ఇల్లీగల్ ఎఫైర్.. భర్తను భుజంపై మోస్తూ..
మధ్యప్రదేశ్ దేవిగడ్ జిల్లాలో ఓ అమానుష ఘటన ఆలస్యంగా వెలుగులోకి వచ్చింది. వేరే కులానికి చెందిన వ్యక్తితో పారిపోయిందని ఓ మహిళకు దారుణమైన శిక్ష విధించారు గ్రామ పెద్దలు. భర్తను భుజంపై మోసుకొని ఊరంతా తిరగాలని హుకుం జారీ చేశారు. భర్తను మోయలేక కింద పడిపోతే కర్రలతో కొడుతూ రాక్షసానందం పొందారు. సోషల్ మీడియాలో ఈ వీడియో వైరల్ కావడంతో పోలీసులు కేసు నమోదు చేశారు. మధ్యప్రదేశ్లోని జుబావా జిల్లా భీమ్పురికి చెందిన మహిళకు దేవిగడ్కు చెందిన […]
Updated on: Apr 15, 2019 | 11:42 AM
మధ్యప్రదేశ్ దేవిగడ్ జిల్లాలో ఓ అమానుష ఘటన ఆలస్యంగా వెలుగులోకి వచ్చింది. వేరే కులానికి చెందిన వ్యక్తితో పారిపోయిందని ఓ మహిళకు దారుణమైన శిక్ష విధించారు గ్రామ పెద్దలు. భర్తను భుజంపై మోసుకొని ఊరంతా తిరగాలని హుకుం జారీ చేశారు. భర్తను మోయలేక కింద పడిపోతే కర్రలతో కొడుతూ రాక్షసానందం పొందారు. సోషల్ మీడియాలో ఈ వీడియో వైరల్ కావడంతో పోలీసులు కేసు నమోదు చేశారు.
మధ్యప్రదేశ్లోని జుబావా జిల్లా భీమ్పురికి చెందిన మహిళకు దేవిగడ్కు చెందిన వ్యక్తితో వివాహం జరిగింది. కొద్దిరోజుల తరువాత ఆమె మరో యువకుడితో వివాహేతర సంబంధం పెట్టుకుంది. గతవారం ఆమె ప్రియుడితో కలిసి పారిపోయింది. ఏం జరిగిందో తెలీదు కానీ.. ఆమె మళ్లీ రెండు రోజుల క్రితం భర్త ఇంటికి వచ్చింది.
దీంతో.. అత్తింటివారు ఆమెను పంచాయతీకి తీసుకువెళ్లగా పెద్దలు ఆమెకు ఈ శిక్ష విధించారు. వేరే వ్యక్తితో పారిపోయినందుకు శిక్షగా ఆమె భర్తను భుజంపై భర్తను కూర్చోబెట్టుకొంది. ఆమె నడుస్తూ వెళుతుంటే, స్థానికులు డ్యాన్సులు చేస్తూ ఈలలు వేస్తూ రాక్షసానందం పొందారు.
