Liver Curry: సోయకూర మటన్ లివర్ కర్రీ.. ఒక్కసారైనా రుచి చూడకుంటే జిందగీ వేస్ట్

సోయాకూర, మటన్ లివర్ (మేక కాలేయం) కాంబినేషన్ లో వండే ఈ కూర రుచికి అద్భుతం. ఈ వంటకం పోషక విలువలు కూడా అధికం. సాధారణ లివర్ కూరలా కాకుండా, సోయాకూర చేరికతో దీని రుచి కొత్త అనుభూతిని ఇస్తుంది.

కావలసిన పదార్థాలు..

మటన్ లివర్ (మేక కాలేయం) – 300 గ్రాములు

సోయాకూర (సన్నగా తరిగినది) – 1 కప్పు (లేదా ఒక పెద్ద కట్ట)

ఉల్లిపాయలు – 2 మీడియం సైజు (సన్నగా తరిగినవి)

టమాటా – 1 మీడియం సైజు (సన్నగా తరిగినది)

అల్లం వెల్లుల్లి పేస్ట్ – 1.5 టీస్పూన్లు

నూనె లేదా నెయ్యి – 3 టేబుల్ స్పూన్లు

పసుపు – 1/2 టీస్పూన్

కారం పొడి – 1 నుంచి 1.5 టీస్పూన్లు (మీ కారానికి సరిపడా)

ధనియాల పొడి – 1.5 టీస్పూన్లు

జీలకర్ర పొడి – 1 టీస్పూన్

గరం మసాలా – 1/2 టీస్పూన్

ఉప్పు – రుచికి సరిపడా

పచ్చిమిర్చి – 2 (మధ్యలో చీల్చినవి)

నీరు – 1/2 నుంచి 1 కప్పు

కొత్తిమీర – గార్నిష్ కోసం.

తయారీ విధానం ముందుగా మటన్ లివర్ చిన్న ముక్కల చేయాలి. పసుపు, ఉప్పు కలిపిన నీటితో శుభ్రంగా కడగాలి. ఈ చర్య కాలేయం వాసన తగ్గించడంలో తోడ్పడుతుంది.

స్టవ్ పై పాన్ పెట్టి, నూనె/నెయ్యి వేసి వేడి చేయాలి. నూనె వేడయ్యాక సన్నగా తరిగిన ఉల్లిపాయలు వేసి, బంగారు రంగు వచ్చేవరకు వేయించాలి.

ఆ తర్వాత పచ్చిమిర్చి, అల్లం వెల్లుల్లి పేస్ట్ వేయాలి. పచ్చి వాసన పోయేవరకు వేయించాలి.

సన్నగా తరిగిన టమాటా ముక్కలు, కొద్దిగా ఉప్పు వేసి, టమాటాలు మెత్తగా అయ్యేలా ఉడికించాలి.

ఇప్పుడు పసుపు, కారం పొడి, ధనియాల పొడి, జీలకర్ర పొడి వేయాలి. నూనె మసాలా నుంచి విడిపోయే వరకు తక్కువ మంట మీద వేయించాలి.

శుభ్రం చేసిన మటన్ లివర్ ముక్కల వేసి, మసాలా అంతా పట్టేలా 3-4 నిమిషాలు వేయించాలి. తర్వాత సోయాకూర వేసి, అది మగ్గే వరకు కలపాలి.

రుచికి సరిపడా ఉప్పు, గరం మసాలా, నీరు పోసి బాగా కలపాలి.

మూత పెట్టి, మంట తగ్గించాలి. లివర్ పూర్తిగా ఉడికే వరకు (సుమారు 15-20 నిమిషాలు) ఉడికించాలి. లివర్ ముక్కల మెత్తగా ఉడికిన తర్వాత స్టవ్ ఆఫ్ చేయాలి. ఈ కూర చపాతీ, రోటీ, అన్నంతో చాలా రుచిగా ఉంటుంది.