Egg Side Effects: ఆరోగ్యానికి మంచిదని గుడ్లను తెగ తినేస్తున్నారా? ఈ దుష్ప్రభావాలున్నాయని మీకు తెలుసా?

బరువు తగ్గడానికైనా..పెరగడానికైనా అందరూ చెప్పే ఒకేఒక ఆహారం గుడ్డు.. గుడ్డులో ఎక్కువ ప్రోటీన్లు..తక్కువ క్యాలరీలు ఉండడంతో డైట్ ఎక్స్పర్ట్స్ అందరూ గుడ్డును బలవర్థకమైన ఆహారంగా చెబుతుంటారు. రోజుకు రెండు గుడ్లు తింటే శరీరంలో ఎర్ర రక్తకణాలు వృద్ధి చెందుతాయి. అయితే కొంత మంది అదే పనిగా ఆరోగ్యానికి మంచిదంటూ గుడ్లను తెగ తినేస్తుంటారు. గుడ్లు తింటే ఆరోగ్యానికి ఎంత మంచిదో  అధికంగా తింటే అంతే కీడు చేస్తుందని నిపుణులు అభిప్రాయపడుతున్నారు. గుడ్లు అధికంగా తినడం వల్ల వచ్చే దుష్ప్రభావాల గురించి తెలుసుకుందాం. 

• ఓ ఆరోగ్యకరమైన మనిషి రోజుకు 186 మిల్లిగ్రాముల కొలెస్ట్రాల్ ను తీసుకోవచ్చు. అందులో సగం కొలెస్ట్రాల్ ఒక గుడ్డులోనే ఉంటుంది. గుడ్డులోని పచ్చ సొన మొత్తం కొలెస్ట్రాల్ తో ఉంటుంది. తెల్ల సొన అధిక ప్రోటీన్లను కలిగి ఉంటుంది. కాబట్టి ఎక్కువ గుడ్లు తింటే కొలెస్ట్రాల్ స్థాయి పెరిగి గుండె జబ్బులు వచ్చే ప్రమాదం ఉంది.
• గుడ్లను ఎక్కువుగా తింటే జీర్ణ సంబంధిత సమస్యలు వచ్చే అవకాశం ఉంది. అధికంగా గుడ్లు తింటే కడుపు నొప్పి వచ్చే సూచనలు ఉన్నాయి. కొంత మంది వ్యక్తుల వారి రోజువారి భోజనం గుడ్లను తింటే ప్రతికూల పరిణామాలను ఎదుర్కొంటారు. 
• గుడ్లను అధికంగా తింటే వాటిని వేటితో కలిపి తింటున్నామో? ఓ కన్నేసి ఉంచాలి. గుడ్డులో అధిక కొలెస్ట్రాల్ ఉంటుంది. కాబట్టి మధుమేహం, ప్రోస్టేట్, పెద్దపేగు వాపు, కొలొరెక్టర్ క్యాన్సర్ వచ్చే ప్రమాదం అధికంగా ఉంది. 
• అయితే గుడ్డు తినేవారు పచ్చ సొనను మానేసి, తెల్ల సొన మాత్రమే తింటే దుష్ప్రభావాల నుంచి గట్టెక్కొచ్చని నిపుణులు అభిప్రాయం వ్యక్తం చేస్తున్నారు. 

మరిన్ని ఆరోగ్య సంబంధిత వార్తల కోసం ఇక్కడ క్లిక్ చేయండి