Facial Hair Removal: ముఖంపై అవాంఛిత రోమాలతో బాధపడుతున్నారా? డోంట్ వర్రీ.. ఇంట్లోనే చెక్ పెట్టండిలా..!
చాలామంది మహిళలు ముఖంపై వచ్చే అవాంఛిత రోమాల (Facial Hair) సమస్యతో ఇబ్బంది పడుతుంటారు. దీనికోసం పార్లర్లకు వెళ్లి థ్రెడింగ్, వ్యాక్సింగ్ లేదా లేజర్ ట్రీట్మెంట్లపై వేల రూపాయలు ఖర్చు పెడుతుంటారు. ఇవి తాత్కాలికంగా ఉపశమనాన్ని ఇచ్చినప్పటికీ, సున్నితమైన ముఖ చర్మానికి నష్టం కలిగిస్తాయి. ఎలాంటి రసాయనాలు, సైడ్ ఎఫెక్ట్స్ లేకుండా ఇంట్లోనే ఉండే సహజసిద్ధమైన పదార్థాలతో ముఖంపై రోమాలను శాశ్వతంగా, సురక్షితంగా ఎలా తొలగించుకోవచ్చో ఇప్పుడు తెలుసుకుందాం.
Updated on: Jun 05, 2026 | 8:09 AM
మహిళల్లో ముఖంపై వచ్చే అవాంఛిత రోమాలు (Facial Hair) వారి అందాన్ని దెబ్బతీస్తాయి. కెమికల్స్ ఉన్న బ్యూటీ ప్రొడక్ట్స్ వాడకుండా, ఇంట్లోనే లభించే సహజసిద్ధమైన వస్తువులతో ఈ సమస్యను సులభంగా పరిష్కరించుకోవచ్చు. వారానికి రెండు లేదా మూడు సార్లు ఈ హోమ్ రెమెడీని క్రమం తప్పకుండా ఉపయోగించడం వల్ల ఎలాంటి సైడ్ ఎఫెక్ట్స్ లేకుండా అవాంఛిత రోమాలు క్రమంగా తొలగిపోయి, ముఖం సహజంగా మెరుస్తుంది. ఇందుకోసం మన వంటింట్లో సులభంగా లభించే శనగపిండి, పసుపు, పాలు, కొబ్బరి నూనె మిశ్రమం అవాంఛిత రోమాలను తొలగించడంలో చాలా శక్తివంతంగా పనిచేస్తుంది. అదేలాగో వివరంగా తెలుసుకుందాం…
కావలసిన పదార్థాలు:
శనగపిండి – 2 చెంచాలు
పసుపు – అర చెంచా
పచ్చి పాలు – తగినంత (పేస్ట్లా అవ్వడానికి)
కొబ్బరి నూనె లేదా ఆలివ్ ఆయిల్ – కొన్ని చుక్కలు
తయారీ, ఉపయోగించే విధానం: ఒక చిన్న గిన్నెలో రెండు చెంచాల శనగపిండి, అర చెంచా పసుపు వేసి బాగా కలపాలి. ఇప్పుడు అందులో కొద్దికొద్దిగా పచ్చి పాలు, కొన్ని చుక్కల కొబ్బరి నూనె వేసి చిక్కటి పేస్ట్లా సిద్ధం చేసుకోవాలి. ఈ పేస్ట్ను ముఖంపై జుట్టు ఎక్కువగా ఉన్న భాగంలో ముఖ్యంగా పైపెదవి, గడ్డం, బుగ్గలపై ప్యాక్లా అప్లై చేయాలి. దాదాపు 15 నుండి 20 నిమిషాల పాటు అలాగే వదిలేయాలి. ప్యాక్ పూర్తిగా ఎండిపోయిన తర్వాత, జుట్టు పెరిగే దిశకు వ్యతిరేక దిశలో వేళ్లతో మెల్లగా రుద్దుతూ తొలగించాలి. చివరగా ముఖాన్ని చల్లని నీటితో కడిగి, మంచి మోయిశ్చరైజర్ను రాసుకోవాలి.
ఇది ఎలా పనిచేస్తుంది?: శనగపిండి చర్మానికి సహజ స్క్రబర్లా పనిచేసి, ఎండిపోయిన తర్వాత చర్మ రంధ్రాల నుండి లేత రోమాలను సులభంగా లాగేస్తుంది. పసుపులో యాంటీ బ్యాక్టీరియల్ గుణాలు ఉండటమే కాకుండా, ఇది జుట్టు కుదుళ్లను బలహీనపరిచి, భవిష్యత్తులో జుట్టు తిరిగి పెరగకుండా నిరోధిస్తుంది. పాలు, కొబ్బరి నూనె చర్మాన్ని పొడిబారకుండా కాపాడి, మృదుత్వాన్ని అందిస్తాయి.
ఈ సహజసిద్ధమైన పద్ధతి రసాయన ఉత్పత్తుల లాగా తక్షణ ఫలితాన్ని ఇవ్వకపోయినా, వారానికి రెండు లేదా మూడు సార్లు చొప్పున కొన్ని వారాల పాటు క్రమం తప్పకుండా పాటిస్తే అవాంఛిత రోమాలు క్రమంగా సన్నబడి రాలిపోతాయి. ముఖ చర్మం మరింత కాంతివంతంగా, కోమలంగా మారుతుంది.
మరిన్ని లైఫ్స్టైల్ వార్తల కోసం ఇక్కడ క్లిక్ చేయండి..
