Brain Foods: ఉదయం బ్రేక్ ఫాస్ట్లో ఈ ఆహారాలు తీసుకుంటే.. మీ బ్రెయిన్ పాదరసంలా పరుగులు తీయాల్సిందే!
రోజులో తొలి భోజనంలో తెలివితేటలను పెంచే, జ్ఞాపకశక్తిని పెంచే, అలసటను తగ్గించే ఆహారాన్ని తీసుకుంటే మీ మెదడు పనితీరు మెరుగుపడుతుంది. మీ శరీరం కూడా ఆరోగ్యంగా ఉంటుంది. ఉదయం ఎలాంటి స్నాక్స్, అల్పాహారం తినాలి? మీ మెదడును సూపర్ ఫాస్ట్ గా మార్చడానికి ఏ ఆహారాలు ఉపయోగపడతాయో..
Updated on: Apr 21, 2025 | 12:57 PM
ప్రతిరోజూ ఉదయం వేళ తీసుకునే ఆహారం మన శరీరాన్ని మాత్రమే కాకుండా మన మెదడు పనితీరును కూడా ప్రభావితం చేస్తుంది. కాబట్టి ఉదయం బ్రేక్ ఫాస్ట్ ఎల్లప్పుడూ పోషకాలతో కూడుకున్నదిగా ఉండాలి. ముఖ్యంగా తొలి భోజనంలో తెలివితేటలను పెంచే, జ్ఞాపకశక్తిని పెంచే, అలసటను తగ్గించే ఆహారాన్ని తీసుకుంటే మీ మెదడు పనితీరు మెరుగుపడుతుంది. మీ శరీరం కూడా ఆరోగ్యంగా ఉంటుంది. ఉదయం ఎలాంటి స్నాక్స్, అల్పాహారం తినాలి? మీ మెదడును సూపర్ ఫాస్ట్ గా మార్చడానికి ఏ ఆహారాలు ఉపయోగపడతాయో నిపుణుల మాటల్లో ఇక్కడ తెలుసుకుందాం..
ఓట్స్
ఇందులో ఫైబర్, యాంటీఆక్సిడెంట్లు పుష్కలంగా ఉంటాయి. దీని వినియోగం మెదడుకు చాలా శక్తిని అందిస్తుంది. అల్పాహారంలో ఓట్స్ తీసుకోవడం వల్ల మెదడు మరింత అప్రమత్తంగా ఉంటుంది. ఇది రోజంతా చురుకుగా ఉండటానికి కూడా మీకు సహాయపడుతుంది. ఇది శారీరకంగానే కాకుండా మానసికంగా కూడా బలాన్ని ఇస్తుంది.
అవకాడో
ఇది మీ మెదడు ఆరోగ్యాన్ని కాపాడుకోవడానికి చాలా ఉపయోగపడుతుంది. ఇది శరీరంలో రక్త ప్రసరణను మెరుగుపరుస్తుంది. మెదడుకు అవసరమైన ఆక్సిజన్, పోషకాలను అందేలా చూసే శక్తిని కలిగి ఉంటుంది. మనం త్వరగా ఆలోచించడానికి, ఏదైనా గుర్తుంచుకోవడానికి సులభతరం చేసే ఆహారాలలో ఇది ఒకటి. అందువల్ల వీటిని వివిధ రకాల బ్రేక్ఫాస్ట్లలో ఉపయోగించవచ్చు.
వాల్నట్స్
ఇందులోని ఒమేగా-3 ఫ్యాటీ యాసిడ్లు మెదడు ఆరోగ్యానికి చాలా మేలు చేస్తాయి. అవి నాడీ వ్యవస్థకు సహాయం చేయడం ద్వారా జ్ఞాపకశక్తిని బలపరుస్తాయి. ఇది మానసిక ఒత్తిడిని కూడా తగ్గిస్తుంది.
బ్లూబెర్రీ
వీటిలో పుష్కలంగా ఉండే యాంటీఆక్సిడెంట్లు మెదడును ఆక్సీకరణ ఒత్తిడి నుంచి రక్షిస్తాయి. ఇది దీర్ఘకాలంలో మెదడును ఆరోగ్యంగా ఉంచడంలో సహాయపడుతుంది. వయసు రీత్యా వచ్చే మతిమరుపును తగ్గించడంలో కూడా ఇవి సహాయపడతాయి.
చియా విత్తనాలు
అవి చిన్నగా కనిపించినప్పటికీ చాలా పోషక శక్తిని కలిగి ఉంటాయి. ఇందులోని ఒమేగా-3 ఆమ్లాలు, ఫైబర్ కంటెంట్ మెదడుకు శక్తిని అందించి ఆరోగ్యంగా ఉంచుతాయి. అంతేకాకుండా, ఇవి రోజంతా ఉత్సాహంగా ఉండటానికి మీకు సహాయపడతాయి.
గుమ్మడికాయ గింజలు
ఇందులో జింక్, మెగ్నీషియం వంటి ఖనిజాలు పుష్కలంగా ఉంటాయి. మెదడు పనితీరును మెరుగుపరచడమే కాకుండా ఒత్తిడిని తగ్గించడంలో కూడా సహాయపడతాయి. కాబట్టి వీటిని అల్పాహారంలో చేర్చుకోవడం చాలా మంచిది.
పాలకూర
ఈ ఆకుకూరలోని విటమిన్ కె, ఫోలేట్ వంటి పోషకాలు మెదడుకు చాలా అవసరం. ఇవి మెదడు కణాల అభివృద్ధిలో ముఖ్యమైన పాత్ర పోషిస్తాయి.
ఈ ఆహారాలు మన మెదడును ఆరోగ్యంగా ఉంచడమే కాకుండా, రోజంతా చురుకుగా, సానుకూలంగా ఆలోచించడంలో సహాయపడతాయి. ఇది మానసిక ఒత్తిడిని తగ్గించడంలో కూడా సహాయపడతాయి. కాబట్టి వీటిని అల్పాహారంలో చేర్చుకోవడం ద్వారా మీ మెదడును ఆరోగ్యంగా ఉంచుకోవచ్చు.
గమనిక: ఈ కంటెంట్ సాధారణ సమాచారం మాత్రమే అందిస్తుంది. మరింత సమాచారం కోసం వైద్య నిపుణులను సంప్రదించడం మంచిది.
మరిన్ని ఆరోగ్య కథనాల కోసం క్లిక్ చేయండి.
