SBI Home Loan: సొంతింటి కల ఎస్‌బీఐతో సాకారం.. హోం లోన్ సమయంలో తీసుకోవాల్సిన జాగ్రత్తలు ఇవే..
ప్రస్తుతం బ్యాంకులో హోం లోన్ తీసుకోవడం చాలా కష్టంతో కూడిన పనిగా మారింది. వివిధ రకాల ధ్రువీకరణ పత్రాలను సమర్పించాల్సి వస్తుంది. అసలు హోం తీసుకోవడానికి చేయాల్సిన ప్రాసెస్‌ను స్టేట్ బ్యాంక్ ఆఫ్ ఇండియా (ఎస్‌బీఐ) తన వెబ్‌సైట్‌లో పెట్టింది.
Srinu |
Updated on: Apr 05, 2023 | 6:00 PM
ప్రతి మనిషికి సొంతిల్లు అనే ఓ ఎమోషన్‌తో ఉంటుంది. ప్రస్తుతం ఉరుకులు పరుగుల జీవితంలో పొదుపు చేసుకుని ఇల్లు కట్టుకోవాల్సిన పరిస్థితి నెలకొంది. కొంతమంది అయితే ప్రస్తుతం ఉంటున్న ఇంటికి ఎలాగూ అద్దె కడుతున్నాం. కాబట్టి దాన్నే ఈఎంఐ కింద కట్టి సొంత ఇల్లు కొనుక్కుందామని హోం లోన్ తీసుకోవడానికి ఇష్టపడుతుంటారు. అయితే ప్రస్తుతం బ్యాంకులో హోం లోన్ తీసుకోవడం చాలా కష్టంతో కూడిన పనిగా మారింది. వివిధ రకాల ధ్రువీకరణ పత్రాలను సమర్పించాల్సి వస్తుంది. అసలు హోం తీసుకోవడానికి చేయాల్సిన ప్రాసెస్‌ను స్టేట్ బ్యాంక్ ఆఫ్ ఇండియా (ఎస్‌బీఐ) తన వెబ్‌సైట్‌లో పెట్టింది. చాలా సింపుల్‌గా ఎస్‌బీఐ హోంలోన్ పొందే విధానాన్ని అందుల్లో పేర్కొంది. ఆన్‌లైన్‌ ద్వారా కూడా ఎస్‌బీఐ హోం లోన్ పొందే అవకాశాన్ని కూడా కాబట్టి ఆ విధివిధానాలపై ఓ లుక్కేద్దాం.
ఎస్‌బీఐ హోం లోన్‌తో లాభాలివే
వివిధ బ్యాంకులతో పోల్చుకుంటే ఎస్‌బీఐ హోం లోన్ తీసుకుంటే వినియోగదారులకు కొన్ని రకాల లాభాలున్నాయి. తక్కువ వడ్డీ రేట్లతో పాటు అతి తక్కువ ప్రాసెసింగ్ రుసుముతో వినియోగదారులకు చాలా ఈజీగా లోన్ పొందవచ్చు. అలాగే ముందస్తు చెల్లింపుపై కూడా ఎస్‌బీఐ పెనాల్టీ విధించడం లేదు. డైలీ రిడ్యూసింగ్ బ్యాలెన్స్‌పై వడ్డీ ఛార్జీలతో పాటు ఏకంగా 30 సంవత్సరాల వరకు తిరిగి చెల్లింపు చేసే ఆప్షన్‌ను ఎస్‌బీఐ ఖాతాదారులకు కల్పిస్తుంది. అలాగే హోమ్ లోన్ కూడా ఓవర్‌డ్రాఫ్ట్‌గా లభిస్తుంది. ముఖ్యంగా మహిళా రుణగ్రహీతలకు వడ్డీ రాయితీని బ్యాంకు కల్పిస్తుంది. అలాగే ఎస్‌బీఐ హోం లోన్ పొందడానికి 18 నుంచి 70 సంవత్సరాల మధ్య ఉన్న వారు అర్హులు.
కావాల్సిన పత్రాలు ఇవే
- యజమాని గుర్తింపు కార్డు
- సక్రమంగా పూర్తి చేసిన లోన్ దరఖాస్తు ఫారమ్
- 3 పాస్‌పోర్ట్ సైజు ఫోటోలు
- పాన్/ పాస్‌పోర్ట్/ డ్రైవింగ్ లైసెన్స్/ ఓటరు గుర్తింపు కార్డు వంటి గుర్తింపు రుజువు.
- టెలిఫోన్ బిల్లు/విద్యుత్ బిల్లు/నీటి బిల్లు/పైప్డ్ గ్యాస్ బిల్లు లేదా పాస్‌పోర్ట్/డ్రైవింగ్ లైసెన్స్/ఆధార్ కార్డ్ వంటి నివాస ధ్రువీకరణ పత్రం.
ఆస్తి పత్రాలు
- నిర్మాణానికి అనుమతి పత్రం.
- ఆక్యుపెన్సీ సర్టిఫికేట్
- మెయింటెనెన్స్ బిల్లు, విద్యుత్ బిల్లు, ఆస్తి పన్ను రసీదు
- బిల్డర్ ఆమోదించిన ప్లాన్ కాపీ & రిజిస్టర్డ్ డెవలప్‌మెంట్ అగ్రిమెంట్, కన్వేయన్స్ డీడ్ (కొత్త ఆస్తి కోసం)
- చెల్లింపు రసీదులు లేదా బ్యాంక్ అకౌంట్ స్టేట్‌మెంట్
ఖాతా ప్రకటన
- దరఖాస్తుదారుల గత 6 నెలల బ్యాంక్ ఖాతా స్టేట్‌మెంట్‌లు
- ఇతర బ్యాంక్‌లు/లెండర్‌ల నుంచి ఏదైనా మునుపటి లోన్ ఉంటే, గత 1 సంవత్సరానికి సంబంధించిన లోన్ అకౌంట్ స్టేట్‌మెంట్
- గత 3 నెలల ప్లే స్లిప్ లేదా శాలరీ సర్టిఫికేట్
- గత 2 సంవత్సరాలుగా ఫారం 16, ఫారం 26 ఏఎస్ కాపీ లేదా గత 2 ఆర్థిక సంవత్సరాలకు సంబంధించిన ఐటీ రిటర్న్‌ల కాపీ
- జీతం లేని దరఖాస్తుదారు ఆదాయ రుజువులు
వ్యాపార చిరునామా రుజువు
- గత 3 సంవత్సరాలుగా ఐటీ రిటర్న్స్
- గత 3 సంవత్సరాలుగా బ్యాలెన్స్ షీట్ & లాభం & నష్టం అకౌంట్ల వివరాలు
- వ్యాపార లైసెన్స్ వివరాలు
- టీడీఎస్ సర్టిఫికేట్ (ఫారం 16ఏ)
- అర్హత సర్టిఫికేట్ (సీఏ/ డాక్టర్, ఇతర నిపుణుల కోసం)
అయితే హోంలోన్ దరఖాస్తు ప్రక్రియలో అవసరమైతే బ్యాంక్ ఏదైనా ఇతర పత్రాన్ని అడగవచ్చని కస్టమర్‌లు గమనించాలని నిపుణులు సూచిస్తున్నారు.
అప్లై చేయండిలా
ఎస్‌బీఐ హోమ్ లోన్ కోసం దరఖాస్తు చేయడానికి మీరు ఏదైనా ఎస్‌బీఐ శాఖను సందర్శించాలి. లేదా బ్యాంక్ వెబ్‌సైట్ ద్వారా ఆన్‌లైన్‌లో దరఖాస్తు చేసుకోవచ్చు. లోన్ కోసం దరఖాస్తు చేయడానికి మీరు పత్రాలను అందించాలి. లోన్ మొత్తం, వడ్డీ రేటు, తిరిగి చెల్లించే వ్యవధి, క్రెడిట్ స్కోర్, ఆదాయం, ఆస్తి విలువ, లోన్ మొత్తం వంటి వివిధ అంశాలపై ఆధారపడి ఉంటుందని గమనించాలి.
మరిన్ని బిజినెస్ న్యూస్ కోసం
