‘అల’కు ఫైట్ మాస్టర్లే.. కొరియోగ్రాఫర్లుః త్రివిక్రమ్

స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ కాంబినేషన్‌లో వస్తోన్న చిత్రం ‘అల.. వైకుంఠపురంలో’. వీరిద్దరి కలయికలో ఇది మూడో సినిమా కావడంతో దీనిపై అంచనాలు భారీగా ఉన్నాయి. తాజాగా విడుదలైన టీజర్, ఫస్ట్ లుక్ పోస్టర్స్ ఫ్యాన్స్‌ను విపరీతంగా ఆకట్టుకున్నాయి. ఇక సాంగ్స్ అయితే యూట్యూబ్ రికార్డ్స్ అన్నింటిని కొల్లగొట్టాయి.

ఇవాళ యూసఫ్‌గూడలోని పోలీస్ గ్రౌండ్స్‌లో బిగ్గెస్ట్ మ్యూజికల్ నైట్‌ను చిత్ర యూనిట్ నిర్వహించిన సంగతి తెలిసిందే. ఈ కార్యక్రమంలో దర్శకుడు త్రివిక్రమ్ ఓ సీక్రెట్‌ను బయటపెట్టారు. సినిమాకు సంబంధించిన ఓ పాట అద్భుతంగా రావడానికి ఫైట్ మాస్టర్లు రామ్, లక్ష్మణ్‌లే కారణమని వెల్లడించారు. పాట ఏంటన్నది చెప్పలేదు గానీ.. మాస్టర్లు కొరియోగ్రాఫర్లుగా అవతారమెత్తారని.. పాటను పదేపదే వింటూ అద్భుతంగా కొరియోగ్రాఫ్ చేశారని చెప్పారు. మరి ఆ పాట ఏంటో తెలియాలంటే కొద్దిరోజులు ఆగాల్సిందే.