నిద్రలేమి సమస్యతో ఇబ్బంది పడుతున్నారా.. పడుకునే ముందు ఈ వాటర్ ని తాగండి.. ఎన్ని ప్రయోజనాలో తెలుసా..
రాత్రి తగినంత నిద్రపోవడం ఆరోగ్యానికి మంచిది. అయితే కొంతమంది నిద్రలేమి సమస్యతో ఇబ్బంది పడతారు. దీంతో రాత్రి పడుకునే ముందు ఈ ప్రత్యేకమైన నీటిని తాగితే.. పడుకున్న వెంటనే గాఢ నిద్ర వస్తుంది. రాత్రిపూట ఇంగువ నీరు తాగడం వల్ల అనేక రకాల సమస్యలు నయమవుతాయి. ఈ నీటిని తాగడం వల్ల మనస్సు ప్రశాంతంగా ఉంటుంది. ఇది త్వరగా నిద్రపోవడానికి సహాయపడుతుంది.
Updated on: Jun 12, 2025 | 12:01 PM
నేటి బిజీ జీవితంలో చాలా మంది నిద్రలేమి సమస్యతో బాధపడుతున్నారు. నిద్ర లేకపోవడం లేదా నిద్రలో తరచుగా మేల్కొనడం ప్రజలలో ఒక సాధారణ సమస్యగా మారింది. అటువంటి పరిస్థితిలో ప్రజలు రాత్రి గాఢగా నిద్రపోవడానికి అనేక మార్గాలను ప్రయత్నిస్తారు. అయినా సరే సరిగ్గా నిద్రపోలేకపోతున్నారు. మీరు కూడా నిద్రలేమి సమస్యతో బాధపడుతుంటే.. నిద్రపోయే ముందు ఇంగువ నీటిని తాగి చూడండి. ఇది రాత్రి బాగా నిద్రపోవడానికి, ఉదయం తాజాగా ఉండటానికి సహాయపడుతుంది.
ఇంగువ కేవలం రుచి కోసమే కాదు. ఇందులో అనేక యాంటీ ఇన్ఫ్లమేటరీ, యాంటీ బాక్టీరియల్, జీర్ణ లక్షణాలు కూడా ఉన్నాయి. ఇవి శరీరానికి మేలు చేస్తాయి. ఇది శరీరాన్ని ప్రశాంతపరుస్తుంది. అలాగే శరీరానికి విశ్రాంతినిస్తుంది. రాత్రి నిద్రపోయే ముందు ఇంగువ నీటిని తాగడం వల్ల త్వరగా నిద్ర వస్తుంది. అయితే ఈ ఇంగువ నీరుని ఎలా తయారు చేసుకోవాలి.. ఎలా తాగాలి.. ప్రయోజనాలు తెలుసుకుందాం..
ఇంగువ నీటిని ఎలా తయారు చేసుకోవాలంటే
ఇంగువ నీటిని తయారు చేయడం చాలా సులభం. దీనికి ప్రత్యేక పదార్థాలు అవసరం లేదు. మీరు దీన్ని కేవలం రెండు నిమిషాల్లో తయారు చేసుకోవచ్చు. దీన్ని తయారు చేయడానికి ముందుగా ఒక గ్లాసు నీటిని తీసుకుని ఆ నీటిని కొద్దిగా వేడి చేయండి. ఇప్పుడు ఆ వేడి నీటిలో చిటికెడు ఇంగువ వేసి ఒక చెంచాతో బాగా కలపండి. మీరు ఈ ఇంగువ నీటికి అదనపు రుచిని జోడించాలని భావిస్తే.. ఈ నీటిలో ఒక చెంచా తేనెను జోడించండి. ఇలా రెడీ చేసుకున్న ఇంగువ నీరుని రోజూ నిద్రపోయే 20 నిమిషాల ముందు తాగండి. ఇలా ఇంగువ నీటిని తాగడం వలన సుఖ నిద్రపడుతుంది.
ఇంగువ తాగడం వల్ల కలిగే ప్రయోజనాలు?
శరీరంలో గ్యాస్, అజీర్ణం వంటి సమస్యలను ఇంగువ తొలగిస్తుంది. నరాలను ప్రశాంతపరచడంలో ఆసాఫోటిడా సహాయపడుతుంది. ఇది మనసుకు ప్రశాంతతను ఇస్తుంది. నిద్రను సులభతరం చేస్తుంది. శరీరంలో రక్త ప్రసరణను మెరుగుపరుస్తుంది. ఒత్తిడి హార్మోన్లను నియంత్రించడంలో సహాయపడుతుంది.
మరిన్ని లైఫ్ స్టైల్ న్యూస్ కోసం క్లిక్ చేయండి..
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
