Garuda Puranam: ఈ పనుల వల్ల పాపం డబుల్ అవుతుందట..! ఇకపై మీ ఇష్టం..!

గరుడ పురాణం.. ఈ గ్రంథం జీవితం, మరణం, ధర్మం, పాపం గురించి వివరణాత్మకమైన బోధనలు అందిస్తుంది. ఇందులో ప్రస్తావించిన పాపాలు మనిషి ఆత్మకు హాని కలిగించే దారుణమైన చర్యలు. ఈ పాపాలు చేయకుండా ధర్మాన్ని అనుసరించడం ద్వారా జీవితం పవిత్రంగా ఉండి, సంతోషం పొందవచ్చు.

బ్రాహ్మణ హత్య

గరుడ పురాణం ప్రకారం బ్రాహ్మణ హత్యను అతిపెద్ద పాపంగా పరిగణిస్తారు. బ్రాహ్మణులు జ్ఞానానికి, ధర్మానికి ప్రతీకలు. వారిని హింసించడం వల్ల ఆత్మపై తీవ్ర ప్రతికూల ప్రభావం పడుతుంది. అందుకే బ్రాహ్మణ హత్యను అత్యంత ఘోరమైన పాపంగా భావిస్తారు.

గోవధ

గరుడ పురాణం ప్రకారం ఆవును తల్లితో సమానంగా చూస్తారు. గోవధను కూడా అత్యంత ప్రాణాంతకమైన పాపంగా చెప్పబడింది. ఆవును హతమార్చడం వల్ల భవిష్యత్‌ లో అనేక రకాల దుష్ఫలితాలు ఉంటాయి. ఇది దారుణమైన పాపం అని గ్రంథం పేర్కొంది.

తల్లిదండ్రుల గౌరవం

తల్లిదండ్రులను గౌరవించకపోవడం గరుడ పురాణం ప్రకారం పెద్ద పాపం. తల్లిదండ్రులు దేవతలకంటే తక్కువ కాదు. వారిని అవమానించడం లేదా వారి సేవ చేయకపోవడం జీవితంలో అత్యంత పాపపు పనిగా పరిగణించబడుతుంది.

దోపిడీ

డబ్బు కోసం ఒకరిని దోచుకోవడం కూడా పెద్ద పాపమే. ఒకరి ఆస్తిని దుర్వినియోగం చేయడం లేదా వారి సంపదను అపహరించడం గరుడ పురాణం ప్రకారం ఆత్మకు హానికరంగా ఉంటుంది. దోపిడీ చేసేవారు భవిష్యత్‌ లో పాపఫలాలను అనుభవిస్తారు.

వృద్ధుల గౌరవం

వృద్ధులను గౌరవించకపోవడం గరుడ పురాణం ప్రకారం మరో పెద్ద పాపం. వృద్ధులను అగౌరవపరచడం వల్ల మానవతా విలువలు తక్కువగా ఉంటాయి. వృద్ధులు అనుభవజ్ఞులు, వారిని గౌరవించకుండా ప్రవర్తించడం అనేక రకాల దుష్ఫలితాలను కలిగిస్తుంది.

శరీర పరిశుభ్రత

మీ శరీరాన్ని అపరిశుభ్రంగా ఉంచుకోవడం కూడా పాపంగా చెప్పబడింది. శారీరక పరిశుభ్రత అనేది మన ఆత్మకు స్వచ్ఛతను ఇస్తుంది. పరిశుభ్రత లేకపోవడం వల్ల పాపఫలితాలు ఉంటాయని పురాణం పేర్కొంది.

సంపద, ధర్మ మార్గం

సంపదను సక్రమంగా వాడకపోవడం, ధర్మం మార్గం నుంచి దారి తప్పడం పాపకార్యాలుగా చెప్పబడింది. మనిషి సంపదను అక్రమ మార్గాల్లో సంపాదించడం, ధర్మాన్ని విడిచిపెట్టడం వల్ల జీవితంలో శిక్షలు ఎదురవుతాయని గరుడ పురాణం చెబుతుంది. ఈ పాపాలన్నీ ఆత్మకు హాని చేస్తాయి. గరుడ పురాణం ప్రకారం నిజమైన ధర్మంకి సంబంధించిన మార్గాన్ని అనుసరించడం ద్వారా మన ఆత్మ స్వచ్ఛంగా ఉంటుంది.