Baba Ramdev Diet Tips: ఈ ఆహారాలు ‘తెల్లని విషం’.. పూర్ణాయుష్షుకు బాబా రాందేవ్ ఆరోగ్య సూత్రాలు ఇవే!
అనారోగ్యకరమైన జీవనశైలి నెమ్మదిగా అనారోగ్యానికి దారితీస్తుంది. ఇది ఏ విధంగా జరుగుతుందో చెప్పలేం. దీంతో డాక్టర్ల వెంట పరుగులు తీస్తాం. ఇది ఆర్థిక నష్టాన్ని కలిగించడమే కాకుండా అపారమైన శారీరక, మానసిక అలసటకు దారితీస్తుంది. అందువల్ల నివారణ చికిత్స కంటే ఉత్తమం. మన జీవితం నుంచి కొన్ని అనారోగ్యకరమైన అలవాట్లను తొలగిస్తేనే ఇది సాధ్యమవుతుందని బాబా రాందేవ్ అంటున్నారు..
Updated on: Feb 10, 2026 | 9:32 AM
నేటి మన ఆహారపు అలవాట్లు, జీవనశైలి చాలా మారిపోయాయి. ఇవి ఆరోగ్యానికి తీవ్ర హాని కలిగిస్తున్నాయి. ఒకప్పుడు వృద్ధాప్యానికి సంకేతంగా భావించే వ్యాధులు ఇప్పుడు చిన్న వయస్సులోనే దాడి చేస్తున్నాయి. పూర్వ కాలంలో జనాలు ఆయుర్వేద ఉత్పత్తులను ఎక్కువగా ఉపయోగించారు. ఇంట్లో వండిన ఆహారంపై దృష్టి సారించారు. ఈ క్రమంలో బాబా రామ్దేవ్ ప్రకృతి వైద్యం, ఆయుర్వేద ఉత్పత్తుల వాడకాన్ని అలవరచుకోవాలని చెబుతున్నారు. యోగా, ఆయుర్వేదం రెండింటినీ ప్రతి ఇంటికి తీసుకురావడానికి ప్రయత్నిస్తున్నారు. పతంజలి వెల్నెస్ ద్వారా ఆయన ఆరోగ్యకరమైన జీవన విధానం గురించి సలహాలు అందిస్తున్నారు. అందుకు జీవనశైలిలో ఏయే అలవాట్లను వదిలించుకోవాలో ఇక్కడ చెబుతున్నారు..
తెల్లటి ఆహారాలు వద్దు
బాబా రాందేవ్ తొలగించమని సిఫార్సు చేస్తున్న తెల్లటి ఆహారాలలో చక్కెర కూడా ఉంది. ఇది నేడు అనేక ఆరోగ్య సమస్యలకు కారణం. ఇది ఊబకాయాన్ని పెంచుతుంది. ఇది మధుమేహానికి దారితీస్తుంది. ఇంకా దీనిని చర్మానికి హాని కలిగించే ఆహారంగా పరిగణిస్తారు. తెల్ల పిండి అదే మైదాను కూడా మన జీవితాల నుంచి తొలగించాలని బాబా రాందేవ్ అంటున్నారు. తెల్ల బియ్యాన్ని నివారించాలి. శుద్ధి చేసిన నూనెను సైతం దూరంగా ఉంచాలి.
సింథటిక్ ఉత్పత్తులు వద్దు
బాబా రామ్దేవ్ స్వదేశీ, సహజ ఉత్పత్తులను ప్రోత్సహిస్తారు. రసాయన ఆధారిత షాంపూలు, సబ్బులు, టూత్పేస్టులు, వ్యక్తిగత సంరక్షణ ఉత్పత్తులు వంటి సింథటిక్ ఉత్పత్తులను మనం నివారించాలని ఆయన అంటున్నారు. బదులుగా సహజ ప్రత్యామ్నాయాలను స్వీకరించాలి. అదేవిధంగా శుభ్రపరిచే ఉత్పత్తులను ఉపయోగించడం ఆరోగ్యానికి హానికరం. వాస్తవానికి రసాయన ఆధారిత ఉత్పత్తులు కాలేయం నుంచి మూత్రపిండాల వరకు ప్రతిదానికీ హాని కలిగిస్తాయి.
రసాయన ఆధారిత ఉత్పత్తులను భర్తీ చేయడానికి దినచర్యలో చేర్చగల అనేక ఆరోగ్యకరమైన ప్రత్యామ్నాయాలు ఉన్నాయని బాబా రాందేవ్ అంటున్నారు. ఆవ నూనె, నువ్వుల నూనె, కొబ్బరి నూనె వంటి సహజ నూనెలు శుద్ధి చేసిన నూనెలకు మంచి ప్రత్యామ్నాయాలు. వర్జిన్ ఆయిల్ (కోల్డ్-ప్రెస్ టెక్నిక్లను ఉపయోగించి పండ్లు, గింజలు, విత్తనాల నుంచి తీసిన నూనె) ప్రకృతి స్వచ్ఛమైన రూపంగా ఆయన అభివర్ణించారు. చక్కెరను బెల్లం (బ్లీచింగ్ ఏజెంట్లను ఉపయోగించని చక్కెర రూపం) తో భర్తీ చేయవచ్చు.
సింథటిక్ పదార్థాలు వ్యాధికి కారణం
బాబా రాందేవ్ చెబుతున్నట్లుగా మనం ఏ రకమైన సింథటిక్ ఉత్పత్తులను వాడకుండా ఉండాలి. ఇందులో దంత సంరక్షణ, చర్మ, జుట్టు సంరక్షణ, పాత్రలు, దుస్తులు, గృహ క్లీనర్లు కూడా ఉన్నాయి. ఈ రసాయనాలు మన శరీరంలోకి ప్రవేశించినప్పుడు మన రోగనిరోధక శక్తిని బలహీనపరుస్తాయి. అనారోగ్యానికి కారణమవుతాయి. ఈ ఉత్పత్తులు క్యాన్సర్, కాలేయం, మూత్రపిండాల సమస్యలు వంటి తీవ్రమైన అనారోగ్యాలకు కూడా దోహదం చేస్తాయి. కాబట్టి ఆరోగ్యంగా ఉండాలంటే స్వదేశీ, సహజ ఉత్పత్తులను స్వీకరించడం మంచిది.
మరిన్ని ఆరోగ్య కథనాల కోసం క్లిక్ చేయండి.
