Reheating Tea Health Risks: టీ లవర్స్‌ బీకేర్‌ఫుల్‌.. రెండోసారి వేడి చేసి తాగుతున్నారా.. ఇక మీ బాడీ షెడ్డుకే!

ఉదయం నిద్రలేచిన వెంటనే టీ తాగడం చాలా మందికి అలవాటు. కొందరికైతే టీ తాగంది రోజే స్టార్ట్ కాదు. ఎందుకంటే టీ అనేది వాళ్లకు ఓ ఎమోషన్. కానీ ప్యూచర్‌ వాళ్లకు ఉన్న ఈ అలవాటే పెను ప్రమాదంగా మారబోతుందని నిపుణులు చెబుతున్నారు. అవును ఈ మధ్యకాలంలో వెలువడిన కొన్ని అధ్యయనాల ప్రకారం.. మీరు ఒక్కసారి టీని కాచిన తర్వాత.. దాన్ని 15-20 నిమిషాల్లో తాగాలి.. అలా కాదని.. దాన్ని రెండోసారి వేడి చేసుకొని తాగడం అనేది చాలా ప్రమాదం అని చెబుతున్నారు. ఇలా తాగడం ద్వారా కాలేయం, జీర్ణవ్యవస్థ దెబ్బతింటుందని చెబుతున్నారు. ఈ అలవాటు మీ ఆరోగ్యంపై ఎలాంటి ప్రభావాన్ని చూపుతుందో ఇక్కడ తెలుసుకుందాం.

టీనీ రెండో సారి వేడి చేసి తాగడం ఎందుకు ప్రమాదకరం

సాధారణంగా టీ కాచిన తర్వాత అందులో మిగిలిపోయే టీ పౌడర్ బ్యాక్టీరియాకు సంతానోత్పత్తి ప్రదేశంగా మారుతుందని పరిశోధకులు హెచ్చరించారు. జపాన్, చైనా వంటి దేశాలలో ఎక్కువ సమయం నిల్వ చేసిన టీని విషంగా భావిస్తారట.. అవును 24 గంటలకు పైగా నిల్వ చేసిన టీ తాగడం పాముకాటు కంటే ప్రమాదకరమని జపనీయులు అంటున్నారు.

పాలతో చేసే టీ అస్సలు మంచిది కాదు

మన భారతదేశంలో ఎక్కువగా పాలతో చేసే టీనే ప్రజలు తాగుతారు. అయితే పాలు త్వరగా చెడిపోయే లక్షణాన్ని కలిగి ఉంటాయి. పాలతో తయారుచేసిన టీని గది ఉష్ణోగ్రత వద్ద రెండు గంటలకు మించి ఉంచకూడదు. ఫ్రిజ్‌లో ఉంచితే ఒకటి నుండి మూడు రోజులు నిల్వ చేయవచ్చు, కానీ మళ్లీ వేడి చేయడం వల్ల అందులోనిల పోషకాలు నశిస్తాయి. అంతేకాదు టీలో ఆమ్లత్వం పెరిగి అది విషమంగా మారే ప్రమాదం ఉంది.

అల్లం టీని మళ్ళీ వేడి చేసి తాగవచ్చా?

చాలా మంది సువాన, టేస్ట్‌ కోసం టీలో అల్లం వేసుకుంటారు. అల్లం టీ పాలు లేకుండా తాగడం సురక్షితమే. కానీ టీని ఎక్కువ సమయం నిల్వ చేసినప్పుడు ఒక సారి దాన్ని తనిఖీ చేయాలి.. ఒక వేళ టీ రంగు మారినా, స్మెల్ వచ్చినా దాని జోలికి వెళ్లకపోవడమే బెటర్. అయితే, రోజుకు 4 నుండి 5 గ్రాముల కంటే ఎక్కువ అల్లం తీసుకోవడం వల్ల కొంతమందికి గుండెల్లో మంట వచ్చే ప్రమాదం ఉంది.

ఆయుర్వేదం ఏం చెబుతుంది?

ఆయుర్వేదం ప్రకారం టీని నిల్వ చేయడం లేదా మళ్లీ వేడి చేసి తాగడం వల్ల మన శరీరంలోకి విష పదార్థాలు ప్రవేశిస్తాయి, దీంతో పాటు జీర్ణక్రియ కూడా నెమ్మదిస్తుంది. టీని పదే పదే వేడి చేయడం వల్ల దానిలో ఉన్న పోషకాలు నాశనం అవుతాయి. అది ఆమ్లత్గవంగా మారి కడుపులో మంట వంటి సమస్యలకు దారి తీస్తుంది. కాబట్టి మీరు టీ తాగాలని భావిస్తే, ప్రతిసారీ తాజాగా తయారు చేసుకోవడం ఉత్తమం కానీ ఒకసారి కాచిన టీనే మళ్లీ వేడి చేసుకొని తాగకండి.

మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి.