వేసవి నుంచి ఉపశమనం కోసం ఇంట్లో లిచీతో టేస్టీ టేస్టీ జ్యూస్‌లు చేసుకోండి.. రెసిపీలు మీ కోసం..

వేసవిలో దీన్ని తినడం వల్ల ఆరోగ్యానికి, చర్మానికి కూడా అనేక ప్రయోజనాలు లభిస్తాయి. లిచీలో మెగ్నీషియం, పొటాషియం, విటమిన్ సి, ప్రోటీన్, ఫైబర్ వంటి అనేక పోషకాలు శరీరానికి అందిస్తాయి. ఇవి శరీరాన్ని ఆరోగ్యంగా ఉంచడంలో సహాయపడతాయి.

వేసవిలో పుచ్చకాయ, మామిడి పండ్లతో పాటు, లిచీ కూడా చాలా ప్రాచుర్యం పొందింది. లిచీలో పొటాషియం, రాగి, మాంగనీస్, ఫైబర్, విటమిన్ సి, బి వంటి పోషకాలున్నాయి. వీటిని సరైన రీతిలో, పరిమిత పరిమాణంలో తింటే ఆరోగ్యానికి అనేక విధాలుగా ప్రయోజనకరం. లిచీలను తొక్క వలిచి తినవచ్చు. లేదా లిచీ జ్యూస్ గా కూడా తాగవచ్చు లిచీ జ్యూస్ ప్రసిద్ధి చెందింది, ముఖ్యంగా పిల్లలు దీనిని తాగడానికి ఇష్టపడతారు. మార్కెట్లో చాలా లిచీ జ్యూస్‌లు అందుబాటులో ఉన్నాయి. అయితే ఇంట్లో లిచీ జ్యూస్ తయారు చేసుకోవచ్చు.

లిచీలతో అనేక రకాల పానీయాలు తయారు చేసుకోవచ్చు. ఇవి పిల్లలతో పాటు పెద్దలకు కూడా నచ్చుతాయి. మీరు కూడా లిచీని చాలా ఇష్టపడితే.. ఈ ఆరోగ్యకరమైన పానీయాలను ట్రై చేయండి. అయితే ఈ లిచీలను మాత్రమే కాదు లిచీ జ్యూస్‌లను కూడా పరిమిత పరిమాణంలో త్రాగాలి.

లిచీ షర్బత్: దీనిని తయారు చేయడానికి, లిచీ తొక్క తీసి, దాని గుజ్జు తీసుకోండి. ఒక కప్పు లిచీ గుజ్జుకు 2 టేబుల్ స్పూన్ల చక్కెర, రుచికి తగిన నిమ్మరసం, నల్ల ఉప్పు, చల్లటి నీరు వేసి ఈ మిశ్రమాన్ని బాగా కలపండి . తర్వాత ఫిల్టర్ చేయండి. ఈ జ్యూస్ ని సర్వింగ్ గ్లాసులో పోసుకుని ఐస్ వేసి, పుదీనా ఆకులతో అలంకరించండి. అంతే చల్లటి లిచీ జ్యూస్ రెడీ.

లిచీ స్మూతీ: మామిడి, అరటిపండ్ల లాగే లిచీ తో కూడా స్మూటీ తయారు చేసుకోవచ్చు. దీనిని తయారు చేయడానికి లిచీ తొక్క తీసి విత్తనాలను వేరు చేయండి. దీని తరువాత 1 కప్పు లిచీ, 1 అరటిపండు, ½ కప్పు చిక్కటి పెరుగు, 1 టేబుల్ స్పూన్ తేనెను బ్లెండర్లో వేసి మృదువైన ఆకృతి వచ్చేవరకు బ్లెండ్ చేయండి. చివరగా ఐస్ వేయండి. ఈ మిశ్రమాన్ని ఒక గ్లాసులో పోసి వెంటనే సర్వ్ చేయండి. ఈ పానీయం పోషకాలతో సమృద్ధిగా ఉంటుంది. పిల్లలకు కూడా చాలా ప్రయోజనకరంగా ఉంటుంది.

లిచీ మోజిటో: ఇంట్లోనే లిచీ మోజిటోను కూడా సులభంగా తయారు చేసుకోవచ్చు. దీన్ని తయారు చేయడానికి ఒక గ్లాసులో పుదీనా ఆకులు, నిమ్మరసం, షుగర్ సిరప్ వేసి తేలికగా మిక్స్ చేయాలి. ఇప్పుడు ఈ మిశ్రమానికి లిచీ గుజ్జు వేసి.. ఐస్ వేసి, పైన సోడా లేదా స్ప్రైట్ జోడించండి. బాగా కలిపి పుదీనా ఆకులతో అలంకరించండి. అంతే లిచీ మోజిటో రెడీ. మీరు కోరుకుంటే ఇంట్లో పార్టీ జరుగుతుంటే కూడా ఈ పానీయాన్ని తయారు చేసుకోవచ్చు. ఇది అతిథులకు కూడా నచ్చుతుంది.

లిచీ మిల్క్ షేక్: పిల్లలు మిల్క్ షేక్ తాగడానికి ఇష్టపడితే వారి కోసం లిచీ మిల్క్ షేక్ కూడా తయారు చేయవచ్చు. దీన్ని తయారు చేయడానికి, 1 కప్పు చల్లని పాలు, అర కప్పు లిచీ గుజ్జు, 1 టేబుల్ స్పూన్ చక్కెర లేదా తేనె వేసి, అన్ని పదార్థాలను బ్లెండర్‌లో వేసి 1 నిమిషం పాటు బాగా బ్లెండ్ చేయండి. క్రీమీ టెక్స్చర్ కావాలంటే.. ఖచ్చితంగా ఐస్ క్రీం జోడించండి,. కావాలంటే వెనిల్లా ఐస్ క్రీం కూడా జోడిస్తే లిచీ మిల్క్ షేక్ రెడీ.

మరిన్ని లైఫ్ స్టైల్ న్యూస్ కోసం క్లిక్ చేయండి..