AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ఈ రకం మొక్కలతో ఏడాది పొడవునా మామిడి పండ్ల దిగుబడి.. టెర్రస్‌ గార్డెన్‌లోనూ ఈజీగా పెంచుకోవచ్చు..!

మామిడి పండు అంటే ఇష్టం లేని వారుండరు. సాధారణంగా మామిడి సీజన్ అంటే కేవలం వేసవి మాత్రమే గుర్తుకు వస్తుంది. అయితే, ఆధునిక ఉద్యానవన శాస్త్రం అభివృద్ధి చెందడం వల్ల ఇప్పుడు బారమాసి (ఏడాది పొడవునా కాసే) మామిడి రకాలు అందుబాటులోకి వచ్చాయి. వీటిని పెంచడం ద్వారా ఇంటి ఆవరణలో లేదా చిన్నపాటి తోటలో కూడా ఏడాది అంతా మామిడి పండ్లను ఆస్వాదించవచ్చు. ఈ రకం చెట్లను మీ ఇంటి బాల్కనీలోనూ సులుభంగా పెంచుకోవచ్చునని నిపుణులు చెబుతున్నారు. అదేలాగో పూర్తి వివరాల్లోకి వెళితే...

ఈ రకం మొక్కలతో ఏడాది పొడవునా మామిడి పండ్ల దిగుబడి.. టెర్రస్‌ గార్డెన్‌లోనూ ఈజీగా పెంచుకోవచ్చు..!
All Season Mango Tree
Jyothi Gadda
|

Updated on: Jun 14, 2026 | 2:52 PM

Share

వేసవి కాలంలో మామిడి పండ్ల తియ్యదనానికి అందరూ ముగ్ధులవుతారు. కానీ, సంవత్సరం పొడవునా ఫలాలను ఇవ్వగల కొన్ని రకాల మామిడి చెట్లు ఉన్నాయని మీకు తెలుసా? అవును, ఏడాది పొడవునా ఫలాలను ఇచ్చే ఆల్-సీజన్ లేదా బారమాసి మామిడి రకాలు ప్రస్తుతం బాల్కనీ, టెర్రస్‌ గార్డెనింగ్‌లో బాగా ప్రాచుర్యం పొందుతున్నాయి. ఈ చెట్లకు సరైన సంరక్షణ చర్యలు పాటిస్తే, ఇంటి ఆవరణలో లేదా తోటలో ఏడాది పొడవునా రుచికరమైన మామిడి పండ్లను పొందవచ్చు. వీటి పెంపకంలో ప్రధానంగా సరైన రకాన్ని ఎంచుకోవడం ముఖ్యం.

బారమాసి మామిడి రకాలను ఎంచుకునేటప్పుడు నమ్మకమైన నర్సరీల నుండి గ్రాఫ్టెడ్ మొక్కలను తీసుకోవడం ఉత్తమం. ఇవి తక్కువ కాలంలోనే కాపునకు వస్తాయి. మామిడి మొక్కలు ఎండను బాగా ఇష్టపడతాయి. కాబట్టి, రోజుకు కనీసం 6-8 గంటల పాటు ఎండ తగిలే ప్రదేశంలో వీటిని పెంచుకోవాలి. 1మీ x 1మీ x 1మీ పరిమాణంలో గుంతలు తీసి, అందులో పశువుల ఎరువు, వర్మీ కంపోస్ట్, కొద్దిగా వేప పిండిని కలిపి నింపాలి. నాటేటప్పుడు మొక్క వేర్లకు గాయం కాకుండా జాగ్రత్త వహించాలి. అంటుకట్టిన భాగం భూమికి కనీసం 6 అంగుళాల పైన ఉండేలా చూసుకోవాలి.

మొక్క నాటిన మొదటి ఏడాది క్రమం తప్పకుండా నీరు అందించాలి. చెట్టు కాస్త ఎదిగిన తర్వాత, పూత సమయంలో నీటిని తగ్గించాలి, దీనివల్ల పూత బాగా వస్తుంది. నేలలో తేమ ఉండేలా చూడాలి కానీ, నీరు నిల్వ ఉండకూడదు. మొక్కకు అవసరమైన నత్రజని, భాస్వరం, పొటాషియం కలిగిన ఎరువులను ప్రతి ఆరు నెలలకోసారి అందించాలి.

ఇవి కూడా చదవండి

చెట్టు ఆకృతిని కాపాడటానికి, గాలి వెలుతురు బాగా తగిలేలా చేయడానికి క్రమం తప్పకుండా కత్తిరిస్తూ ఉండాలి. ముఖ్యంగా ఎండిపోయిన, వ్యాధి సోకిన కొమ్మలను తొలగించాలి. పూత సమయంలో హాపర్ వంటి కీటకాలు ఆశిస్తే, వేప నూనెను పిచికారీ చేయడం ఉత్తమం. ఏడాది పొడవునా మామిడి పండ్లను ఇచ్చే ఈ రకాలు రైతులకు, హోమ్ గార్డెనింగ్ చేసేవారికి ఒక వరం. ఓపికగా, శాస్త్రీయ పద్ధతుల్లో సంరక్షణ చర్యలు చేపడితే, మీ తోటలో కూడా రంగురంగుల మామిడి పండ్ల రుచులను ఏడాది అంతా ఆస్వాదించవచ్చు. గుర్తుంచుకోండి, మొక్క ఎదుగుదల కోసం మీరు ఇచ్చే సమయం, శ్రద్ధే నాణ్యమైన దిగుబడికి పునాది.

మరిన్ని లైఫ్ స్టైల్ న్యూస్ కోసం క్లిక్ చేయండి..

Follow Us
కార్తీక మాసంలో చన్నీటి స్నానం, ఉపవాసం చేయలేకపోతున్నారా?...
కార్తీక మాసంలో చన్నీటి స్నానం, ఉపవాసం చేయలేకపోతున్నారా?...
'రామాయణ' సినిమా ప్రదర్శనను నిలిపేయాలి..హిందూ జాగృతి సమితి డిమాండ్
'రామాయణ' సినిమా ప్రదర్శనను నిలిపేయాలి..హిందూ జాగృతి సమితి డిమాండ్
తల్లితోపాటు నిద్రిస్తున్న చిన్నారులను కాటేసిన పాము..
తల్లితోపాటు నిద్రిస్తున్న చిన్నారులను కాటేసిన పాము..
రాత్రిపూట పీడకలలు వస్తున్నాయా? నిద్రపోయే ముందు ఈ పనులు చేయండి!
రాత్రిపూట పీడకలలు వస్తున్నాయా? నిద్రపోయే ముందు ఈ పనులు చేయండి!
తిరువణ్ణామలై కార్తీక దీపోత్సవం: భక్తులకు గుడ్ న్యూస్.. భరణి దీపం
తిరువణ్ణామలై కార్తీక దీపోత్సవం: భక్తులకు గుడ్ న్యూస్.. భరణి దీపం
18 ఫోర్లు, 3 సిక్సర్లు.. 44 బంతుల్లో తుఫాన్ సెంచరీ..
18 ఫోర్లు, 3 సిక్సర్లు.. 44 బంతుల్లో తుఫాన్ సెంచరీ..
నీకెన్ని.. నాకెన్ని..? క్యూసెక్కుల లెక్కల్లోనే సీఎంల బిజీబిజీ..
నీకెన్ని.. నాకెన్ని..? క్యూసెక్కుల లెక్కల్లోనే సీఎంల బిజీబిజీ..
ఆ నటుడితో వర్క్ చేయడం ఒక పీడకల.. మాట్లాడే పద్ధతి కూడా తెలియదు
ఆ నటుడితో వర్క్ చేయడం ఒక పీడకల.. మాట్లాడే పద్ధతి కూడా తెలియదు
ఒక్క గ్లాస్ పోస్తే.. ఎండిపోతున్న తులసమ్మ గుబురుగా, పచ్చగా
ఒక్క గ్లాస్ పోస్తే.. ఎండిపోతున్న తులసమ్మ గుబురుగా, పచ్చగా
తుఫాన్ ఎఫెక్ట్‌.. ఈ జిల్లాల్లో భారీ వర్షాలు..
తుఫాన్ ఎఫెక్ట్‌.. ఈ జిల్లాల్లో భారీ వర్షాలు..