పొట్ట గుట్టలా ఉన్నా కరిగిపోవాల్సిందే.. దీన్ని నానబెట్టి ఉదయాన్నే తింటే కొవ్వును కోసినట్టే..

అంజీర్ (అత్తిపండ్లు) లో ఎన్నో పోషకాలతోపాటు.. ఔషధ గుణాలు దాగున్నాయి.. ఇవి ఆరోగ్యానికి మేలు చేయడంతోపాటు అనేక వ్యాధులను నివారిస్తాయి.. అంతేకాకుండా ఊబకాయాన్ని దూరం చేసి ఆరోగ్యంగా ఉండేలా చేస్తుంది.. అయితే.. అందరూ ఇష్టపడి తినే ఈ అంజీర్‌లో అనేక పోషకాలు పుష్కలంగా ఉన్నాయి.. అంజీర్ పండులో ఫైబర్, మెగ్నీషియం, పొటాషియం, విటమిన్ K, విటమిన్ B6 వంటి పోషకాలు ఉన్నాయి. వాటిని అలాగే తినడం కంటే, రాత్రంతా నీటిలో నానబెట్టి, ఉదయం ఖాళీ కడుపుతో తినడం మరింత ప్రభావవంతంగా ఉంటుందని వైద్య నిపుణులు చెబుతున్నారు.

అంజీర్ (అత్తిపండ్లు) క్రమం తప్పకుండా తినడం వల్ల అనేక ఆరోగ్య సమస్యలకు వీడ్కోలు చెప్పవచ్చని ఆయుర్వేద నిపుణులు చెబుతున్నారు. అంజీర్ తినడం వల్ల కలిగే ఆరోగ్య ప్రయోజనాలు ఏంటో తెలుసుకోండి..

అంజీర్ ఆరోగ్య ప్రయోజనాలు..

జీర్ణవ్యవస్థను మెరుగుపరుస్తుంది: మలబద్ధకంతో బాధపడేవారికి నానబెట్టిన అంజీర్ పండ్లను తినడం కూడా ప్రభావవంతంగా ఉంటుంది. ఇందులో ఫైబర్ అధికంగా ఉంటుంది.. ఇది ప్రేగు కదలికలను సులభతరం చేసి జీర్ణక్రియను మెరుగుపరుస్తుంది. మలబద్ధకం వంటి సమస్యలను తొలగిస్తుంది.

అధిక రక్తపోటును నియంత్రించడంలో సహాయపడుతుంది: అధిక రక్తపోటును నియంత్రించడానికి పొటాషియం చాలా అవసరం. ఈ నానబెట్టిన అంజీర్ పండ్లలో పొటాషియం పుష్కలంగా ఉంటుంది.. ఉదయం తీసుకుంటే, అవి అధిక రక్తపోటును నియంత్రిస్తాయి.

చర్మ ఆరోగ్యానికి మంచిది: అంజీర్ పండ్లలో చర్మ ఆరోగ్యానికి చాలా అవసరమైన విటమిన్ సి, విటమిన్ ఇ, విటమిన్ ఎ పుష్కలంగా ఉంటాయి. ఈ నానబెట్టిన అంజీర్ పండ్లను తినడం వల్ల చర్మ ఆరోగ్యాన్ని కాపాడుకోవడానికి, ప్రకాశవంతమైన చర్మాన్ని పొందడానికి సహాయపడుతుంది.

ఎముకలను బలపరుస్తుంది: అంజీర్ పండ్లలో కాల్షియం, భాస్వరం పుష్కలంగా ఉంటాయి. ఇది ఎముకల ఆరోగ్యాన్ని కాపాడుకోవడానికి సహాయపడుతుంది. దీన్ని క్రమం తప్పకుండా తీసుకోవడం వల్ల ఎముకలు బలపడతాయి.

రక్తంలో చక్కెర స్థాయిలను నియంత్రిస్తుంది: నానబెట్టిన అంజీర్ పండ్లు మధుమేహ వ్యాధిగ్రస్తులకు అనేక ప్రయోజనాలను అందిస్తాయి. ఇది రక్తంలో చక్కెర స్థాయిలను నియంత్రిస్తుంది. ఈ పండులో అబ్సిసిక్ ఆమ్లం, మాలిక్ ఆమ్లం, క్లోరోజెనిక్ ఆమ్లం వంటి సమ్మేళనాలు ఉంటాయి.. ఇవి రక్తంలో చక్కెరను నియంత్రించడంలో సహాయపడతాయి.

గుండె ఆరోగ్యానికి మంచిది: అంజీర్‌లోని యాంటీఆక్సిడెంట్లు శరీరంలోని ఫ్రీ రాడికల్స్‌తో పోరాడటానికి సహాయపడతాయి. ఇది రక్తపోటును నియంత్రిస్తుంది. గుండె ఆరోగ్యాన్ని కాపాడుతుంది.

బరువు తగ్గడానికి సహాయపడుతుంది: శరీర బరువును నియంత్రించుకోవాలనుకునే వారు ఫైబర్ అధికంగా ఉండే ఆహారాన్ని తినడం మంచిది. అందువల్ల, మీరు అంజీర్ పండ్లను మీ ఆహారంలో భాగంగా చేసుకోవచ్చు. దీన్ని రోజూ తీసుకోవడం వల్ల బరువు తగ్గడానికి సహాయపడుతుంది.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)

మరిన్ని హెల్త్ వార్తల కోసం ఇక్కడ క్లిక్ చేయండి..