టెన్షన్‌గా ఉందా.. ఇలా చేస్తే సరి.!

జీవితం మెకానికల్ రొటీన్ అయిపోయింది. వయసు, పేద, ధనిక, ఆడ, మగ తేడాలేకుండా టెన్షన్లు పెరిగిపోతున్నాయ్. ఈ ఒత్తిడి ప్రభావం ఆరోగ్యం మీద చూపిస్తోంది. ఈ దశలో తక్షణం టెన్షన్ తగ్గించుకోవడం చాలా ముఖ్యం. అందుకు ఒత్తిడిని అధిగమించే ఉపాయాలేంటో తెలుసుకుని అమల్లో పెడితే సరి.. ఆ చిట్కాలేంటో మీకోసం..

> టెన్షన్ జయించడంలో దివ్య ఔషధం నవ్వు.. హాయిగా పగలబడి నవ్వితే 80శాతం టెన్షన్ మటుమాయమౌపోతుంది. అంతేకాదు, నవ్వు వల్ల ఒత్తిడిని కలిగించే కార్టిసాల్‌ అనే రసాయనాల ఉత్పత్తి తగ్గి, ఆనందాన్ని రేకెత్తించే ఎండోమార్ఫిన్స్‌ అనే రసాయనాలు వెలువడతాయి. అందుకే నవ్వేస్తే పోలా.

> సౌండ్స్.. పెద్ద శబ్ధాలు ఒత్తిడిని బాగా పెంచేస్తాయి. వాటికి దూరంగా ఉండాలి.

> ప్రకృతి లోని పక్షుల కిలకిలరావాలు, నీటి ప్రవాహం, సముద్ర అలలు చూస్తూఉంటే ఒత్తిడి తేలిపోతుంది.

> ఆలోచనలను పక్కకు నెట్టి, శ్వాసమీదే దృష్టిపెట్టి వాకింగ్ చేయడం మంచిది.

> లేచి నిల్చుని తల, వెన్ను, భుజాలని నిటారుగా ఉంచి నిదానంగా, దీర్ఘంగా ఊపిరి పీల్చుకుని వదిలితే మనసు తేలిక పడుతుంది.

> కండరాలు, శరీర అవయవాలు బిగదీసి ఉండకుండా ఫ్రీగా ఉండేట్టు చూసుకోవాలి. ఈ చిన్ని చిన్న చిట్కాలు పాటిస్తే ఒత్తిడి లేకుండా మనసు ఆహ్లాదంగా మారుతుంది.