Study: త్వ‌ర‌గా వృద్ధాప్యం రావ‌డానికి అది కూడా ఓ కార‌ణ‌మే.. ప‌రిశోధ‌న‌ల్లో ఆస‌క్తిక‌ర విష‌యాలు
ఆత్మీయులను కోల్పోవ‌డం ఎంతో బాధ‌క‌ర‌మైన విష‌య‌మ‌ని తెలిసిందే. అప్ప‌టి వరకు త‌మ‌తో క‌లిసి జీవించిన వారు ఒక్క‌సారిగా త‌మ‌ను వ‌దిలి వెళ్లిపోవ‌డాన్ని ఎవ‌రూ జీర్ణించుకోలేరు. ఇది వారిలో ఎంతో మ‌నో వేధ‌న‌కు దారి తీస్తుంది. ఆ బాధ నుంచి అంత సుల‌భంగా కోలుకోలేరు. అయితే ఆత్మీయులు...
వ‌య‌సుతో పాటు వృద్ధాప్యం రావ‌డం స‌ర్వసాధార‌ణ‌మైన విష‌యం. ఇది ప్ర‌కృతి ధ‌ర్మం కూడా అయితే కొంద‌రిలో త‌క్కువ వ‌య‌సులోనే వృద్ధాప్య ఛాయ‌లు వ‌స్తుంటాయి. ఇందుకు ఎన్నో కార‌ణాలు ఉంటాయి. తీసుకునే ఆహారంలో మార్పులు, స‌రైన శారీర‌క శ్ర‌మ లేకపోవ‌డం, ఒత్తిడి.. ఇలా ర‌క‌ర‌కాల కార‌ణాల గురించి నిపుణులు చెబుతుంటారు. అయితే తాజాగా పరిశోధకులు వృద్ధాప్యానికి మరో కార‌ణాన్ని కూడా వివ‌రించారు. ఇంత‌కీ ఆ కార‌ణం ఏంటో తెలియాలంటే ఈ స్టోరీలోకి వెళ్లాల్సిందే..
ఆత్మీయులను కోల్పోవ‌డం ఎంతో బాధ‌క‌ర‌మైన విష‌య‌మ‌ని తెలిసిందే. అప్ప‌టి వరకు త‌మ‌తో క‌లిసి జీవించిన వారు ఒక్క‌సారిగా త‌మ‌ను వ‌దిలి వెళ్లిపోవ‌డాన్ని ఎవ‌రూ జీర్ణించుకోలేరు. ఇది వారిలో ఎంతో మ‌నో వేధ‌న‌కు దారి తీస్తుంది. ఆ బాధ నుంచి అంత సుల‌భంగా కోలుకోలేరు. అయితే ఆత్మీయులు దూరం కావ‌డం వృద్ధాప్యంపై కూడా ప్ర‌భావం చూపుతుంద‌ని నిపుణులు చెబుతున్నారు. కొలంబియా విశ్వవిద్యాలయానికి చెందిన మెయిల్‌మన్‌ స్కూల్‌ ఆఫ్‌ పబ్లిక్‌ హెల్త్‌, బట్లర్‌ కొలంబియా ఏజింగ్‌ సెంటర్‌ పరిశోధకులు నిర్వ‌హించిన అధ్య‌య‌నంలో ఈ ఆస‌క్తిక‌ర విష‌యాలు వెల్ల‌డ‌య్యాయి.
పేరెంట్స్, భార్య లేదా భర్త, పిల్ల‌ల‌ను కోల్పోయిన వారిలో వృద్ధాప్య ల‌క్ష‌ణాలు త్వ‌ర‌గా క‌నిపించిన‌ట్లు పరిశోధకులు గుర్తించారు. అలాగే ఆత్మీయులను కోల్పోని వారికి ఇలాంటి ల‌క్ష‌ణాలు ఎలా వ‌స్తున్నాయో ప‌రిశీలించారు. కావాల్సిన వారిని కోల్పోయిన వారికి వేగంగా వృద్ధాప్యం వ‌చ్చినట్లు పరిశోధకులు గుర్తించారు. ఈ విష‌య‌మై పరిశోధకులు అలిసన్‌ అయిల్లో మాట్లాడుతూ, బాల్యం నుంచి వయోజనులయ్యే వరకు జీవితంలో ఆత్మీయులను కోల్పోవడానికి, జీవ సంబంధిత వృద్ధాప్యం వేగవంతమవడానికి మధ్య బలమైన సంబంధం ఉన్నట్లు తాము గుర్తించామ‌ని తెలిపారు.
ఆత్మీయులను కోల్పోవడానికి, జీవితాంతం ఆరోగ్య సమస్యలను ఎదుర్కోవడానికి మధ్య సంబంధం ఉంద‌ని ఆయ‌న తెలిపారు. కావాల్సిన వారు త్వ‌ర‌గా దూర‌మ‌వుతో న‌డి వ‌య‌సుకు వ‌చ్చే కంటే ముందే వృద్ధాప్య ల‌క్ష‌ణాలు వ‌చ్చే అవ‌కాశాలు ఎక్కువ‌గా ఉంటాయ‌ని నిపుణులు చెబుతున్నారు. చిన్న వ‌య‌సులోనే ఆత్మీయులను కోల్పోయిన వారిలో మానసిక ఆరోగ్య సమస్యలు, గుండె సంబంధిత వ్యాధులు, అకాల మరణాలకు దారి తీసే అవ‌కాశాలు ఎక్కువ‌గా ఉంటాయ‌ని ప‌రిశోధ‌న‌ల్లో తేలింది.
మరిన్ని లైఫ్ స్టైల్ వార్త‌ల కోసం క్లిక్ చేయండి..
