Weight Loss: బరువు తగ్గాలని ప్రయత్నిస్తున్నారా? అయితే, మీరు వామును ఈ పద్ధతిలో ఉపయోగిస్తే స్లిమ్‌గా మారిపోవడం ఖాయం!

Weight Loss:  మన ఇళ్ళలో సాధారణంగా ఉపయోగించే సుగంధ ద్రవ్యాలలో అజ్వైన్ (వాము) ఒకటి. వాము గింజలు మన పరాటాలు, కూరలకు అద్భుతమైన రుచిని అందిస్తాయి. వాము బరువు తగ్గడానికి కూడా ఉపయోగపడుతుందని మీకు తెలుసా? అవును, వాము మీరు బరువు తగ్గడానికి చాలా ఉపయోగపడుతుంది. ఇది అనేక ఇతర ఆరోగ్య ప్రయోజనాలను కూడా కలిగి ఉంది. వాము ‌లో థైమోల్ అనే ముఖ్యమైన నూనె ఉంటుంది. ఇది శోథ నిరోధక లక్షణాలను కలిగి ఉంటుంది. ఈ ముఖ్యమైన నూనె జీర్ణవ్యవస్థను మెరుగుపరిచే గ్యాస్ట్రిక్ రసాలను స్రవించడంలో సహాయపడుతుంది. వాము శరీరం జీవక్రియ రేటును మెరుగుపరచడంలో కూడా సహాయపడుతుంది. బరువు తగ్గడానికి, మీరు ఈ వాము గింజలను సరైన పద్ధతిలో తీసుకోవాలి. వాము తినడానికి సులభమైన మార్గాలలో ఒకటి వాము నీరు త్రాగడం. ఇంట్లోనే వాము వాటర్ తయారు చేయడం చాలా సులభం. ఒక గ్లాసు నీరు మరిగించి, మరోవైపు కొన్ని వాము గింజలను వేయించాలి. ఈ వేయించిన గింజలను వేడినీళ్లలో వేసి రంగు మారిన వెంటనే మంట ఆపి వడపోసి తాగాలి.

తేనెతో వాము..

బరువు తగ్గడానికి తేనె మీకు సహాయపడుతుంది. తేనెలో విటమిన్లు మరియు అమైనో ఆమ్లాలు ఉన్నాయి, ఇవి జీవక్రియను పెంచడంలో సహాయపడతాయి. బరువు తగ్గడానికి, మీరు తేనె, వాము నీటిని ఇంట్లో తయారు చేసి ప్రతిరోజూ త్రాగవచ్చు. ఒక గ్లాసు నీరు తీసుకుని అందులో ఒక చెంచా వాము గింజలను నానబెట్టండి. రాత్రంతా అలాగే ఉంచండి. ఈ నీటిని ఫిల్టర్ చేసి అందులో ఒక చెంచా తేనె కలపండి. మీరు దీన్ని ప్రతిరోజూ తీసుకోవచ్చు. ఇది త్వరగా బరువు తగ్గడానికి మీకు సహాయపడుతుంది.

వాము పౌడర్

మీరు ఎప్పుడూ సమయం తక్కువగా ఉన్నవారైతే, ఈ వాము పొడిని ఇంట్లోనే తయారు చేసుకొని ఉంచుకోవచ్చు. ఈ ఫ్యాట్ బర్నింగ్ పౌడర్ తయారు చేయడానికి, మీకు వాము గింజలు, మెంతులు మరియు సోపు గింజలు అవసరం. ఈ గింజలను సమాన పరిమాణంలో తీసుకుని పొడిగా కాల్చుకోవాలి. వాటిని గ్రైండర్‌లో కలిపి గ్రైండ్ చేసి, ఆపై పొడిని గాలి చొరబడని కంటైనర్‌లో నిల్వ చేయండి. ఈ పొడిని మీ భోజనాల సమయంలో లేదా పడుకునే ముందు ఒక గ్లాసు నీటితో ఒక చిన్న చెంచా తీసుకోండి.

పచ్చిగా తినండి

పచ్చి వాము ‌ను ఉదయాన్నే నమలడం వల్ల బరువు తగ్గుతారు. మీరు అల్పాహారానికి 30 నిమిషాల ముందు వాము తినవచ్చు. ఇది మీ జీర్ణక్రియను మెరుగుపరుస్తుంది. మీరు దీన్ని క్రమం తప్పకుండా తీసుకుంటే, మీరు ఒక నెలలో 2-3 కిలోల బరువు తగ్గవచ్చు.

వాము..ఫెన్నెల్ నీరు

వాము.. ఫెన్నెల్ బరువు తగ్గడానికి సహాయపడే రెండు అద్భుతమైన పదార్థాలు. మీరు వాము గింజలు, సోపు గింజలను ఉపయోగించి ఆరోగ్యకరమైన పానీయాన్ని తయారు చేసుకోవచ్చు. వాము, ఫెన్నెల్ వేయించి పక్కన పెట్టుకోవాలి. 4 కప్పుల నీరు తీసుకుని అందులో వేయించిన గింజలను వేయాలి. దీనిని బాగా మరగానీయాలి. తరువాత చల్లార్చి ఫిల్టర్ చేసి రోజంతా త్రాగాలి.

ఇవి కూడా చదవండి: PM Modi: భారత్-ఆసియాన్ 18వ సదస్సులో ప్రసంగించనున్న ప్రధాని మోడీ.. ఆసియా దేశాలతో సామరస్యమే ఎజెండా!

Air India: కేంద్ర ప్రభుత్వ ఉద్యోగులు ఇకపై విమానం ఎక్కాలంటే.. ఎయిర్ ఇండియాలోనే ప్రయాణించాలి!

WhatsApp: వాట్సాప్‌లో పేమెంట్స్ చేస్తున్నారా.. అయితే ఈ అప్‌డేట్ మీకోసమే..త్వరలో మీరు ఇలా చేయాల్సిందే!