Beauty tips: ముఖంపై అవాంఛిత రోమాలకు శాశ్వత పరిష్కారం.. ! ఇంటి చిట్కాలతో చక్కటి ఉపశమనం..
ముఖంపై వచ్చే అవాంచిత రోమాలను తొలగించేందుకు మార్కెట్‌లో లభించే అనేక రకాల ఉత్పత్తులను ఉపయోగిస్తున్నారు. అయితే, ఇలాంటి ఉత్పత్తుల్లో ఉండే రసాయనాలు ముఖంలోని సున్నితమైన చర్మాన్ని దెబ్బతీస్తాయి. కాబట్టి, సహజంగా ముఖంపై జుట్టును ఎలా వదిలించుకోవాలో తెలుసుకుందాం.
Updated on: Jun 06, 2024 | 12:49 PM
అందమైన ముఖ సౌందర్యం కావాలని అందరూ కోరుకుంటారు. కానీ, ముఖంపై మచ్చలు, మెటిమలు, అవాంచీత రోమాల కారణంగా చాలా మంది ఆందోళనకు గురవుతుంటారు. చక్కటి చంద్రబింబంలాంటి మెరిసే చర్మం కోసం మార్కెట్‌లో లభించే అనేక రకాల ఉత్పత్తులను ఉపయోగిస్తున్నారు. అయితే, ఇలాంటి ఉత్పత్తుల్లో ఉండే రసాయనాలు ముఖంలోని సున్నితమైన చర్మాన్ని దెబ్బతీస్తాయి. కాబట్టి, సహజంగా ముఖంపై జుట్టును ఎలా వదిలించుకోవాలో తెలుసుకుందాం.
బియ్యం పిండి- రోజ్ వాటర్ : బియ్యం పిండిలో కొద్దిగా రోజ్ వాటర్ మిక్స్ చేసి మెత్తటి పేస్టులా చేసుకోవాలి. ఈ పేస్టును ముఖానికి అప్లై చేసి కొన్ని నిమిషాల పాటు స్క్రబ్ చేయాలి.ఆ తర్వాత సాధారణ నీటితో ముఖాన్ని శుభ్రం చేసుకోవాలి.
శనగపిండి- పెరుగు : ముఖంపై కనిపించే అవాంఛిత రోమాలను తొలగించుకోవడానికి శనగపిండి, పెరుగు కూడా మంచి ఫలితాన్ని ఇస్తుంది. దీనికోసం శనగపిండిలో పెరుగు కలిపి పేస్టులా తయారు చేసి అందులో చిటికెడు పసుపు కలపాలి. ఈ మిశ్రమాన్ని ముఖానికి పట్టించాలి. కొద్దిగా అరిన తరువాత ముఖాన్ని స్మూత్‌గా రబ్‌ చేస్తూ శుభ్రం చేసుకోవాలి.
అరటిపండు- ఓట్స్: 2 చెంచాల ఓట్స్, పండిన అరటిపండును ఒక గిన్నెలో తీసుకుని వాటిని బాగా మెత్తగా చేసి ముఖానికి పట్టించాలి. దీన్ని ఆరనివ్వండి. ముఖాన్ని 10 నిమిషాల పాటు మసాజ్ చేసి, ఆపై వదిలేయండి. కొంత సమయం తర్వాత చల్లటి నీటితో ముఖం కడుక్కోవాలి.
పసుపు- తేనె: పసుపు, తేనెను కలిపి పేస్టులా చేసుకుని, ఈ పేస్టును ముఖానికి పట్టించి, బాగా ఆరిపోయిన తర్వాత రుద్దుతూ శుభ్రం చేస్తే కూడా అవాంచిత రోమాలు పోతాయి.
శనగపిండి-పాలు: ఒక చెంచా శనగపిండి కి, మూడు చెంచాల పాలు వేసి చిక్కటి పేస్ట్‌లా తయారు చేసుకోవాలి. దానిని ముఖానికి పట్టించి ఆరిన తర్వాత రుద్ది శుభ్రం చేయటం వల్ల అవాంచిత రోమాలు తొలగిపోతాయి.
బొప్పాయి- తేనే: బాగా పండిన బొప్పాయిని మెత్తగా చేసి అందులో కొద్దిగా తేనె లేదా పాలు కలిపి పేస్ట్ లా చేసుకోవాలి. దీన్ని ముఖానికి పట్టించి కాసేపు అలానే ఉంచి తర్వాత బాగా రుద్దుతూ సాధారణ నీటితో ముఖాన్ని శుభ్రం చేసుకోవాలి.
తేనె- పంచదార: 2 చెంచాల పంచదార, 1 చెంచా తేనె, 1 చెంచా నీటిని ఒక బాణలిలో 30 సెకన్ల పాటు స్టవ్ మీద వేడి చేయండి. పూర్తిగా కరిగిన తర్వాత ముఖం మీద అప్లై చేసి 10-15 నిమిషాల తర్వాత దాన్ని తొలగించండి.
బొప్పాయి- అలోవెరా: ఒక గిన్నెలో 2 చెంచాల బొప్పాయి గుజ్జు, అర చెంచా పసుపు, 3 చెంచాల కలబంద జెల్ తీసుకుని, వాటిని బాగా మిక్స్ చేసి ముఖానికి అప్లై చేయాలి. బాగా ఆరిన తర్వాత చల్లటి నీటితో ముఖాన్ని కడగాలి.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ వార్తల కోసం క్లిక్ చేయండి..
