Sugarcane benefits: సంక్రాంతిలో చెరుకు ప్రముఖ్యత ఏంటో తెలుసా..? తెలిస్తే ఇక విడిచిపెట్టరు..
చెరుకు రసాన్ని నిమ్మరసం లేదా మంచినీళ్లలో కలిపి తాగితే కిడ్నీ సమస్యలు రాకుండా ఉంటాయి. చెరకు రసం కొంతమందిలో మూత్రనాళ ఇన్ఫెక్షన్లు, చికాకు నుండి ఉపశమనం కలిగిస్తుందని అధ్యయనాలు చెబుతున్నాయి.
Updated on: Jan 14, 2023 | 8:16 PM
సంక్రాంతి, భోగి పండుగ అనగానే ముందుగా గుర్తుకు వచ్చేది చెరుకు..పొంగల్ వండుకుని తిన్నాక, చెరకు తింటూ కథలు మాట్లాడుకోవడం కూడా ఒక ఆనందం. చెరకు తీపికి మాత్రమే కాకుండా అనేక ఆరోగ్య పోషకాలను కలిగి ఉంటుంది. ఈ పోషకాలు శరీర కదలికలను నియంత్రిస్తాయి. చెరుకులో ప్రోటీన్లు, కొవ్వులు, కార్బోహైడ్రేట్లు పుష్కలంగా ఉంటాయి. మనం ఇంట్లో ఉపయోగించే చక్కెర కంటే చెరకులో ఎక్కువ విటమిన్లు ఉంటాయి. ఐరన్, మెగ్నీషియం, విటమిన్ బి1, రైబోఫ్లావిన్ చెరకులో ఉంటాయి.
రోగనిరోధక శక్తి.. వ్యాధులతో పోరాడే యాంటీ ఆక్సిడెంట్లు చెరకులో ఉంటాయి. ఇవి మలేరియా, చర్మ క్యాన్సర్, గుండె జబ్బులు, మధుమేహం వంటి సమస్యలకు దారితీసే ఆక్సీకరణ ఒత్తిడి నుండి కణాలను రక్షిస్తాయి.
కిడ్నీ ప్రయోజనాలు.. మన శరీరం నుండి అదనపు ఉప్పు, నీటిని సరిగ్గా తొలగించడం ద్వారా మూత్రపిండాలను నిర్వహిస్తుంది. చెరకులోని మూత్రవిసర్జన గుణాలు ఇందుకు సహకరిస్తాయి. చెరుకు రసాన్ని నిమ్మరసం లేదా మంచినీళ్లలో కలిపి తాగితే కిడ్నీ సమస్యలు రాకుండా ఉంటాయి. చెరకు రసం కొంతమందిలో మూత్రనాళ ఇన్ఫెక్షన్లు, చికాకు నుండి ఉపశమనం కలిగిస్తుందని అధ్యయనాలు చెబుతున్నాయి.
గర్భిణీ స్త్రీలకు గ్రేట్.. మనం శుద్ధి చేసిన చక్కెరను తీసుకుంటే, మనం బరువు పెరిగే అవకాశం ఉంది. కానీ చెరకు తింటే అది బరువు తగ్గడానికి సహాయపడుతుంది. గర్భిణీ స్త్రీలలో మితమైన బరువు పెరగడానికి సహాయపడుతుంది. గర్భిణీ స్త్రీలు చెరుకు రసంలో అల్లం కలిపి తాగవచ్చు.
గుండె జబ్బుల హెచ్చరిక.. గుండె జబ్బులు ఉన్నవారు, గుండె జబ్బులు వచ్చే అవకాశం ఉన్నవారు చెరకును ఎక్కువగా తిన కూడదని అధ్యయనాలు చెబుతున్నాయి. 2014లో జరిపిన ఒక అధ్యయనం ప్రకారం, చక్కెర నుండి 8% కేలరీలు పొందిన వారి కంటే చక్కెర నుండి 20% కేలరీలు పొందిన వ్యక్తులు గుండె జబ్బులు వచ్చే అవకాశం 38% ఎక్కువ.
హెచ్చరిక.. అధిక రక్తపోటు, మధుమేహం, కొలెస్ట్రాల్, ఊబకాయం సమస్యలు అధిక చెక్కర వల్ల వచ్చే అవకాశం ఉంది. కాబట్టి మితంగా చెరకును తింటేనే ఫలితం ఉంటుంది. ఈ పొంగల్‌ను చెరుకుతో అమృతంగా మార్చుకోండి..
మరిన్ని లైఫ్ స్టైల్ న్యూస్ కోసం ఇక్కడ క్లిక్ చేయండి..
