Overexercising: ఎక్కువ వ్యాయామం, యోగ కూడా ఆరోగ్యానికి హానికరం.. నిపుణుల సలహా ఏమిటంటే

Over Exercising

ఫిట్‌గా, ఆరోగ్యంగా ఉండటానికి శారీరక శ్రమ ఎంత ముఖ్యమో అందరికీ తెలుసు. ప్రతిరోజూ అరగంట వ్యాయామం లేదా యోగా మిమల్ని ఆరోగ్యంగా ఉంచడంలో చాలా ముఖ్యమైన పాత్ర పోషిస్తుంది. మనం శారీరకంగా దృఢంగా ఉండటమే కాదు మానసికంగా ప్రశాంతంగా, ఒత్తిడి లేకుండా ఉండేందుకు సహాయపడుతుంది. అందుకే నేటి యుగంలో యువత వ్యాయామం ప్రాముఖ్యతను అర్థం చేసుకుంటారు.  జిమ్‌లో విపరీతంగా చెమటలు పట్టేలా కష్టపడతారు. అయితే కొంతమంది ఇంట్లో వివిధ రకాల వర్కౌట్‌లు లేదా యోగా చేస్తారు.

అయితే ఏదైనా పరిమితికి మించి చేస్తే ప్రయోజనం కలిగే బదులు హాని కలిగించడం ప్రారంభిస్తుంది. గంటలు గంటలు వ్యాయామం చేసే వ్యక్తులకు ఇది వర్తిస్తుంది. ఎవరైనా వ్యాయామం ఎక్కువ చేస్తే హాని  జరుగుతుంది. ఇది కొందరికి యోగా, వ్యాయామం వ్యసనంగా మారుతుంది. ఈ వ్యసనం వ్యక్తి ఆరోగ్యంపై ప్రతికూల ప్రభావాన్ని చూపుతుంది.

కొందరు వ్యాయామానికి బానిసలు అవుతారు. ఒక వ్యక్తి తన శారీరక సామర్థ్యానికి అవసరమైన దానికంటే ఎక్కువ వ్యాయామం చేస్తారు. అందుకోసం ఎక్కువ సమయం వ్యాయామానికే కేటాయిస్తారు. అలాంటి వ్యక్తులు ఒక రోజు పని చేయకపోతే అసంపూర్ణంగా భావిస్తారు. శరీర సామర్థ్యం కంటే ఎక్కువ వ్యాయామం చేయడం వ్యక్తి శారీరక, మానసిక ఆరోగ్యంపై ప్రతికూల ప్రభావం చూపుతుంది. అధిక వ్యాయామం వల్ల అనేక  సమస్యలను ఎదుర్కోవలసి రావచ్చు.

ఎక్కువ కేలరీలు బర్న్ చేస్తాయి

రన్నింగ్, వాకింగ్ ఇలా ఏ యాక్టివిటీ చేసినా.. వీటన్నింటికీ మన శరీరానికి కేలరీలు అవసరమని ఫిట్‌నెస్ ఎక్స్‌పర్ట్ నికితా యాదవ్ చెబుతున్నారు. స్త్రీలకు రోజుకు 1800 కేలరీలు, పురుషులకు రోజుకు 2000 కేలరీలు అవసరం. అంతేకాదు మనం తినే కేలరీలను బర్న్ చేయాల్సిన అవసరం ఏర్పడుతుంది. ఉదాహరణకు మహిళలు రోజుకు 2000 కేలరీలు తీసుకుంటే, వారు కేవలం 200 కేలరీలు మాత్రమే బర్న్ చేయాలి.  మనం ఎంత తింటున్నామో అంతే వ్యాయామం చేయాలని నమ్మకం. అల్పాహారం, భోజనం, రాత్రి భోజనం తర్వాత పదేపదే వ్యాయామం చేస్తారు.. ఇది ఆరోగ్యానికి హాని కలిగిస్తుంది.

అటువంటి పరిస్థితిలో శరీరానికి సరైన కేలరీలు అందవు. దీని కారణంగా శరీరం నడక, తినడం వంటి ఇతర కార్యకలాపాల కోసం ఎముకల నుంచి కేలరీలను తీసుకోవడం ప్రారంభిస్తుంది. అటువంటి పరిస్థితిలో  శరీరంలో కాల్షియం, అవసరమైన విటమిన్ల లోపం ఉండవచ్చు. దీని కారణంగా బలహీనత, అలసట, మైకము వంటి ఇబ్బంది పడుతూ ఉంటారు. కనుక అతిగా వ్యాయామం చేయకూడదు. శరీర అవసరాలకు అనుగుణంగా కేలరీలు తీసుకోవాలి. అదనపు కేలరీలను మాత్రమే బర్న్ చేయాలి. దీని వల్ల శరీరంలో క్యాలరీ మేనేజ్‌మెంట్ బాగా జరుగుతుంది.

అధిక బరువు నష్టం

ఎటువంటి నిపుణుల సలహా లేకుండా కేవలం అధిక వ్యాయామం చేస్తే అధిక బరువు తగ్గడానికి దారితీస్తుంది. అటువంటి పరిస్థితిలో అనేక రకాల ఆరోగ్య సమస్యలను ఎదుర్కోవలసి ఉంటుంది. ఉదాహరణకు  కొంత మంది బరువు తగ్గడానికి ఉదయం, పగలు, రాత్రి భోజనం చేసిన తర్వాత వ్యాయామం చేస్తారు. అయితే దీని వల్ల ప్రయోజనం కాకుండా శరీరానికి హాని కలుగుతుంది.

మానసిక ఆరోగ్య సమస్యలు

అన్నింటిలో మొదటిది చిరాకు, ఒత్తిడి, నిరాశ. అదే విధంగా కోరుకున్న దానికంటే తక్కువ వ్యాయామం చేసినప్పుడు కూడా చిరాకు, ఆందోళన చెందుతాడు.

గాయపడే అవకాశం

అధిక వ్యాయామం కారణంగా శరీరం అలసిపోతుంది. అయినప్పటికీ శరీరానికి విశ్రాంతి ఇవ్వరు. ఇలా చేయడం వలన తమను తాము గాయపరచుకుంటారు.  అధిక వ్యాయామం కారణంగా కండరాలు , కణజాలాలు కూడా దెబ్బతింటాయి. ఎందుకంటే అధిక కండరాల ఒత్తిడి కారణంగా, బెణుకు గురయ్యే అవకాశం ఉంది. దీనితో పాటు అధిక బరువుతో కూడిన వ్యాయామం వల్ల కీళ్ల సమస్యలు పెరిగే ప్రమాదం ఉంది. అంతే కాకుండా కండరాలను కూడా దెబ్బతీస్తుంది. ఇది కండరాల నొప్పి, ఎముక సమస్యలను కలిగిస్తుంది.

ఆరోగ్యానికి హాని

కొన్ని సార్లు కండరాల నిర్మాణానికి అధిక ప్రోటీన్ , స్టెరాయిడ్లను ఉపయోగిస్తారు. ఇది ప్రయోజనానికి బదులుగా శరీరానికి హాని కలిగిస్తుంది. శరీర సామర్థ్యానికి మించి వ్యాయామం చేయడం వల్ల రక్తపోటు పెరిగి గుండెకు హాని కలుగుతుంది. ఎందుకంటే విపరీతమైన వ్యాయామం కారణంగా శరీరానికి విశ్రాంతి దొరకదు.  గుండె సాధారణ రేటు కంటే వేగంగా స్పందిస్తుంది. అదే సమయంలో అధిక వ్యాయామం తర్వాత అలసట లేదా బలహీనంగా అనిపించడం రోగనిరోధక శక్తి తగ్గుదలకు సంకేతం.

కనుక శరీర సామర్థ్యానికి అనుగుణంగా వ్యాయామం లేదా యోగా చేయండి. ప్రతి వ్యక్తి సామర్థ్యం భిన్నంగా ఉంటుంది. కనుక తన సామర్థ్యాన్ని బట్టి యోగా లేదా వ్యాయామం చేయాల్సి ఉంటుంది.

మరిన్ని లైఫ్ స్టైల్ వార్తల కోసం క్లిక్ చేయండి..

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.