మహేష్ పంచెకట్టు, కోరమీసం.. లుక్ అదుర్స్ బాసూ.!
సూపర్ స్టార్ మహేష్ బాబు లుక్ పరంగా కొంచెం కొత్తగా ట్రై చేశారు. కోరమీసం, పంచెకట్టుతో అచ్చం 'పెదరాయుడు'లా ఫ్యాన్స్‌కు దర్శనం ఇచ్చారు.
Mahesh Babu Flipkart AD: సూపర్ స్టార్ మహేష్ బాబు లుక్ పరంగా కొంచెం కొత్తగా ట్రై చేశారు. కోరమీసం, పంచెకట్టుతో అచ్చం ‘పెదరాయుడు’లా ఫ్యాన్స్‌కు దర్శనం ఇచ్చారు. ఈ లుక్ చూసిన అభిమానులు అదుర్స్ అని అంటున్నారు. అసలు లాక్‌డౌన్‌లో సినిమాలు రిలీజ్ కాలేదు. మరి ఈ లుక్ ఏంటని అనుకుంటున్నారా.? ఇదొక యాడ్‌కు సంబంధించిన లుక్ అండి. ఇందులో మహేష్ బాబు డబుల్ రోల్‌లో ప్రేక్షకులను అలరించారు.
ఈ-కామర్స్ దిగ్గజం ఫ్లిప్‌కార్ట్‌కు మహేష్ బాబు బ్రాండ్ అంబాసిడర్‌గా వ్యవరిస్తున్న సంగతి తెలిసిందే. తాజాగా ‘ఫ్లిప్‌కార్ట్ ది బిగ్‌ బిలియన్ డేస్‌’కు సంబంధించిన ఓ యాడ్‌ను మహేష్‌పై చిత్రీకరించారు. ఇందులో సూపర్ స్టార్ డ్యూయల్ రోల్‌లో కనిపిస్తారు. ఈ యాడ్‌లో ‘ఫ్లిప్‌కార్ట్ ది బిగ్‌ బిలియన్ డేస్‌’ గురించి అన్నయ్య.. తమ్ముడికి వివరిస్తాడు. పంచెకట్టు, కోరమీసంతో అన్నయ్యగా మహేష్ బాబు లుక్ అదుర్స్ అంటూ ఫ్యాన్స్ కామెంట్స్ చేస్తున్నారు. లేట్ ఎందుకు మీరు కూడా ఓ లుక్కేయండి.
