డయాబెటిస్, కొలెస్ట్రాల్ సమస్య ఉన్నవారికి సూపర్ ఫుడ్ ఇది.. ! మిస్‌ చేసుకోకండి..
సంపూర్ణ ఆరోగ్యానికి తాజా కూరగాయలు, ఆకు కూరలు, పండ్లు ఎక్కువగా తీసుకోవాలని పోషకాహార నిపుణులు పదే పదే చెబుతున్నారు. కొన్ని కూరగాయలు కొన్ని కొన్ని సీజన్లలో మాత్రమే అందుబాటులో ఉంటాయి. కానీ, బెండకాయ సీజన్ తో సంబంధం లేకుండా లభిస్తుంది. బెండకాయ తినటం వల్ల కలిగే లాభాలు తెలిస్తే మాత్రం ఆశ్చర్యపోతారు..
బెండకాయ తింటే మ‌ధుమేహం అదుపులో ఉండ‌టంతో పాటు ప‌లు ఆరోగ్య ప్రయోజ‌నాలు కూడా ఉన్నాయని నిపుణులు చెబుతున్నారు. పుష్కలమైన పోష‌కాల‌తో నిండిఉండే బెండ కాయ‌లో ఫైబర్, విట‌మిన్లు, మిన‌ర‌ల్స్‌, యాంటీఆక్సిడెంట్లు సమృద్ధిగా ల‌భిస్తాయి. ఐరన్, పొటాషియం, మెగ్నీషియం, సోడియం, కాపర్ వంటి పోషకాలు ఉన్నాయి. బెండకాయలో ఉండే పోషకాలు రక్తంలో చక్కెర స్థాయిలను నియంత్రించడంలో సహాయపడతాయి. ఇది డయాబెటిస్ ఉన్నవారికి చాలా ఉపయోగకరంగా ఉంటుంది.
బెండకాయ రోగనిరోధక వ్యవస్థపై సానుకూల ప్రభావాన్ని చూపుతుంది. బెండకాయలో ఉండే పీచు శరీరంలో చెడు కొలెస్ట్రాల్ స్థాయిలను తగ్గించడంలో సహాయపడుతుంది. బెండకాయలో ప్లేవనాయిడ్స్, పాలీఫెనాల్స్ వంటి యాంటీఆక్సిడెంట్లు అధికం. బెండకాయలో కేలరీలు తక్కువగా ఉంటాయి మరియు ఫైబర్ పుష్కలంగా ఉంటుంది. ఇది మనల్ని ఎక్కువ సేపు నిండుగా ఉంచుతుంది, తద్వారా అనవసరమైన తినడం నిరోధిస్తుంది. బెండకాయలో ఉండే పీచు జీర్ణవ్యవస్థను ఆరోగ్యంగా ఉంచుతుంది. ఇది మలబద్ధకం, అజీర్ణం వంటి సమస్యలను తగ్గిస్తుంది.
కళ్లకు, ఎముకలకు బెండకాయ చాలా మంచిది. బెండకాయలో ఉండే పొటాషియం రక్తపోటును నియంత్రించడంలో సహాయపడుతుంది, ఇది హృదయ ఆరోగ్యానికి మంచిది. బెండకాయలో క్యాన్సర్ నిరోధక గుణాలు ఉన్నాయి. పేగు క్యాన్సర్ వచ్చే ప్రమాదాన్ని తగ్గిస్తుంది. బెండకాయలో విటమిన్ ఎ పుష్కలంగా ఉంటుంది, ఇది కంటి ఆరోగ్యానికి చాలా ముఖ్యమైనది. కిడ్నీ సమస్యలు ఉన్నవారు బెండకాయలను తినే ముందు వైద్యుని సలహా తీసుకోవాలి.
నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.
మరిన్ని లైఫ్ స్టైల్ వార్తల కోసం క్లిక్‌ చేయండి..