Health Tips: వేసవిలో ఈ జ్యూస్‌ని తప్పనిసరిగా తాగండి.. రోజంతా శక్తితో ఉత్సాహంగా ఉంటారు..!
వేసవిలో చాలా మంది శీతల పానీయాలు, మజ్జిగ వంటివి తీసుకుంటారు.. అయితే వీటికి బదులు
Updated on: Mar 17, 2023 | 4:44 PM
వేసవి మొదలైంది. మండే ఎండలకు మనమందరం చల్లటి పదార్థాలను ఎక్కువగా తినడానికి ఇష్టపడతాము. అందుకే వేసవిలో చాలా మంది శీతల పానీయాలు, మజ్జిగ వంటివి తీసుకుంటారు.. అయితే వీటికి బదులు చెరుకు రసం తాగితే మీ శరీరానికి ఎన్నో ప్రయోజనాలు కలుగుతాయి. అవును, చెరకు రసం తాగడం వల్ల దాహం తీరడమే కాకుండా అనేక ప్రయోజనాలను కూడా పొందవచ్చు. చెరకు రసంలో పోషకాలు పుష్కలంగా ఉంటాయి. కాల్షియం, ఐరన్ వంటి గుణాలు ఇందులో అధికంగా ఉన్నాయి. ఇవన్నీ శరీరానికి మేలు చేసేవే. చెరకు రసం తాగడం వల్ల రోగనిరోధక శక్తి కూడా బలపడుతుంది. ఎండాకాలంలో చెరకు రసం మీకు ఎలా ఉపయోగపడుతుందో ఇక్కడ తెలుసుకుందాం…
చెరుకు రసం తాగడం వల్ల కలిగే లాభాలు –
రోగనిరోధక శక్తి బలపడుతుంది- చెరకు రసం ఒక సహజ రోగనిరోధక శక్తిని పెంచే పానీయం. ఇందులో యాంటీ ఆక్సిడెంట్, ఫోటోప్రొటెక్టివ్ ఎలిమెంట్స్ ఉంటాయి. ఇవి శరీరం రోగనిరోధక శక్తిని బలోపేతం చేస్తాయి. ప్రతిరోజూ చెరకు రసాన్ని తీసుకుంటే మీ రోగనిరోధక శక్తి బలంగా మారటంతో పాటుగా మీరు అనేక వ్యాధుల నుండి బయటపడతారు.
శరీరంలో శక్తి నిలిచి ఉంటుంది- చెరకు రసం ఒక సూపర్ ఎనర్జీ డ్రింక్. అందుకే చెరుకు రసం తాగినట్టయితే, ఎనర్జీ లెవెల్ పెరిగి అలసట దూరమవుతుంది. అంతే కాదు దీన్ని తీసుకోవడం ద్వారా డీహైడ్రేషన్ సమస్యను దూరం చేసుకోవచ్చు.
ఎముకలు దృఢంగా మారతాయి- చెరుకు రసం తాగితే ఎముకలు దృఢంగా మారుతాయి. ఇందులో క్యాల్షియం, ఫాస్పరస్ వంటి పోషకాలు ఉంటాయి. ఇవి ఎముకలను బలోపేతం చేస్తాయి. అందుకే రోజూ చెరుకు రసం తాగడం వల్ల ఎముకల నొప్పుల నుంచి కూడా ఉపశమనం లభిస్తుంది.
కాలేయం ఆరోగ్యంగా ఉంటుంది- చెరకు రసం కాలేయానికి చాలా మేలు చేస్తుంది. ఎందుకంటే ఇది శరీరంలోని టాక్సిన్స్‌ను బయటకు పంపడంలో సహాయపడుతుంది.
మరిన్ని లైఫ్ స్టైల్ న్యూస్ కోసం ..
