ఇది పండు కాదు బ్రహ్మాస్త్రం.. నారింజ రోజూ ఒకటి తింటే దివ్యౌషధం అంట.. తాజా అధ్యయనంలో..

రోజుకు ఒక ఆపిల్ తినడం వల్ల వైద్యుడికి దూరంగా ఉండొచ్చని వైద్య నిపుణులు ఎప్పుడూ చెబుతుంటారు.. ఆపిల్ ఒక్కటే కాదు.. ప్రతిరోజూ ఒక నారింజ పండు తినడం చాలా మంచిదని ఆరోగ్య నిపుణులు చెబుతున్నారు. ఆరెంజ్ తినడం ద్వారా.. మీరు చాలా వరకు ఒత్తిడి లేకుండా ఉంటారని.. మానసిక ఆరోగ్యం మెరుగుపడుతుందని పేర్కొంటున్నారు. హార్వర్డ్ మెడికల్ స్కూల్, మసాచుసెట్స్ జనరల్ హాస్పిటల్ జరిపిన అధ్యయనంలో ఈ విషయం వెల్లడైంది. ప్రతిరోజూ ఒక నారింజ పండు తినడం వల్ల ఒక వ్యక్తిలో డిప్రెషన్ 20 శాతం తగ్గుతుందని హార్వర్డ్ మెడికల్ స్కూల్ – మసాచుసెట్స్ జనరల్ హాస్పిటల్ పరిశోధకులు తెలిపారు. మైక్రోబయోమ్‌లో ప్రచురితమైన పరిశోధన ప్రకారం.. మీరు ప్రతిరోజూ ఒక నారింజ పండు తింటే, నిరాశ ప్రమాదం తగ్గుతుందని పేర్కొంది.

హార్వర్డ్ మెడికల్ స్కూల్ – మసాచుసెట్స్ జనరల్ హాస్పిటల్ శాస్త్రవేత్త డాక్టర్ రాజ్ మెహతా నేతృత్వంలో జరిగిన ఈ అధ్యయనంలో, సిట్రస్ పండ్లు పేగులో కనిపించే బ్యాక్టీరియాను పెంచడంలో సహాయపడతాయని.. మానసిక స్థితిని మెరుగుపరిచే రెండు మెదడు రసాయనాల ఉత్పత్తిని ప్రభావితం చేస్తాయని కనుగొన్నారు. సిట్రస్ పండ్లలో సెరోటోనిన్, డోపమైన్ కనిపిస్తాయి. ఇది నిరాశను తగ్గించడంలో సహాయపడుతుంది.

సిట్రస్ పండ్లలో ఎన్నో పోషకాలు..

పరిశోధకులు 100,000 కంటే ఎక్కువ మంది మహిళలను అధ్యయనం చేశారు. నారింజ వంటి సిట్రస్ పండ్లు తినడం వల్ల నిరాశ ప్రమాదాన్ని తగ్గిస్తుందని అధ్యయనాలు కనుగొన్నాయి. ఎందుకంటే సిట్రస్ పండ్లు ఫేకాలిబాక్టీరియం ప్రస్నిట్జి బ్యాక్టీరియాను పెంచడంలో సహాయపడతాయి. ఇది మానవ ప్రేగులలో కనిపించే ఒక రకమైన మంచి బ్యాక్టీరియా. ఇది న్యూరోట్రాన్స్మిటర్లు సెరోటోనిన్ మరియు డోపమైన్ లను పెంచుతుంది.. నిరాశను తగ్గించడంలో సహాయపడుతుంది.. మానసిక స్థితిని మెరుగుపరచడంలో సహాయపడుతుంది.

మానసిక ఒత్తిడిని తగ్గించడానికి నారింజ పండ్లు తినండి..

హార్వర్డ్ మెడికల్ స్కూల్, మసాచుసెట్స్ జనరల్ హాస్పిటల్‌కు చెందిన డాక్టర్ రాజ్ మెహతా మాట్లాడుతూ.. నారింజలో లభించే పోషకాలు.. ప్రేగులకు మంచివి.. ఇది మానసిక స్థితిని బాగా ఉంచుతుందని అన్నారు. మీరు మీ ఆహారంలో సిట్రస్ పండ్లను చేర్చుకుంటే, మీరు ఖచ్చితంగా నిరాశ ప్రమాదాన్ని తగ్గించవచ్చు. సిట్రస్ పండ్లు రోగనిరోధక శక్తిని పెంచడం, ఆరోగ్యకరమైన గుండెను నిర్వహించడం, జీర్ణవ్యవస్థను మెరుగుపరచడం వంటి అనేక లక్షణాలను కలిగి ఉన్నాయని డాక్టర్ రాజ్ మెహతా అన్నారు. సిట్రస్ పండ్లలో విటమిన్లు, ఖనిజాలు, ఫైబర్, యాంటీఆక్సిడెంట్లు పుష్కలంగా ఉంటాయి. అందుకే.. వీటిని రెగ్యులర్‌గా తినాలని సూచించారు.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నా నేరుగా వైద్య నిపుణులను సంప్రదించడం మంచిది)

మరిన్ని హెల్త్ వార్తల కోసం ఇక్కడ క్లిక్ చేయండి..