరిగా రాకపోయినా లేదా పక్క నుంచి నీరు లీక్ అవుతున్నా ఒక చిన్న స్పూన్ చిట్కా అద్భుతంగా పనిచేస్తుంది. కుక్కర్లో పదార్థాలన్నీ వేసిన తర్వాత ఒక చిన్న స్పూన్ను నిలువుగా అందులో వేసి మూత పెట్టండి. దీనివల్ల వంట పొంగకుండా ఉంటుంది. అలాగే, మూతపై వెయిట్ పెట్టే చోట పాత కాటన్ క్యారీ బ్యాగ్ ముక్కను ఉంచడం వల్ల, ఒకవేళ నీరు పొంగినా అది స్టవ్ మీద పడకుండా ఆ గుడ్డ పీల్చుకుంటుంది.
ఇది చదవండి: గ్యాస్ స్టవ్లో చిన్న మంట వస్తోందా.? చిటికెలో ఇలా సులభంగా రిపేర్ చేసుకోవచ్చు..
కుక్కర్ వాషర్ మెయింటెనెన్స్:
కుక్కర్ వాషర్(గాస్కెట్) బిగుతుగా ఉండటానికి దానిని వాడే ముందు కొద్దిగా వంటనూనె రాసి, చేతులతో నాలుగైదు సార్లు సాగదీయాలి. ఒకవేళ వాషర్ పాతదై లీక్ అవుతుంటే, వేడి నీటిలో 20 నిమిషాల పాటు నానబెట్టి, ఆ తర్వాత నూనె రాసి బిగిస్తే అది మళ్ళీ సమర్థవంతంగా పనిచేస్తుంది.
ఆరోగ్యకరమైన వంట చిట్కాలు:
ఆకుకూరలు: ఆకుకూరలను తరిగిన తర్వాత కడగకూడదు. తరిగే ముందే ఉప్పు, వెనిగర్ కలిపిన నీటిలో నానబెట్టి కడిగితే పోషకాలు పోవు.
పప్పులు: కందిపప్పును వండే ముందు గంట పాటు నానబెడితే గ్యాస్ సమస్యలు రావు. పప్పు ఉడికించేటప్పుడు చింతపండును నేరుగా వేయకుండా ఒక చిన్న గిన్నెలో పెట్టి కుక్కర్లో ఉంచితే పప్పు మెత్తగా ఉడుకుతుంది.
సులభమైన కిచెన్ హ్యాక్స్:
ఇన్స్టంట్ పట్టకార్ర: అత్యవసర సమయంలో పట్టకార్ర అందుబాటులో లేకపోతే, రెండు ఫోర్కులను వెనుకవైపుకు కలిపి రబ్బర్ బ్యాండ్తో కడితే తాత్కాలికంగా వస్తువులను పట్టుకోవడానికి వీలుగా ఉంటుంది.
రీసైక్లింగ్: పాత కాటన్ బ్యాగులను పారేయకుండా చిన్న ముక్కలుగా కట్ చేసి పెట్టుకుంటే, స్టవ్ శుభ్రం చేయడానికి లేదా వేడి గిన్నెలు పట్టుకోవడానికి మసిగుడ్డలుగా వాడుకోవచ్చు. ఈ చిన్నపాటి జాగ్రత్తలు పాటించడం వల్ల వంటగది పనులు వేగంగా పూర్తి అవ్వడమే కాకుండా, సామాగ్రి కూడా పాడవకుండా ఎక్కువ కాలం మన్నుతాయి.
ఇది చదవండి: కడుపు ఉబ్బిపోయి కనిపించిన కొండచిలువ.. పట్టుకుని పొట్ట ఎక్స్రే తీయగా
