రోడ్డుపై దొరికిన‌ డ‌బ్బు మూట‌లు..ఆ ఫ్యామిలీ ఏం చేసిందంటే..

వర్జీనియాకు చెందిన డేవిడ్ అనే వ్య‌క్తి త‌న‌ ఫ్యామిలీతో క‌లిసి స‌ర‌దాగా ట్రిప్ వేద్దామ‌ని పిక్‌అప్‌ ట్రక్‌లో బయలుదేరారు. కరోలైన్‌ కౌంటీనుంచి కొంత‌దూరం ట్రావెల్ చేసిన అనంత‌రం గూచ్‌లాండ్‌ కౌంటీ వద్ద వారికి రోడ్డుపై ఓ‌ బ్యాగ్ తార‌స‌ప‌డింది. ఏదో వేస్ట్ తో నింపిన బ్యాగ్‌ రోడ్డుకు అడ్డంగా ఉందని భావించిన వారు ట్రక్‌ను ఆపేసి బ్యాగును ట్ర‌క్ వెన‌క ప‌డేశారు. మ‌ళ్లీ కొంత దూరం ప్ర‌యాణించిన అనంత‌రం మరో బ్యాగు కనిపించింది. దాన్ని కూడా ట్రక్‌ వెనకాల పడేశారు. కొన్ని గంట‌లు స‌ర‌దాగా తిరిగిన అనంత‌రం సాయంకాలం ఇంటికి వెళ్లి ఆ బ్యాగుల‌ను ఓపెన్ చేసి చూడ‌గా…వాటిలో డ‌బ్బులు క‌నిపించాయి. అయితే వారు ఆ డబ్బుపై ఆశపడలేదు.

వెంటనే విష‌యాన్ని పోలీసుల‌కు చేర‌వేశారు. వారు వ‌చ్చి ఆ డబ్బును స్వాధీనం చేసుకున్నారు. రెండు బ్యాగుల్లో క‌లిపి దాదాపు 1 మిలియన్‌ డాలర్లు( రూ.75 లక్షలు) ఉన్నట్లు గుర్తించారు. డేవిడ్ ఫ్యామిలీ మెంబ‌ర్స్ నిజాయితీని మెచ్చుకున్నారు పోలీసులు. నిస్వార్ధంగా డబ్బు సమాచారం అందించిన ఆ ఫ్యామిలీకి నగదు బహుమతి ఇవ్వాలని నిర్ణయించారు. మ‌రోవైపు అంత డబ్బు రోడ్డు మీదకు ఎలా వచ్చిందా అన్న దానిపై ద‌ర్యాప్తు చేపట్టారు.