AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

తీవ్ర విషాదం.. పశువుల నీటి తొట్టిలో పడి ఆరేళ్ల బాలుడు మృతి!

జగిత్యాల జిల్లా మల్లాపూర్ మండలంలోని వడ్డెర కాలనీలో విషాదం చోటుచేసుకుంది. పశువులకు నీళ్లు తాగించేందుకు ఏర్పాటు చేసిన తొట్టిలో పడి ఆరేళ్ల బాలుడు సూర బన్నీ మృతి చెందాడు. కూలీ పనులకు వెళ్లి తిరిగి వచ్చిన తల్లికి కుమారుడు కనిపించకపోవడంతో వెతకగా ఈ విషాద ఘటన వెలుగులోకి వచ్చింది..

తీవ్ర విషాదం.. పశువుల నీటి తొట్టిలో పడి ఆరేళ్ల బాలుడు మృతి!
Boy Dies After Falling Into Cattle Water
Srilakshmi C
|

Updated on: Nov 16, 2026 | 10:33 AM

Share

జగిత్యాల, నవంబర్ 16: జగిత్యాల జిల్లాలో హృదయవిదారక ఘటన చోటుచేసుకుంది. ఆడుకుంటూ తిరగాల్సిన ఆరేళ్ల చిన్నారి విగతజీవిగా మారడంతో ఓ కుటుంబంలో తీరని విషాదం నెలకొంది. పశువులకు నీళ్లు తాగించేందుకు ఏర్పాటు చేసిన తొట్టిలో పడి బాలుడు మృతి చెందాడు. ఈ ఘటన మల్లాపూర్ మండల కేంద్రంలోని వడ్డెర కాలనీలో చోటుచేసుకుంది. అసలేం జరిగిందంటే..

వడ్డెర కాలనీకి చెందిన సూర లావణ్య, అంజయ్య దంపతులకు ముగ్గురు పిల్లలు ఉన్నారు. లావణ్య రోజువారీ కూలీ పనుల కోసం ఉదయం వాల్గొండ గ్రామానికి వెళ్లింది. సాయంత్రం పని ముగించుకుని ఇంటికి తిరిగి వచ్చేసరికి ఇద్దరు పిల్లలు మాత్రమే కనిపించారు. ఆరేళ్ల కుమారుడు సూర బన్నీ కనిపించకపోవడంతో తల్లి ఆందోళనకు గురైంది. వెంటనే కుటుంబ సభ్యులు, స్థానికులతో కలిసి బాలుడి కోసం పరిసర ప్రాంతాల్లో వెతకడం ప్రారంభించారు. ఈ క్రమంలో పశువులకు నీళ్లు తాగించేందుకు ఏర్పాటు చేసిన తొట్టిలో బాలుడు పడి మృతి చెందినట్లు గుర్తించారు. చిన్నారి మృతదేహాన్ని చూసిన తల్లిదండ్రులు గుండెలవిసేలా రోదించారు.

ఇవి కూడా చదవండి

అప్పటివరకు తమతో ఆడుకుంటూ తిరిగిన చిన్నారి ఇలా విగతజీవిగా కనిపించడంతో కుటుంబ సభ్యులు కన్నీరుమున్నీరుగా విలపిస్తున్నారు. ఆరేళ్ల వయసులోనే బన్నీ మృతి చెందడంతో వడ్డెర కాలనీలో విషాదఛాయలు అలముకున్నాయి. ఈ ఘటన స్థానికులను తీవ్రంగా కలచివేసింది. చిన్నారుల భద్రత విషయంలో తల్లిదండ్రులు, కుటుంబ సభ్యులు అప్రమత్తంగా ఉండాల్సిన అవసరాన్ని ఈ విషాద ఘటన మరోసారి గుర్తుచేస్తోంది.

Follow Us