హీరో అజిత్‌కి విలన్‌గా మారిన ఆర్‌ఎక్స్100 హీరో!

ఒన్‌ ఆఫ్ హ్యాండ్సమ్‌ హీరో అజిత్. ఇప్పుడు అతనికి.. ఆర్‌ఎక్స్100 హీరో కార్తికేయ తలనొప్పి తీసుకొస్తున్నాడట. అవును నిజంగానే అతనికి విలన్‌గా మారాడట కార్తికేయ. ఏంటి ఆ రెండు వ్యాఖ్యాలు చదివి షాక్‌ అయ్యారా..? కార్తికేయ విలన్‌గా మారిన మాట నిజమే కానీ.. అది నిజ జీవితంలో కాదు.. సినిమాలో.

ఆర్‌ఎక్స్100 సినిమాతో హిట్ కొట్టిన కార్తికేయ.. ఆ తరువాత వచ్చిన ఆఫర్లను తోసిపుచ్చకుండా అన్ని సినిమాలు చేస్తున్నాడు. ఇటీవలె నాని నటించిన ‘గ్యాంగ్ లీడర్’ సినిమాలో విలన్‌గా నటించి మెప్పించాడు. ఈ సినిమా యావరేజ్ టాక్‌ తెచ్చుకున్నా.. కార్తికేయకు మాత్రం మంచి పేరొచ్చింది. ఇప్పుడు ఈ నటనతోనే.. హ్యాండ్సమ్ హీరో అజిత్ సినిమాలో కూడా విలన్‌గా చేసే గోల్డెన్ ఛాన్స్ కొట్టేశాడు ఈ హీరో.

డైరెక్టర్ వినోద్.. అజిత్ హీరోగా ‘వాలిమై’ సినిమా తీస్తున్నాడు. ఇందులో విలన్‌గా కార్తికేయ నటించబోతున్నాడని కోలీవుడ్‌లో ప్రచారం జరుగుతోంది. ఈ పాత్ర చాలా కొత్తగా ఉండబోతుందని.. దానికి కార్తికేయ సరిగ్గా సరిపోతాడని భావించిన డైరెక్టర్.. ఆర్‌ఎక్స్100 హీరోయిని అప్రోచ్ అయ్యారట. అందుకు కార్తికేయ కూడా పాజిటీవ్‌గా రెస్పాన్స్‌ ఇవ్వడంతో సినిమాను ఫిక్స్ చేశారట. అయితే.. త్వరలోనే దీనిపై అధికారిక ప్రకటన రానుందని సమాచారం.